Yetaya 38:1 - Ala Wone Peenok Peebi Mbanak

¹ Ne ti eyom paga at aap Kitikiya nogo andi eereegerak abu kambuurak eeke mbareegi, at Amot aput Ala nen yoge kagak yoraga Yetaya nogo, pekka wage nagagerik, yoge, “At Aliku ALA nen ari logonet, At obeelom arigin lek kambigin aret, yegerak me, kawoneninu kaaganapuri yorage logot o.”

Yetaya 38:1 ပူးပေါင်းရင်းမြစ်များ

2 Tamuwen 12:22

Yogo mbareegwa, at Ndawut nen it yorage logonet, “An napuluk andi kenok, mbi niyo nengga'lek logonet, le ari neegotak nogo ti, wulaga kambigin ilik, at Aliku ALA nabuwa nen eenik eeppigin a? nogo ti, nit ambi nineenggo'lek me, eekirak o.

2 Tamuwen 17:23

Ndi, at Akitoben nen wone koonogo yoragagerak nogo eeka'lek iige nagagerik, keledai amborowak paga kwi'nagak nogo ndoonogo punuk, ti paga kwi'na'nuk, at awi alom paga kota nogome aret nage nagagerik, aaganapuri koonogo piinok, alik nen enggaanok keele yilunggolagagerak kangge mbareegi, at ogoba nggween taanak me nogome aret taambereegwaarak.

2 Mbinineegwaarak 32:24

Ne ti eyom paga at Kitikiya nogo andi eereegerak me, abu kambuurak eeke logonet, Aliku ALA yoge mbareegi, Aliku ALA nen, “Kat kambumunggun lek obeelom aret arumunggun o,” yinuk, yoreegerak nogo ti, iya tit aret kwe,

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Yetaya 1:1

Aap Utiya, Yotam, Akat, Kitikiya, it nen aakumi Yekura inoweewi inendagembogut ambi agak, ambi agak, eeko logonet, wone lengganogo yoragak eekwi iigak, o Yekura inom, kota Yerutalem inom, eeppuurak at Amot aput Yetaya abinggaanggo paga kage nagaatik, yorage nagagerak nogo yi aret.

Yetaya 37:2

Unggwi nage nagagerik, aap endagembogut awi o nggwok abe wurik arum waka inowe Eliyakim inom, o apit inake liiru mbangga Tebana inom, it aap Ala unde iniki warak inom, yum nibinik maluk mendek yirik at Amot aput Ala nen yoge kagak yoraga Yetaya wonage me nappiyareegerak.

Yetaya 37:21

At Amot aput Yetaya nen aap ambi Kitikiya yori nawak nduk, wone eerogo nappereegerak yoge logonet, “Aliku Iterali inogoba Ala nen aap Atiyut mendek endagembogut Tanerip eeke paga tamban eekendak nogo, at muk konengge nagaarik,

Yunut 3:10

Eerogo wumbogo mbareegwa, Ala nen it maluk eekwi nogo mbo punuk, yungguninuk, at owagam wogwe maloppiige nagagerik, aaninggin inoba piyaakit mbareegerak nogo, “Eeppiyaagin lek o,” yinuk, inabuwa nen teppiyareegerak.

Yunut 3:4

Yunut nogo, o kota time unggwi nage nagagerik, nage kagak nogo ambit yegak nage nagagerik, wone yorage logonet, “Nogo 40 yinuk, o kota Niniwe yi, mondok lek eerogo pigin o,” yinuk, yoragagerak.

Nappiigak 9:37

Eeke wonage me, eebe kugi andi age nagagerik, kambeegerak. Kangge mbareegi, abin koorogo tilaabaga ko ogoorak ambime logonogo pereegwaarak.