Yetaya 39:2 - Ala Wone Peenok Peebi Mbanak

² at Kitikiya nogo nen keyage warogo wogonake nagagerik, amindik-amendek pogo menggam wonage mbuti perak inom, emas inom, ombat abe eeka inom, tayitun amburu onggo nggwok mendek inom, wim nambukak yigin-maale awi wurik me wonage nogo inom, yi mendek ndi mendek onggo nggwok kenok kuwak eerogo pege menggim wonage nogo abok aret titik irage logonet, at awi o nggwok abe wurik me wonage inom, at abu'me piinok wonage menggim inom, ambi titik irage, ambi mbo pege, eerulik abok aret titik iragagerak.

Yetaya 39:2 ပူးပေါင်းရင်းမြစ်များ

1 Endagembogut 10:10

Yoge nagagerik, mbuti emas aaninggin empat ribu inom, yi mendek ndi mendek ombat abe eeka apit aret inom, yugum abinak ambik onggo nggwok mendek inom, aap endagembogut nogo wogoreegerak. At kwe nggwok Tiyeba mendek nen yi mendek ndi mendek ombat abe eeka at endagembogut Talomo wogori wagagerak nogo ti, ambik mondok iya lombok wogori wagagerak me, peebi aap ambi nen at togop wogori woroolik aret o.

1 Endagembogut 10:15

Ndi, it aap yi mendek ndi mendek toko kunggo menggaarak nen pugwi inom, inamendek onggo-onggo kunit nugwi nogo nen pugwi inom, aap inendagembogut o Arap mendek abok nen wogori wogwe inom, it aap o unde menggaarak inoweewi nen wogori wogwe inom, ti inom lambunik linggingga'lek aret wonagagerak.

1 Endagembogut 10:2

aap apit aago inom o Yerutalem wogo logonet, yi mendek ndi mendek ombat abe eeka inom, mbuti emas ambik inom, yugum onggo nggwok mendek inom, apit aret unta amborowak paga nippunuk wonok, aap Talomo wonage me ka wogo nogogwaarik, yi wone ndi wone, “Nonggop togon eeke,” mbake nogo abok aret at Talomo kin wakkagagerak.

1 Endagembogut 10:25

Ndi, pekka wogo logonet, inalitik-inalitak yi mendek ndi mendek mbuti emas paga ogobakkigirik inom, perak paga ogobakkigirik inom, yum nggorek abe inom, yigin inom, yi mendek ndi mendek ombat abe eeka mendek inom, kuda inom, kuda kwak bagal inom, yi tahun ndi tahun onggo lek we aret Talomo wogori wagak eeko nogogwaarak.

2 Endagembogut 20:13

at Kitikiya nogo nen keyage warogo wogonake nagagerik, amindik-amendek pogo menggam wonage mbuti perak inom, emas inom, ombat abe eeka inom, tayitun amburu onggo nggwok mendek inom, wim nambukak yigin-maale awi wurik me wonage nogo inom, yi mendek ndi mendek onggo nggwok kenok kuwak eerogo pege menggim wonage nogo abok aret titik irage logonet, at awi o nggwok abe wurik me wonage inom, at abu'me piinok wonage menggim inom, ambi titik irage, ambi mbo pege, eerulik abok aret titik iragagerak.

2 Mbinineegwaarak 32:25

at Kitikiya nogo nen, “Aliku ALA nabuwa mba'nuk obeelom eeppanegerak kagi,” mbarulik iniki tiyappateegerak me, at inom, it o Yekura wonogwe inom, Yerutalem wonogwe inom, at Aliku ALA anini inoba piyareegerak mendek,

2 Mbinineegwaarak 32:27

Aap Kitikiya nogo eenggi mondok warak lombok age, endage abu tiyak ari, eereegerak. At awu mbuti perak inom, emas inom, yugum onggo nggwok mendek inom, ombat abe eeka mendek inom, yi nggeemu ndi nggeemu inom, yi mendek ndi mendek abe mendek abok aret inom, pogo logowam o wurogo pit nage,

2 Mbinineegwaarak 32:31

o nggween time iya tit agagerak nogo kin wakkaawak nduk, it aap Mbaben mendek inoweewi inendagembogut nen inawuri nappiya wogogwaarak ti eyom paga perak, at Ala nen abut mbangge logonet, iniki mbake nogo abok aret eenu aruwak nduk, mbo pereegerak.

2 Mbinineegwaarak 9:1

At Talomo nen eerit nage paga endage wiganinuk nage nogo, kwe nggwok o Tiyeba mendek aruk konengge nagagerik, “At Talomo eeke yogwe ti, nonggop ari kaamun? Abut mbani na,” mbake nagagerik, aap apit aago inom o Yerutalem wogo logonet, yi mendek ndi mendek ombat abe eeka inom, mbuti emas ambik inom, yugum onggo nggwok mendek inom, apit aret unta amborowak paga nippunuk wonok, aap Talomo wonage me ka wogo nogogwaarik, yi wone ndi wone, “Nonggop togon eeke,” mbake nogo abok aret at Talomo kin wakkagagerak.

2 Mbinineegwaarak 9:9

Yoge nagagerik, mbuti emas aaninggin empat ribu inom, yi mendek ndi mendek ombat abe eeka apit aret inom, yugum abinak ambik onggo nggwok mendek inom, aap endagembogut nogo wogoreegerak. At kwe nggwok Tiyeba mendek nen yi mendek ndi mendek ombat abe eeka at endagembogut Talomo wogori wagagerak nogo ti, ambik mondok iya lombok wogori wagagerak me, peebi aap ambi nen at togop wogori woroolik aret o.

Ayup 31:25

Neenggi warak wonage me, niniki ale'nggen nggwok mbake, Eerit nage nogo paga Namendek ambik kuwak eerogo pakirak kenok, niniki tiyappake,

Kini Wuppiige 4:23

Ndi, keenik logonet, eerit nage logorak ti, Niyo eneeri kwak kiniki aret me, Wone ti unde wake logonet, kiniki inom mondok-mondok unde wakkolage logot o.

Wone Alom Kibingga 7:20

O nggween paga yime aakumi maluk eeka'lek iniki koonak abu obeelom mban eeka wonogolik o.

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

2 Korindut 12:7

Alik tam warak aakumi kogolik mendek nenegen kagagirak nogo paga, “An iya o,” yinuk, wogoppatit nage neyo, Ala nen andi ambi nagabolo paga alok negen ngguurogo paneegerak ti paga Ibilit awot ambi wage nagagerik, wogoppake neyo, nenggali wappanegak mban eeke menggerak o.

1 Yaya 1:8

Nit maluk eeko logonet kwe, “Nit maluk eekulik o,” yogwe niinok, pilit aret ninambokan laganggologwe me, Ala ndogop menggerak wone nogo ninikime wonage abu lek aret o.