Yetaya 37:3 - Ala Wone Peenok Peebi Mbanak

³ Nappiyareegerak nogo nogogwaarik, at Yetaya nogo yogwi, “At Kitikiya nen wone ari logonet, Kwe aagaluk ndariyak eyom agaatak kwe, ndariyak omaawi lek age menggi kwak, ne yogondak yi paga nit aaninggin ambik ninoba age, ninenggali age, meek lombok ee'ninake, eeke me,

Yetaya 37:3 ပူးပေါင်းရင်းမြစ်များ

2 Endagembogut 19:3

Nappiyareegerak nogo nogogwaarik, at Yetaya nogo yogwi, “At Kitikiya nen wone ari logonet, Kwe aagaluk ndariyak eyom agaatak kwe, ndariyak omaawi lek age menggi kwak, ne yogondak yi paga nit aaninggin ambik ninoba age, ninenggali age, meek lombok ee'ninake, eeke me,

2 Mbinineegwaarak 15:4

aaninggin-paaninggin inoba age mbareegi, melak togon Aliku Iterali inogoba Ala kwaarit nogo logonet, kwaakkogogwaarak.

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Ndawi 95:8

Kinombomini karume wogo logonet, Ala nen eerit wage inigen kogo nogogwaarak kwe, Inogogumbuk a'nuk, O Meriba inom, Mata inom, wonogo logonet, “Ala anini wungge kaamun ilik, lek a?” yinuk, Inoone liirit-laarit yogo nogogwa kwak O yogondak Ala nen wone yokkirage konembunuk, “Nineebi o,” yinuk, kinogogumbuk arugup o.

Yetaya 22:5

“O Abinggaanggo Kobappaga nogome it aakumi ugun naalop-kaalop eerit nugwi, Aakumi nobogom-kobogom nogo logonet, iniyok aan leben-leben nogwe, Inagabolo nirik-kirik nage kagak pelen-pelen nogwe, Eeko logonet, Pak wurik nogo langgunogo pugwi, Yeenggwaaraawak nduk inoone eerogo puut paga nappugwi, Eeriyak eyom Nomaawi Lombok Minggirak Naliku inogoba an Ala nen koonogo pereegirak wonage agaarik o.

Yetaya 25:8

Ndi, kanggwi alom nogo mondok lek eerogo pege, Eerigin o. Naliku Itok Minggirak an ALA nen aakumi abok inale amburu mbanogo piige, It at apuri o nggween paga yi awi ndi awi wonogwe inendage maluk eerogo piigwi nogo lek eerogo piige, Eerigin o,” yinuk, Aliku ALA nen aret yegerak o.

Yetaya 26:16

Kaliku ALA wae. Nit nonggop eekkoloobok kenok, kat kowagam wogwe, Niniki koonnaruwak nduk, aaninggin ninoba pinanege mbareegin, “Ai-ao,” yogo logonet, tamban eekwi, Eekoorak o.

Yetaya 29:2

Kat kota Ariyen yi, an nen aaninggin mendek koba nappi woraminggirak paga, Ai-ao, ari, le ari, kendage Ariyen toonak ndak-ndak warogo wogogo menggam amiya labunik kwak age, Eerumunggun o.

Yetaya 33:2

Kaliku ALA wae. Nit kat lombok paga niniki lunik wonogwe me, ninabuwa mbake, Ko'lu-kii'me kubondendok paga komaawi eeppinanege, Aaninggin ninoba age ti eyom paga keenggi omaawi paga ninagap ndake, Eeke logot o.

Yetaya 66:7

Aliku ALA nen ari logonet, “O kota ti, kwe kwak enegen paganak yagan waka'lek kagak aagaluk muk ndake, Ndi, ndariyak awo yagan waka'lek kagak aagaluk muk aap aret ndake, Eekerak o.

Yetaya 66:9

Aliku ALA nen ari logonet, “An nonggop togon elege logombunuk kole aruwak nduk koonogo punuk, Ti'nuk, nda'naruwak nduk tu paarogo pega'lek mbo puurak mbakop? An togop eekeelik o,” yinuk, ari, Kinogoba Ala nen, “Nda'naruwak nduk tu paarogo pege, ndi, nda'nage kenok, tu narogo pege, Eekeelik mbakop? Eeke minggirak aret o,” yinuk, ari, Eeke menggerak.

Yeremiya 30:7

Ne ti ari wage kenok, aakumi nen, Ne ti iya, mbakwi, Ne aa'nduk arit wagagerak ti kwak lek mondok alik negen age kogwe, Eeko logogun o. Ne ti eyom paga aaninggin mondok alik negen it Yakup mendek inoba kwi'narigin kwe, Inagap ndarigin,” yegerak o.

Oteya 13:13

Kwe elege ndarikit nduk yagan warogo ndake menggi kwak, at Eparayim nogo nda'nage logonet, andi kage kwe, Wulaga ti, iniki lek yuundurak aret me, at nda'nariyak eyom panggoni wagaarak kwe, Wundi wogo menggam ambe paga ari waga'lek aret agaarik o.

Oteya 5:15

“Ti eeke neenok, it nen, Nit maluk aret eeko o, yinuk, inomaluk awo pagangga'lek iigak, an wonage minggim ari naminggirak wonage logogin o. Wonage neegak, it an mu'neren wogwe, Aaninggin-paaninggin inoba kwi'naremenggerak ti paga, At ninom lambunuwok lak, ao, yinuk, an kwaa'nabit nugwi, Eerugun o, yinuk, yegerak me, yokkiragi o,” yoragagirak.

Oteya 5:9

Aaninggin inoba piyoorak ne ari wage kenok, Eparayim nogo kaliirubu pup eerogo piyaagin o. Togop aret me, it Iterali inanebunu lombok inenggela'me, Wone yi, abet aret eerigin, mbaruwak nduk, yorage agarik o.

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.