Yetaya 37:1 - Ala Wone Peenok Peebi Mbanak

¹ Aap ineegin warak inowe nen yereegerak nogo, aap endagembogut Kitikiya aruk konembunuk, ayum nibinogo patinuk, yum nibinik maluk mendek yirikkolage nagagerik, Aliku ALA awi wurik me unggwi nagagerak.

Yetaya 37:1 ပူးပေါင်းရင်းမြစ်များ

2 Endagembogut 22:11

Aap endagembogut ake liiru mbangga Tapan nen wone eeko logorak Ala yereegerak mbuku paga liiru mbanak mbinineegerak nogo, aap endagembogut aruk konengge nagagerik, ayum nibinogo pateegerak.

2 Mbinineegwaarak 32:20

Togop mban yogo mbareegwa, inowe endagembogut Kitikiya inom, aap Amot aput Ala nen yoge kagak yoraga Yetaya inom, nen tamban eeko logonet, inoone nggwok mbogut paga eerogo nippereegwaarak.

Etara 9:5

Ari nage mbareegi, niniki wakkolagagirak nogo lek eerogo punuk, nayum nggorek inom, nayum neebe paga yirik inom, nibinogo pateegirak nogo kagak aret nendobanggun yindumbunuk, neenggi Aliku nogoba Ala titik ege logonet,

Etet 4:1

Wone agan nogwe nogo aap Morekayi aruk konengge nagagerik, iniki maluk a'nuk, ayum nibinogo patinuk, yum nibinik maluk mendek yikkolage, wun anobak paga yumbunogo pake, eeke nagagerik, oone nggwok paga leenggu maarit o kota nogome unggwi nage nagagerik,

Yetaya 22:12

Ne ti eyom paga kit le yogwe, leenggu maakwi, Kineeruwak wiirogo nappugwi, purok yikut eekkologwe, Ee'nip o, yinuk, Nomaawi Lombok Minggirak Naliku inogoba an Ala nen yoragagirak kwe,

Yetaya 36:22

Puk aret wonogwe iigak, aap endagembogut awi o nggwok abe wurik arum menggaarak inowe Kilikiya aput Eliyakim nogo inom, o abok inake liiru mbangga at Tebana nogo inom, aap endagembogut ake liiru mbangga Atap aput Yowa nogo inom, inayum nibinik yikko'nok, aap wim eeka inowe nen yereegerak nogo, aap endagembogut yori unggwogogwaarak.

Yetaya 37:14

It aap liiru mbanak wonok wogogwaarak nogo at Kitikiya woppunuk, pekkage nagagerik, wonok Aliku ALA awi wurik me unggwi nanuk, Aliku ALA enggaanom paga mbiganogo pereegerak.

Yeremiya 26:19

Wone ti yoragagerak paga it Yekura inowe endagembogut Kitikiya nen ilik, it aakumi Yekura menggaarak abok aret nen a, Mika warogo pereegwaarak mbakop? At Kitikiya nogo Aliku ALA agabiti mbake logonet, Ninabuwa mbaru o, yinuk, yoreegerak nogo lek a? Ndi, yoge mbareegi, Aliku ALA nen aaninggin eeppiyoorak yoragagerak nogo eeppiyoolik iniki yanggoppunuk, puk agagerak nogo lek a? Puk agagerak kwe, nit yi perak, aaninggin mondok iya lombok mendek ninoba kwippatiyak nduk, eeko ogoorik o,” yinuk, yorogogwaarak.

Yeremiya 36:24

At aap endagembogut inom, awuri at ake eeka inom, wone ti abok aret inaruk koneneegwaarak kwe, “Wone yi, iya lombok, kogo o,” yinuk, inagabiti mbakwi, inayum iluk ambi nibinogo pakwi, eerulik aret.

Matiyut 11:21

“Kit aakumi Koratim mendek yi, kinabuwa o. Kit Mbetayira mendek kunduk, kinabuwa o. Eerubok mendek kit kiname time eeke kogotak nogo, o Tut Tiron time eeke logonetak en, it aakumi time mendek maan togon inayum maluk yikkologwe, purok inagabolo paga yikut eerogo pakwi, eeko logonet, inomaluk muk mbo penetak o.