Yetaya 38:9 - Ala Wone Peenok Peebi Mbanak

⁹ Aakumi Yekura inowe endagembogut Kitikiya andi eereegerak nogo abu aret obeelom age nagagerik, ndawi pereegerak liiru mbanak nogo yi aret o.

Yetaya 38:9 ပူးပေါင်းရင်းမြစ်များ

2 Mbinineegwaarak 29:30

Ayuk wuko nogogwaarik, aap endagembogut Kitikiya inom, at inom eeko menggaarak inom, nen it Lewi mendek yorogo logonet, “At Ndawut inom, abinggaanggo kaga Atap inom, nen ndawi pereegwaarak nogo paga Aliku ALA alut eeko logonip o,” yorogogwaarak ndawi wakwi iigak, it abok aret inale'nggen nen Ala endage tiyappugwi, inendobanggun yindumbunuk, ayuk wukwi, eereegwaarak.

Ayup 5:18

At nen inawinde-inobaande eerogo piigetak kwe, At nen mban nggerenogo piige, At nen inoorogo piigetak kwe, At nen aret obeelom eerogo piige, Eeke menggerak o.

Ndawi 18:1

Kaliku ALA wae. Nomaawi eerogo panege menggendak kat aret me, An niniki kunik eekkake agarik o.

Yetaya 38:10

An nen ari logonet, “Nda'nagagirak awo obate paga kagak aakumi kambunuk nogo menggam tu ambe pan ari logonet wiinege, Neenik ambinom logokit mbake neegak, an mondok wo'neren pani nage, Eeke kenok,

Yetaya 38:8

Oonegen ngge paga ari wagaarak agalu'mak ineenu agak aap Akat ogobakkigirogo mippereegerak nogo paga agalu'mak enaame nggorek iniyok 10 kuli pi nagin, yegerak, yorumunggun o,” yinuk, yoreegerak. Yoge mbareegi, oonegen iyokan nage kagak agalu'mak enaame iniyok 10 kuli pi nagagerak o.

Pelaareegerak 32:39

Ala lombok ambit an aret kinigen pe'neyaanip o. Ala alik ambi wonage lek, nalik aret logonet, Aakumi inoorogo piige, ineenik agago piige, Inawinde-inobaande agago piige, lek eerogo piige, Eeke minggirak an aret me, Aap ambi nen, Eeppiyoorak mage, yo'niriyak meek o.