Yetaya 38:20 - Ala Wone Peenok Peebi Mbanak

²⁰ Kaliku ALA nen an nagap ndarogo pani wagandak me, Nit Kaliku ALA kawi wurik me time mondok-mondok logonet, Yi nggitat ndi nggitat oone eekwi, ndawi wakwi, Eekwi tit niigak kambuurak kuli ari nagin o,” yoge mbareegi, ndawi pereegerak liiru mbaneegerak ti aret.

Yetaya 38:20 ပူးပေါင်းရင်းမြစ်များ

Ndawi 104:33

An kangga'lek awo neenik wonage logonet, Kaliku ALA kale'nggen kaanok nduk, ndawi wake, An awo wonage logonet, Kat nogoba Ala ndawi paga kendage tiyappege, Eeke logogin o.

Ndawi 116:2

Noone yoge at aruk liirogon konenggerak me, At aret nggino yogak mban eeke neegak, kambi noorak kuli aret ari nawak o.

Ndawi 145:1

Kendagembogut nogoba Ala yi wae. An nen kat tiyappagage, Kendage mondok-mondok tiyappagit nage,

Ndawi 145:2

Ko'lu-kii'me, “Wa,” mban yokkege, Mondok-mondok kendage wogoppagit nage, Eeke logogin o.

Ndawi 146:2

An neenik wonage logonet, Aliku ALA tiyappege, An kangga'lek awo wonage logonet, nogoba Ala konenuwak nen ndawi paga anep pege, Eerigin o.

Ndawi 150:4

Oone lobale eekwi, kwirabik-kwirabok yogwe, Nggitat inom, nggawiwak inom, Eeko logonet, at endage tiyappugwi,

Ndawi 33:1

Kit aap kiniki abe monggotak yi wae. It aap iniki koonak nen At alut eeko logorak op me, Aliku ALA eekkinake paga Kinale'nggen nen ndawi wako logonip o.

Ndawi 33:2

Wako logonet, nggitat paga Aliku ALA tiyappugwi, Aruk konenuwak nduk, nggitat agale 10 aago paga eekwi iigak ndawi wakwi,

Ndawi 51:15

Nogoba wae. Noone yuurak meek agaarak nogo teeluk eerogo panu o. Teeluk eerogo panege keenok, Kendage tiyanak nogo paganogo yoranet nege logogin o.

Ndawi 68:24

Ala wae. It kawim tebenogo piinok, Mbigin-mbigin eerogo piinok wogoren wage nogo ninigen nakkeegwi, Kendagembogut ninogoba Ala wae. Mbigin-mbigin eerogo piinok, Kalut eeko menggam alik leenak nogome Wogoren unggwi nage keegwi, Eekwi niigak,

Ndawi 68:25

It ndawi tiyangga inaa'nduk ogwe, Nggitat paga eeka inom, nggawiwak paga eeka inom, it inambokan ogwe, Ndi, komologwe tawe oone lobale eerit inom ogwe, Eeppunuk Ndawi wareegwaarak nogo yi o.

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yunut 2:10

Tamban eeke mbareegi, Yunut eebe kilirogo wumbuwak nduk, Aliku ALA nen yikwe nogo yoge mbareegi, at Yunut nogo peyak negen wurogo niyo aa'nggi paga wumbereegerak.

Abakuk 3:19

An nomaawi ti, at Aliku Itok Menggerak nogoba Ala aret. Rusa iyok teeluk me, ya pegak nda pegak nege menggi kwak, an niyok togop aret eerogo panege, Puut-puut tiyarogon niyok pit nage logokit nduk, eerogo panege, Eeke menggerak o. Ndawi pugu yi, nggitat eekwi iigak, tiyanggo logowak nduk, inowe wogoreegwaarak.