Yetaya 33:3 - Ala Wone Peenok Peebi Mbanak

³ Koone ngguurubu kwak ari keenok, yi aakumi ndi aakumi kole mbaganggwi, Kat pilak ari keenok, it aakumi inanebunu lombok ma'nogwe, Eekwi iigak,

Yetaya 33:3 ပူးပေါင်းရင်းမြစ်များ

Ndawi 46:6

Yi aakumi ndi aakumi abok aret Inagabiti nen noone-koone agan nogwe, Aap inendagembogut inabu'me piinok menggam iniki a'nggan wo'nogwe, Eerugun o. Ndi, Ala oone nggwok ari kenok, O nggween yi, yigirik-noonom nagin o.

Ndawi 59:11

Togop eerumunggun kwe, Kat ninanggeemu kwak ninogoba wae! Kat eeke nogo aakumi an mendek inami arukwak, It ineebe inoorogo piyoorak mage o. Ata, it mak aago nugu logowak nduk, Komaawi paga mak eerogo piige, tebenogo piige, Eeru o.

Yetaya 33:4

Wurin iri'ngga lelenogo nonggo mengga kwak, Wurin ambit me ninggippunuk, iri'ngga ne ambit pup eerogo nunggo mengga kwak, It aap nen aakumi ti inawi paga kwi'nari unggunuk, inamendek abok aret wonok ma'narugun o.

Yeremiya 25:30

Togop me, an nen it eeppiyoorak yokkege yi, abok aret yorage logot o. It yorage logonet, Aliku ALA nen at tiyanak menggim logonet, oone engget-ngget kwi ari, At wonage menggim abu leenak me logonet, oone nggwok paga ari, At anggween eeppuurak paga oone engget-ngget kwi ari, It aap anggur anggen aambiranggo logonet, inoone yogo mengga kwak ari, It aakumi nggween paga wonogwe abok aret eeppiyoorak paga oone nggwok ari, Eerigin o.

Yeremiya 25:31

Yi aakumi ndi aakumi, Kit ndogop eekotak o, yinuk, Aliku ALA nen yoraagin me, Wim nggaganggo logonet, noone-koone yogwe nogo, o irip-irip time konenit nagun o. It aakumi abok aret inowak loonogo inawone mbangge logonet, it aap maluk eeka nogo wooluwak nen nawak nduk, eeppiyaagin o,” yinuk, Aliku ALA nen aret yegerak o.

Ndawi 68:2

O wiya nen ka'luk wonok lek age menggi kwak, At Ala nen it togop aret eeppiige kenok ineebe lek ogwe, Teemok kani aganggen nen amburu wungge logonet, Lek age menggi kwak, it aap maluk eeka nogo, At Ala enegen kagak togop aret lek ogwe, Eeko logowak o.