Yetaya 38:16 - Ala Wone Peenok Peebi Mbanak

¹⁶ Nogoba Ala wae. Aaninggin-paaninggin ninoba kwi'nage paga niniki koonnage menggerak me, Yi noba agaarak nogo paga an kunduk niniki koonogo panege, Neebe obeelom eerogo paninuk, nale'nggen paga eerit nage logokit nduk, eerogo panege, Eekendak o.

Yetaya 38:16 ပူးပေါင်းရင်းမြစ်များ

Ndawi 119:25

An liirubu enggela'me ndenen warak wonage me, Wone koonogo pereegindak nogo ndak-ndak An aa'nduk wonagagi kwak eerogo panu o.

Ndawi 119:71

Koone lengganak an mamunggolaakit nduk, Aaninggin noba paneegindak nogo ti, Op aret mbake agarik o.

Ndawi 119:75

Kaliku ALA wae. Eekaatak ndak-ndak eeppiige menggendak wone neenu me, Kat liirogon eeppanege logonet, Aaninggin-paaninggin noba paneegindak keege agarik o.

Ndawi 30:3

Kaliku ALA o. Kambunuk nogo menggam nen nippani wage, Kanggaatak nggween taambiigo menggam inenggela'me time wonage me, neenik eerogo panege, Eekendak o.

Ndawi 39:13

Nenggaawak ambi neyoorak lek Awo mbuuluk naakit nduk aret wonage me, Niniki ale'nggen ne ambiriluk kaakit nen Kena mbuuluk logu yu o,” yinuk, yoreegirak o.

Ndawi 71:20

An andi-pandi kaakit nduk, Aaninggin mondok alik negen noba kwippanege, Ale-pale eerogo panege, Eeke nagandak kwe, An aa'nduk wonagagirak kwak eerogo panege, Nggween kiiniki paga ari nagarak nogo pilanogo mippani wage,

Yetaya 64:5

It aap obeelom eeriyak inikilom mbakwi, Ndi, kat eeke menggendak nogo abeppunuk eekwi, Eekwi iinok, Yeenggwaara wage menggendak kwe, Koone taganogo mbo pugwi niinok perak, kanini ninombake nagagindak o. Togop eekwi niinok, nit nonggop togon yeenggwa niroorak? Lek aret o!

Matiyut 4:4

Yoge mbareegi, at Yetut nen, “Ala nen ari logonet, Aakumi mbi mban nunggwi iinok, ineenik logogun lek o. Ala ari menggerak wone abok aret waganggwi kenok perak, mondok ineenik aret logogun o, yinuk, yereegerak liiru mbanak wonage o.”

1 Korindut 11:32

Peebi it aakumi nggween paga mendek abok aret inowak loonogo maluk onggo inoba piige logonet, nit ninom ninoba pinanege kero, yogondak at ninowe nen nit eekwi liippinaninuk, niniki koonogo pinanege menggerak.

2 Korindut 4:17

Yogondak piyak-payak eerogo pinanugwi yi, peebi eeppinaniyak ndak-ndak abu lek o. Peebi eeppinaniyak nogo ti, yi mendek ndi mendek tebenak kagak, nit tiyappinanemenggerak nogo mondok-mondok tiyanak logogun me, yogondak eeppinanugwi yi, “We luulu teeluk aret eeppinanugwi,” mbako ogoorik o.

Pelaareegerak 8:3

It aakumi mbi mban nunggwi iinok, ineenik logogun lek o. Ata, at Aliku ALA nen yi wone ndi wone ari nogo waganggwi iinok, mondok ineenik aret logorak nogo liippugwi, kiniki tebeppatinuk wonogwe, eeko logobagip nduk, mbi abu eerogo pinagage, ti'nuk, kit inom, kinombomini inom, kineenggo'lek mendek mbi mana wokkirage, eereegerak nogo o.

Iberani 12:9

Ndi ambi, nit ninogobamini abe nda'ninabeegwaarak nogo nen niniki koonnaruwak nduk, ninaruk wakwi iinok, inoone liirogon konembunuk, eeko monggo kwak, at niniki lombok unde menggerak ninogoba Ala oone yo'nirage nogo, liirogon konembunuk ndak-ndak eekwi niinok, mondok-mondok nineenik logogun lek mbakop? Lek o. Nineenik logogun aret o.