Yetaya 37:2 - Ala Wone Peenok Peebi Mbanak

² Unggwi nage nagagerik, aap endagembogut awi o nggwok abe wurik arum waka inowe Eliyakim inom, o apit inake liiru mbangga Tebana inom, it aap Ala unde iniki warak inom, yum nibinik maluk mendek yirik at Amot aput Ala nen yoge kagak yoraga Yetaya wonage me nappiyareegerak.

Yetaya 37:2 ပူးပေါင်းရင်းမြစ်များ

2 Endagembogut 18:18

aap endagembogut nogo wiiga'mban eeko mbareegwa, aap endagembogut awi o nggwok abe wurik inarum waka inowe Kilikiya aput Eliyakim inom, o abok inake liiru mbangga Tebana inom, aap endagembogut ake liiru mbangga Atap aput Yowa inom, it aap nogo pegiya wundi nogo mbareegwa,

2 Endagembogut 19:2

Unggwi nage nagagerik, aap endagembogut awi o nggwok abe wurik inarum waka inowe Eliyakim inom, o apit inake liiru mbangga Tebana inom, it aap Ala unde iniki warak inom, yum maluk nibinik mendek yirik at Amot aput Ala nen yoge kagak yoraga Yetaya wonage me nappiyareegerak.

2 Mbinineegwaarak 20:20

Ti'nuk, ko'lu kuubondendok it aakumi karume Tekowa nawok nduk, eeko mbareegwa, at Yotapat nen mi'na'nuk, wone yorage logonet, “Kit aakumi Yekura mendek inom, Yerutalem mendek inom, an wone yokkirage me, kinaruk logonip o. At Aliku kinogoba Ala kiniki oba panggombugwi kiinok, kiniki nu'lek eerogo pinagage, ndi, it aap Ala nen yorage kagak yoraga nen wone yokkirogo nogogwaarak nogo abet aret mbakwi kiinok, eeriyak mbakotak nogo a'me nggelok ari, eeke kaamunggup o,” yinuk, yoragagerak.

Etet 4:1

Wone agan nogwe nogo aap Morekayi aruk konengge nagagerik, iniki maluk a'nuk, ayum nibinogo patinuk, yum nibinik maluk mendek yikkolage, wun anobak paga yumbunogo pake, eeke nagagerik, oone nggwok paga leenggu maarit o kota nogome unggwi nage nagagerik,

Yetaya 1:1

Aap Utiya, Yotam, Akat, Kitikiya, it nen aakumi Yekura inoweewi inendagembogut ambi agak, ambi agak, eeko logonet, wone lengganogo yoragak eekwi iigak, o Yekura inom, kota Yerutalem inom, eeppuurak at Amot aput Yetaya abinggaanggo paga kage nagaatik, yorage nagagerak nogo yi aret.

Yetaya 20:2

tahun ti paga, aap Amot aput Yetaya nen aakumi yorage logowak nduk, Aliku ALA nen at yoge logonet, “Kayum maluk mendek keebe paga yirik ti inom, kiyok ogut inom, nggoorogo pu o.” Yoge mbareegi, at yoreegerak nogo ndak-ndak aret ayum inom, iyogogut inom, nggoorogo punuk, we aret nege nagagerak.

Yetaya 22:12

Ne ti eyom paga kit le yogwe, leenggu maakwi, Kineeruwak wiirogo nappugwi, purok yikut eekkologwe, Ee'nip o, yinuk, Nomaawi Lombok Minggirak Naliku inogoba an Ala nen yoragagirak kwe,

Yetaya 22:15

At Omaawi Lombok Menggerak Aliku nogoba Ala nen an yo'negerak nogo yi aret. “Aap endagembogut awi o nggwok abe wurik unde wonogwe inowe Tebana wonage me, Nage logomenggendik, Wone yori nu o, yo'negerak nogo yokkiri o.

Yetaya 22:20

“Ne ti eyom paga an nayeloman Kilikiya aput Eliyakim nogo wiirigin o.

Yetaya 36:3

aap endagembogut awi o nggwok abe wurik arum waka inowe Kilikiya aput Eliyakim inom, o abok inake liiru mbangga Tebana inom, aap endagembogut ake liiru mbangga Atap aput Yowa inom, it aap nogo pegiya wundi nogogwaarak.

Yetaya 37:14

It aap liiru mbanak wonok wogogwaarak nogo at Kitikiya woppunuk, pekkage nagagerik, wonok Aliku ALA awi wurik me unggwi nanuk, Aliku ALA enggaanom paga mbiganogo pereegerak.

Yetaya 37:21

At Amot aput Yetaya nen aap ambi Kitikiya yori nawak nduk, wone eerogo nappereegerak yoge logonet, “Aliku Iterali inogoba Ala nen aap Atiyut mendek endagembogut Tanerip eeke paga tamban eekendak nogo, at muk konengge nagaarik,

Yetaya 38:1

Ne ti eyom paga at aap Kitikiya nogo andi eereegerak abu kambuurak eeke mbareegi, at Amot aput Ala nen yoge kagak yoraga Yetaya nogo, pekka wage nagagerik, yoge, “At Aliku ALA nen ari logonet, At obeelom arigin lek kambigin aret, yegerak me, kawoneninu kaaganapuri yorage logot o.”

Yowen 1:13

Kit aap Ala unde yi wae. Kinayum maluk nibinik mendek yippunuk, kiniki wakkologwe, Kit aap Ala ake warogo wogogo menggam yabu eekwi yi wae. Leenggu maakwi, Eeko logonip o. Gandum anggen yigirik ake puurak inom, anggur amburu toolak ake kiliriyak inom, Kinogoba Ala awi wurik me ambinom pi wogo logogun lek me, Kit an nogoba Ala enggaanom paga yabu eekwi yi, Kinayum maluk nibinik mendek yippunuk, Ala awi wurik me unggwogo logomonggotik, Le yogwe kiigak nogo ambit yumunggup o.