Yetaya 39:4 - Ala Wone Peenok Peebi Mbanak

⁴ Yoge mbareegi, at Yetaya nen ambinom yoge logonet, “Ndi, kat kawi o nggwok abe wurik yime nano mendek inigen kagaarak?” Yoge mbareegi, at Kitikiya nen, “An namendek onggo nggwok wonage nogo ambi titik irage, ambi teppege, eerulik yi mendek ndi mendek an nawi o nggwok abe wurik yime wonage nogo abok aret titik iragarak.”

Yetaya 39:4 ပူးပေါင်းရင်းမြစ်များ

Ayup 31:33

Aap inomaluk inikime kumaappatogo mengga kwak An nomaluk ninikime kumaappatinuk wonage,

Kini Wuppiige 23:5

Towe pen ware oo'nu enaabit wungge nagaatik, wiga agan ogona time iyok lek lek ari nage menggi kwak, Kamendek wonage ti, kenegen awo pekkage keegak, aret lek arigin o.

Kini Wuppiige 28:13

Aap ambi nen omaluk kumaappatogo wonage paga at obeelom eekkolaga'lek aret wonage menggerak kwe, Aap ambi, “Maluk neebi o,” yinuk, paganogo mbo pege kenok perak, Ala abuwa nen teppege menggerak.

Yetaya 39:3

Titik irage nagagerik, wonage me, aap Ala nen yoge kagak yoraga Yetaya nogo aap endagembogut Kitikiya owagam wage nagagerik, yoge logonet, “It aap ti, ngga nen wogwe, ndi, nano wone yokkugwi, eekaarak o?” Yoge mbareegi, at Kitikiya nen, “It inawi o nda Mbaben nen aret wagaarak o.”

Yetaya 39:5

Yoge mbareegi, at Yetaya nen Kitikiya yoge, “At Omaawi Lombok Menggerak Aliku ALA ari nogo karuk logot o.

Yeremiya 17:3

It wonogo menggam time maluk mban eerit nogo logonet, inagugiwak eekwi nogo mban ndak warogo pit nagaarak me, Nanggween oolo paga nabuut lunik nogo aakumi alik unde eeppiige, Ndi, inamindik-inamendek inom, yi mendek ndi mendek onggo nggwok kuwak eerak wonage inom, Abok aret kugun wonok nawak nduk, aap alik ineenggime piige, Eerigin o.

Yotuwa 7:19

Oba age mbareegi, at Yotuwa nen at Akan nogo yoge logonet, “Kat eekendak nogo kumaapporogo logorak ti abu mage o. Ata, at Aliku Iterali inogoba Ala enggaanom paga ayuk wuke logonet, kat eekendak nogo paganogo yo'niru o, naput.”

1 Yaya 1:9

Ndi, ninomaluk abet aret paganggwi niinok perak, at Ala yegetak mbeyok ariilik, a'me liirogon mban eeke menggerak me, nit obeelom eeka'lek maluk eerit nugwi nogo lek eerogo pege, ndi, maluk ninikime wonage nogo koo'ninake, eeke logogin o.