Yetaya 4:1 - Ala Wone Peenok Peebi Mbanak

¹ Ne ti eyom paga kumi ineebe 7 nen aap ambit-ambi ineenggi pippunuk, yogo logonet, “Nit ninogonggelomini lek me, ninenggali mbakak nugwi nogo lek aruwak nduk, kat nen, An nakuwi kit aret, yo'niret o. Yo'nirage keenok, ninambi noorak inom, ninayum yikkoloorak inom, ti, ninalik ninobaalombok nen aret kwaakkologo logogun o,” yinuk, yogo logogun o.

Yetaya 4:1 ပူးပေါင်းရင်းမြစ်များ

Wakkagagerak 30:23

Ndi, at Araken nogo abila aret age nagagerik, aagaluk wulaga aret ndappunuk, ari logonet, “An nenggali mbakak nege nogo Ala nen lek eerogo naagaluk yi aret wo'negerak o,”

2 Tamuwen 6:23

Ndi, at Tawun apuluk kwe Mikan nogo aagaluk ndaka'lek wubili aret logonet, kambeegerak.

Yetaya 10:20

Ne ti eyom paga it Iterali eegu yumbunik at Yakup paga wiganak inenggela'me nen kole mbaganugun nogo, At aap it tebenogo piiga oba panggonak logogun lek o. Ata, at Kikak Nakeelik Alik Leenak Iterali inogoba Aliku ALA oba mban panggonak logogun o.

Yetaya 13:12

Mbuti emas at mendek mban eerak ti, mbuuluk aret wonage kwe, Aakumi ineebe ti, abu lek ambitak negen teppiige, Ndi, mbuti emas o Opit mendek ti, mbuura'luk wonage kwe, Aakumi ineebe perak, abunuk mbuura'luk mban inili eerogo piige, Eerigin o.

Yetaya 17:7

Ti eyom paga yeenggwaaraawak nduk, it aakumi nen Ineenggi paga ogobakkigirogo pereegwaarak inagugi inake warogo wogorogo menggam inigen pekkogwe, Inagugigwe Atiyera ageyo yinogo mippugu nogo ayuk wukwi, Obari abe kaga kani kunggo logowam ineenggi paga ogobakkigirik nogome kani kunggwi, Eerugun lek o. Ata, at ogobakkigirogo piyareegerak nogo inigen pekkogwe, At Kikak Nakeelik Alik Leenak Iterali inogoba liippugwi, Eeko logogun o.

Yetaya 2:11

It aakumi inigen tiyanak nugwi nogo tebenogo piige, “Nit iya,” mba'nuk tiyappatit nugwi nogo at abu'me tebenogo piige, Eerigin me, Ne ti eyom Aliku ALA alik mban endage tiyak yigin o.

Yetaya 2:17

Aakumi iniki wogoppakwi nogo tebenogo piige, inanggup tiyappakwi nogo at abu'me tebenogo piige, Eerigin me, Ne ti eyom paga Aliku ALA mban endage tiyak yigin o.

Yetaya 3:6

Ti eyom paga aap ambi ogoba ame wonage me, ore ambi nen at eenggi pippunuk yoge logonet, “Kayum abe negen yirik wonage me, ninowe a'nuk, o yigirik-noonom eerogo pugu yi, unde logot o.”

Yetaya 54:4

It aakumi nen at enggali eerogo pugun lek me, at agabiti mbake, Endage maluk eerogo pugun lek me, iniki piirik age, Eerugurik o. Kwe tawe negen logonet eeke nagagerak paga enggali mbakak nege nagagerak nogo ami age, Kwe togwe negen kenok, enggali wappogo nogogwaarak nogo abeka'lek mbo pege, Eerigin o.

Yeremiya 15:8

Mbini niyo aa'nggi paga wonage ti nggwok aret kwe, Kumi togwe nggininik inenggela'me mondok alik negen eerogo piige, Inagalomini iniki wakkolaawak nduk, wologwe awo tawe inoori woroorak o liingge-liingge nappi wage, Iniki ma'nage, inamineeri ne agan nage, eeruwak nduk, aberak lek me, maluk inoba kwippiige, Eerigin o.

2 Tetalonika 3:12

“It aap togop eekwi ti, ineyabu liirogon eekkologo logonet, it inambi mban nonggo logowak o,” yinuk, wone ti abok aret ninowe Yetut Keritut nen yo'niragagerak me, lengganogo yokkiragi o.

1 Tamuwen 1:6

At kwe Kana nogo Aliku ALA nen ndariyak lek wubili agago pereegerak me, ndaka'lek kenok, Penina nen Kana iniki wakkolaawak nduk, eerogo pege nagagerak.