Yetaya 38:19 - Ala Wone Peenok Peebi Mbanak

¹⁹ It aap ineenik wonogwe nen mban kat tiyappagagwi, An o yogondak, Wa, yokkege kwak, it aap ineenik wonogwe nen mban yokkugwi, Eeko logonet, Kat liirogon eeppiige menggendak inogobamini nen inapuri liirogon mamunirogo menggaarak o.

Yetaya 38:19 ပူးပေါင်းရင်းမြစ်များ

Ndawi 118:17

An kangga'lek neenik logonet, Aliku ALA eerit nagaarak nogo Mbininogo yoranet nage logogin o.

Ndawi 119:175

An tiyappagage logokit nen nili eerogo panege, Eekaatak ndak-ndak eeppiigo logorak Koone yugu nogo paga niniki eyak wappanege, Eeru o.

Ndawi 145:4

Kat eeke menggendak nogo It aa'nduk ndarak nen peebi nda'narugun nogo yorogwe, Iya tit eerit nage menggendak nogo mbininogo yorogwe,

Ndawi 146:2

An neenik wonage logonet, Aliku ALA tiyappege, An kangga'lek awo wonage logonet, nogoba Ala konenuwak nen ndawi paga anep pege, Eerigin o.

Wundeegwaarak 10:2

it aakumi Metit mendek nen, Nit ninomaawi meek aret kagi, mbaruwak nduk, at Ala nen ineenu agak eerubok mendek yogop eeppiige nagagerak o, yinuk, kapuri-kombowologwe mbininogo yorage, ndi, Naliku an ALA kineenu ogwe, eeko logomunggup nduk, eeke me, Pirawun yori nak o,” yinuk, nappereegerak.

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Yowen 1:3

Lek aret me, yi arit wage nogo, kinapurilogwe mbininogo yorogo logonip o. Yorogwe kiinok, it kinapurilogwe nen it inapurilogwe kunduk mbininogo yorogwe, Ndi, it nen inapuri peebi ndappiigwi nogo mbininogo yorogwe, Eerit wundi wogo logowak o.

Yaya 9:4

Oonikiya paga yabu eeriyak meek me, o kiip ariyak abu panggo yi wage kwe, awo waga'lek kagak, at nappani wagagerak eeke menggerak nogo, o eya paga mbet-mbet aret eeko logowok o.

Pelaareegerak 11:19

Kinapuri mbininirogo logonet, oome kwi'ndak logonet, endekem tu paga nogo logonet, yonggonggologo logonet, yabu eeko logonet, liirogon aret mamunirogo logomunggup o.

Pelaareegerak 4:10

At Aliku kinogoba Ala enggaanom puut Korep paga mi'ndak kiigak, Aliku ALA nen an yo'nege logonet, It aakumi Iterali ti, an noone yorage inaruk liirogon konembunuk, an inagabiti nombako logomenggaarik, kangga'lek awo ineenik wonogo logonet, inapurilogwe mamuninako logowak nduk, aakumi Iterali ti, an nowagam kuwak ari woraawak nen yoret o, yinuk, yo'nereegerak eyom nogo abeko logonip o.

Pelaareegerak 4:9

Lek aret me, kit nen eerit nogwe kinigen abe nen kogogutak nogo kobak eerogo mbo pukwak, mondok unde wonogwe kiigak kambi noorak kuli aret me, kiniki liippunuk, aberak logonet, kinapuri inom, kinombowologwe inom, abok aret liirogon mbininogo yorogo logomunggup o.

Pelaareegerak 6:7

Waganggo logomonggotik, oome kwi'ndak logonet, endekem tu nogo logonet, yonggonggologo logonet, yabu eeko logonet, wone yi mban mbininggwi, kulinik-kalinik kinapuri mamuninakwi, eeko logomunggup o.