Yetaya 31:2 - Ala Wone Peenok Peebi Mbanak

² At Aliku ALA ti, iniki warak aret me, At eeriyak yegetak nogo mbeenogo pigin lek a'me nggelok togon aaninggin inoba kwippiyaagin o. At pilak ari logonet, aap maluk eeka inom, it aap maluk eeka yeenggwaaraga inom, Aaninggin inoba piyaagin aret o.

Yetaya 31:2 ပူးပေါင်းရင်းမြစ်များ

Ayup 12:13

Togop aret kwe, iniki warak inom, omaawi inom, Ti Ala paga mban wonage o. Ndi, wone abu koonogo punuk yorage, Yi wone ndi wone liippit nage, Eeke ti, at mban unde wonage me,

Ayup 12:16

At ti, omaawi wonage, Eeriyak mbaketak nogo aret eeke, Eeke menggerak me, Aap pilit wone yaga inom, Pilit wone oba pege nogo inom, Imbirak abu'me piirogo menggerak o.

Ayup 5:13

Iniki ngget paga maluk eeriyak koonggwi nogo, Awo koonggwi iigak, nggerok togon wagangge, Iniki penenak paga koonggwi nogo, Melak togon lek aruwak nduk eeppiige, Eeke kenok,

Yetaya 1:4

Kit aakumi maluk mban eeka mendek yi wae. Kit maluk mban kinoba luurik wonage, Maluk awi mbilanak kit aret porogo wonogwe, Wologwe maluk eeriyak lek mendek kagak eerit nugwi kwak eerit nugwi, Eeko logonet, At Aliku ALA mbo pugwi, At Kikak Nakeelik Alik Leenak Iterali inogoba nogo meek eerogo pugwi, Kit kinambokan munogo pugwi, Eekwi me, Kinabuwa o!

Yetaya 14:20

O kat wonage menggenom maluk eerogo pit nage, Aakumi kat kowe-kawot aret inoorogo piinet nage, Eekendak me, It aap inendagembogut kambeegwaarak nggween taanak wonogwe me kinom taambagagun lek aret o,” yinuk, miyuk-meya eerogo pogo logogun o. “At aap maluk eeka ti, ombowologwe inendage ambi yogo logogun mondok lek o.

Yetaya 21:17

Ndi, it aap ineegin warak wakaa'ngget Kerat mendek yumbunogo ambitak mban teppiyaagin o,” yinuk, at Iterali inogoba Aliku Ala nen aret yegerak me yagi o.

Yetaya 22:14

Ndi, naruk konengge neegak at Omaawi Lombok Menggerak Aliku ALA nen an yo'nege kagarak nogo yi o. “It inomaluk ti, an nen lek eerogo piyaagin lek itok kunik kagak aret kambugun o,” yinuk, at Omaawi Lombok Menggerak Aliku nogoba Ala nen aret ari kagarak me, yokkiragi o.

Yetaya 28:21

Aliku ALA nen inigen kogolik mendek eeke menggerak nogo aret eeke, At eerubok mendek eeke menggerak nogo aret eeke, Eerikit nduk, At Puut Peratim paga mi'na'nuk eereegi kwak eeke, O Nggibeyon kobappaga anini nen pilak yinuk eereegi kwak aret eeke, Eerigin me,

Yetaya 28:29

Yi eeriyak nogo abok aret ti, Nit eeriyak iya negen koonogo yo'nirage, Pi wakugak iniki warak lombok logonet yo'nirage, Eeke menggerak Omaawi Lombok Menggerak Aliku ALA nogo nen aret yoge menggerak o.

Yetaya 30:3

Aap Pirawun abu'me wonogwe paga inenggali age, O Metit ineebe obeelom wonogwe paga inendage maluk age, Eeke kaagun me, inabuwa o.

Yetaya 31:3

It aakumi Metit mendek ti, Ala kwak lek we aakumi aret o. Ndi, inaguda kunduk, kugi kwak lek ineebe lebenak wonage me, At Aliku ALA eenggi nippege kenok, “Yeenggwa niraanip o,” yoragaarak inom, yeenggwaaragaarak inom, Imbirak ambugwi aret iniyogobit lik togon wanggo logomenggaarik, inenggaawak lek arugun o.

Yetaya 45:7

O liingge wakkage, oonikiya wakkage, Obeelom eerogo piige, maluk eerogo piige, Eeke minggirak yi abok aret ti, Naliku ALA nen aret eeke minggirak o,” yinuk, yoge kagarak.

Yetaya 9:17

It aakumi abok aret ti, maluk mban eeriyak mbako logonet, Ala ineebi mbakwi, It abok aret wone yuurak lek kagak aap wi yogo mengga kwak agan nugwi, Eekwi me, Ninogoba Ala ti, wologwe tawe nogo inikilom mbake, Ndi, elege moono inom, kumi nanu inom, inabuwa mbake, Eerigin lek aret o. Ti abok eeginabigin kwe, At anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.

Yeremiya 10:12

At Ala eenggi omaawi paga o yi ogobakkigike, Iniki warak nen o nggween yi, ena koonogo pege, At eenu paga mbogut mbiganogo nappege, Eereegerak o.

Yeremiya 10:7

It yi aakumi ndi aakumi inowe endagembogut yi wae. Taani nen kat kayuk wuriyak lek mbako agaarik? It aakumi inanebunu lombok inom, it inoweewi aap inendagembogut inom, apit aret inenggela'me Kat kokwak aap iniki warak ambi lek aret me, Kat mban kayuk wuko logorak ti op aret o.

Yeremiya 36:32

Yoge mbareegi, at Yeremiya nogo nen mbuku pirik-perek aago ambi waganogo at Neriya aput liiru mbangga Mbaruk nogo wogo'nuk, yoge kagak at Mbaruk nen it Yekura inowe endagembogut Yoyakim wone yugu mbuku pirik-perek aago paga liiru mbanak kani kuneegerak nogo ndak-ndak liiru mbanogo pege, ndi, wone ti mendek alik ambi inom aret liiru mbanogo pege, eereegerak.

Yetikiyen 29:6

Ti eeke neenok, it aakumi o Metit wonogwe abok aret Naliku ALA an aret ineenu arugun o. At ti, it Iterali mendek inowaanggun longgop kwak aret o.

Amot 3:6

O kota ambime oone nggwok eeka trompet nogo oone pu eekwi iinok, aakumi inogut nggigik ari menggerak lek mbakop? Ndi, at Aliku ALA nen it aakumi o kota ambime menggaarak nogo, aaninggin inoba kwippiyoorak koongga'lek kagak Aaninggin inoba kwi'nage menggerak mbakop?

Tepaniya 3:8

Aliku ALA nen ari logonet, “Togop eekwi me, an nen yi aakumi ndi aakumi abok aret kuwak eerogo piya wage, It aakumi inabu'me piinok menggam nen kuwak eerogo piya wage, Eeppiinok, Nanini inoba piige, An nanini kani kunik negen eeppiige, Eeriyak koonogo pereegirak nogo eeke logonet, An mban mu'neren woraawak lak, it alik mugurok nogwe yi, neebi a, yinuk, Aakumi o nggween paga wonogwe abok aret nanini kani wunuk ari kwak ineebe pup eerogo nawak nduk, eeppiyaagin me, An mi'nage logominggirik, Kit togop eekwi kiigirak o, yinuk, yoroorak eyom ari woraawak nduk, to'neego logowak o.

Takariya 1:6

An noone ari, wone lengganogo pege, eeke nagagirak nogo, it wone yorage neegak, yoraga nayeloman mini nen yorogo logowak nduk, wone lengganogo yoragagirak nogo, kombomini ndak-ndak eeppiige neyareegwaarak, ilik, lek a? Ti eeke neenok, inomaluk mbo punuk, yogo logonet, Nit nineraambe maluk logonet eerit nugwi, nit maluk lombok eerit nugwi, eeko monggoorak nogo, at Omaawi Lombok Menggerak Aliku ALA nen onggo eeppinaniyak kooneegerak nogo ndak-ndak eeppinanege me, op aret, yereegwaarak nogo lek a? yinuk, yoret,” yegerak me, yokkiragi o, yoragagerak.

Linggineegwaarak 10:35

Ndi, Ala aloobut mbanak nogo piyaninuk woraawak nduk eekwi iigak, at Muta nen, “Kaliku nogoba ALA wae. It aap kinom wim mbanak menggendak nogo ma'nogwe, It ineebi kombako menggaarak nogo mbaganggwi, Eeruwak nduk, Kat komaawi tiyak yu o,” yinuk, yoge,

Linggineegwaarak 23:19

At Ala ti, aakumi kwak lek me, at oone pilit ari, At aakumi inaput lek me, iniki alik koongge, Eekeelik o. At nen, An yogop eerikit, yegetak ti, a'me aret eeke, At wone mbanggetak ti, a'me aret nggelok ari, Eekeelik mbaken?

Matiyut 24:35

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

Oroma 16:27

At Yetut Keritut eereegerak paga at alik iniki warak lombok menggerak Ala nogo endage mondok-mondok tiyanak aret logowak o. Amin.

Yotuwa 23:15

At Aliku kinogoba Ala nen, Yogop eeppiyaakit, ndogop eeppiyaakit, yinuk, obeelom eerogo pinagarak koonogo yokkiragagerak a'me aret age nagagerak nogo ndak-ndak, Maluk eekwi kiinok, aaninggin-paaninggin ndogop eeppinagagin o, yinuk, yokkiragagerak nogo eeppinagage kagak, nggween obeelom wokkiragagerak yi nogo paga nen, kinenggaawak lek eerogo pinagage logogin o.

1 Tamuwen 2:3

Kaliku ALA kat aret me, yi wone ndi wone abok aret keenu age, Aakumi nen yi eekak ndi eekak eekwi nogo, inowak loongge, Eeke menggendak me, It aakumi nen, Nit iya o, yinuk, tiyappatit nugwi, Wi niruwak o, yinuk, inoone paga wogoppatit nugwi, Eerugwaarik o.