Yetaya 38:13 - Ala Wone Peenok Peebi Mbanak

¹³ O weege kagak yeenggwa niri woraagin, mba'nuk, Niniki kwippunuk, tokkage neegak kwe, wage nagaarik, Singa nen aakumi inowak yigirogo nengge menggi kwak, nowak yigirogo panege, Liingge nen nok oonikiya kuli neenik nggobo agan naakit nduk, mbo panege, Eeke agaarik o.

Yetaya 38:13 ပူးပေါင်းရင်းမြစ်များ

1 Endagembogut 20:36

Teppege mbareegi, at Ala nen yoge kagak yoraga nogo nen at yoge, “Aliku ALA nen yegerak kat karuk konembunuk, eerulik me, an wonage me nen nage keenok, singa eyak nibinggabigin o.” Yoge mbareegi, wundi nanuk nage me, singa imbirak abuk a'nuk eyak nibinogo pereegerak.

Ayup 7:6

Yum yogo logonet, Keneben yimbegak-mambegak eekugak, Yum enegen nggerok yagak eeke menggi kwak, An ko'lu-kii'me neenik neegak, Togop aret age menggerak me, Niniki ambi lunik lek logonet, kambi nage agarik o.

Ndawi 32:4

Liingge-kii'me keenggi noba tebembaninuk wonage paga Mo andi nen inomaawi lek eerogo piige menggi kwak Nomaawi lek eerogo panegerak o.

Ndawi 39:10

Kat nen nooke nogo tayoppanu o. Keenggi omaawi paga nggwik nooke me, Niniki awi li'lek ee'nake agarik o.

Ndawi 50:22

Togop aret me, Kit noba mari eerogo panugo monggotak yi, It ambi nen kinagap ndaka'lek kagak, An nen nibinik-ndelenak eerogo pinagage neyo, Wone kiniki liippogo logorak nogo yi o.

Ndawi 51:8

Niniki ale'nggen ee'nake, keyage wake, Eerikit nduk koone ari naruk konengge, Nowak yigirogo panggendak nogo Omaawi eerogo punuk, an ndawi lubuk ari, Eerikit nduk, eeppanu o.

Ndawi 7:2

Eeke lek keenok, singa nibininake menggi kwak eeppanugwi, Ndi, it ambi nen nili yogwe lek kenok, nibik-nobak eerogo panugwi, Eerugun o.

Ndawi 90:5

It aakumi ugun nogo yugwi iigak, iniki nggerok togon wonok nage menggendak o. It aakumi ti, O kubondendok iri'ngga anggup larak kwak wonogwe,

Leendawi 3:4

Neebe mbuuluk eerogo panege, nagabolo mbuk eerogo panege, Nowak neno eerogo panit unggwage, Eereegerak o.

Ndaniyen 6:24

Kogo nogogwaarik, at aap endagembogut nogo nen it aap, “Ndaniyen ndogop eekerak o,” yinuk, yereegwaarak nogo, wogonabi nawak nduk, yoragagerak wogoren wogo mbareegwa, it aap ti inom, inakuwi-inapuri inom, mbuun ambena singa wonogwe me nogome mbo wuppiyareegwaarak mbuun o'luwam awo ari wangga'lek iigak, singa nogo nen ineebe ineyak nggerembiinok inowak abok aret yigirik-noonom eerogo piyareegwaarak.

Oteya 5:14

It Eparayim mendek eeppiyoorak an singa kwak wonage, Ndi, it Yekura mendek eeppiyoorak an singa awooluk eyak ambik menggi kwak wonage, Eerak logonet, An nen it ando nibinik-ndelenak eerogo piinok, nggarek ari, Ando neyak nggereneren nage, Eerigin me, Aap ambi neyak me nen ndinigin lek aret, yegerak me, yokkiragi o,” yinuk, yoragagirak.