Yetaya 38:5 - Ala Wone Peenok Peebi Mbanak

⁵ “Kiyokan yungguninuk, aap Kitikiya wonage me, nage logomenggendik, yogop yoru o. At Aliku kombo Ndawut ogoba Ala nen ari logonet, At Kitikiya tamban eekerak nogo naruk konengge, ale amburu wangge nogo muk nenegen kage, eekirak me, an nen at eenik nggorek logorak tahun 15 ambinom eeruwak nduk, wogoge logonet,

Yetaya 38:5 ပူးပေါင်းရင်းမြစ်များ

1 Endagembogut 15:4

Togop aret eeke nagagerak kwe, at Ndawut eerit nage nagagerak paga, Ndawut ogoba Aliku ALA nen ndi wuninik kwak Ndawut endage o Yerutalem time ki logowak nduk, obaane'me aput wiganak mendek ambi mippege, ndi, o Yerutalem omaawi eerogo pege, eereegerak.

1 Endagembogut 8:25

Togop aret me, Kaliku aakumi Iterali inogoba Ala wae. Kat kayeloman an nogoba Ndawut yoge logonet, Kat an nenggaanom kiniki koonak obeelom mban eeke menggendak kokwak, kapuri ndaganabemenggendak ndak-ndak liirogon mban eekwi iinok, an nenggaanom paga aakumi Iterali inarum logonet, wone lengganogo yorage logorak nogo ti, kat kapuri mban aret inendagembogut logonet, eeko logogun o, yinuk, wone koonogo yoreegindak nogo, a'me nggelok yuwak nduk, liirogon aret eeke logomunggun o.

2 Endagembogut 18:13

Aap Kitikiya endagembogut a'nuk wone lengganogo yorage kagak tahun 13 eeppunuk, ambi age paga at aap Atiyut mendek inowe endagembogut Tanerip nen it Yekura inawi kota-kota yugum pak wurik wonage kagak, o nogo abok aret oba kwi'nari unggwage logonet, tebenggo'net nagagerak.

2 Endagembogut 18:2

At ndarak kagak, tahun 25 age paga endagembogut age nagagerik, o Yerutalem logonet, wone lengganogo yorage kagak, tahun 29 aret eereegerak. At agalo ti, aap Takariya apuluk kwe Abi aret.

2 Endagembogut 19:20

At Amot aput Yetaya nen aap ambi Kitikiya yori nawak nduk, wone eerogo nappereegerak yoge logonet, “At Aliku Iterali inogoba Ala nen aap Atiyut mendek endagembogut Tanerip eeke paga tamban eekendak nogo, at muk konengge nagaarik,

2 Mbinineegwaarak 34:3

At wone lengganogo yorage kagak tahun 7 eeppunuk, ambi age paga awo tawe logonet, “Nombo Ndawut ogoba Ala mugurok naakit aret o,” yinuk, mugurok nage logonet, wone lengganogo yorage kagak tahun 11 eeppunuk, ambi eeke paga o maluk agaatak lek eeruwak nduk, eyoongga kalenogo nggoorogo wumbit nogo mengga kwak, o Yekura inom, Yerutalem inom, enete maluk agagerak me, oba nggoorogo wunnake logonet, puut-puut paga inagugi eeko menggam inom, obari abe kaga inake kani kunggo menggam irimbaga wonage nogo inom, minogo pege, kugigwe Atiyera arelen yinik nogo kalenak-pugunik eerogo pege, inagugiwak eyo paga ogobakkigirik inom, mbuti paga kugi ogut longgo warak inom, yigirik-noonom eerogo pege, eeke nagagerik, yigirik nogo wonok it aap inake warogo wogorogo nogogwaarak unde kambeegwaarak nggween taambiyareegwam nogome yumbunogo pit nage,

Ayup 14:5

Aakumi ndarak iigak logorak kuli mbanogo piige, Ndi, ineenik ne ndogop logorak koonogo piige, Eereegindak kagak, It nen ya langgok eerogo patiyak meek o.

Ndawi 116:15

At apuri alik leenak kanggwi enegen iinok, Iniki kundugu lombok me, “Ao,” inombake menggerak o.

Ndawi 147:3

Iniki wakkologwe nogo obeelom eerogo piige, Inawin kunik nogo nggerenogo piige, Eeke agaarik o.

Ndawi 39:12

Kaliku ALA wae. An nogo Aap nggiru kwak kat nimbirak luulu wonage, Aap nggiru kwak nombomini nugu nogogwaarak nogo pogom nege, Eeke me, An nale ari nogo Karuk konengga'lek mbo panege ti mage o. Ata, an tamban eeke nogo karuk konengge, Yeenggwa niru o, yinuk, Noone nggwok paga yokkege nogo liippanege, Eeru o.

Ndawi 56:8

An mbaganit o ambime agak nege neegak Kat keenggi linggingge, Nale amburu wangge nogo kayiwa'na toologo pege, Eekendak nogo abok aret Liiru mbanogo pegendak nogo lek a? Liiru mbanak aret wonage me,

Ndawi 6:9

Aliku ALA nen nabuwa mbaruwak nduk, noone nggwok paga yoge nogo konengge, An tamban eeke nogo, at Aliku ALA liippanege, Eekerak me,

Wone Alom Kibingga 3:3

Inooriyak eyom wonage, obeelom eeppiyoorak eyom wonage, Minogo puurak eyom wonage, wuriyak eyom wonage,

Yetaya 37:21

At Amot aput Yetaya nen aap ambi Kitikiya yori nawak nduk, wone eerogo nappereegerak yoge logonet, “Aliku Iterali inogoba Ala nen aap Atiyut mendek endagembogut Tanerip eeke paga tamban eekendak nogo, at muk konengge nagaarik,

Yetaya 38:4

Le ari kagak, Aliku ALA nen at Yetaya yoge logonet,

Leendawi 3:56

“Yeenggwa niru o, yinuk, noone nggwok paga yokkege yi, karuk nappatinuk logorak mage o,” yinuk, yokkege, eeke mbareegi, An nggino yokkereegirak nogo karuk konengge,

Lukat 1:13

at malayikat nogo nen, “Takariya wae. Kagabiti mbarugun o. Kat tamban eeke nagagindak nogo Ala muk aruk koneneegerak me, kakwe Elitabet nogo kapuluk ndakkirigin o. Ndakkege kenok, at endage Yaya aret toonenu o.

Nappiigak 27:24

Pawulut wae. Kagabiti yugun o. Kat Kayitat owagam aret mi'narumunggun me, Ala kabuwa nen kinom yiiro paga wonogwe yi, kat paga abok inagap ndarigin o, yinuk, yo'negerak me,

2 Korindut 7:6

it aakumi iniki wakkologwe iinok, iniki eyak wappiige menggerak Ala nogo nen, nit niniki eyak wappinanuwak nduk, aap Titut nappi wagaarak.