Yetaya 30:8 - Ala Wone Peenok Peebi Mbanak

⁸ “Togop me, it aakumi ti, peebi inigen kenok, Ndogop nduk liiru mbaneegerak o, yinuk, Mondok-mondok abeko logowak nduk, yugum tabak paga ayo wagangge, Mbuku pirik-perek aago paga liiru mbangge, Eeri nak o.

Yetaya 30:8 ပူးပေါင်းရင်းမြစ်များ

Yetaya 2:2

O age yobok paga Yi puut ndi puut tebenak kagak Aliku ALA awi puut paga wurik nogo mondok tiyanak wonage kogwe, Puut-puut mbuulogwe nogo tebenak kagak, puut ti nogo tiyappugwi, Eekwi iinok, It aakumi inanebunu lombok abok aret time kuwak ari wogo logogun o.

Yetaya 34:16

“At Aliku ALA nen wone lengganogo yorage kenok, At Aberiniki nogo nen kuwak eerogo piyaagin me, Yi mendek ndi mendek endage yagarak nogo ambi lek ti lek abok aret ogonggelo-akweegelo imbirak lunik aret logogun o. At Aliku ALA nen yugum wakkogo mengga kwak, wakkaanuk it inowagam ari nage kenok, it time aret unde eeppiige, Wakkagak paga wakkaanuk tumburirage, Eeke mbaremenggi, Unde eeppatinuk mondok-mondok wonogwe iigak, nda'narit wundi wogo logogun o,” yinuk, Aliku ALA oone mbuku perek-parek aago togop aret mbanak me, maleninip o.

Yetaya 8:1

At Aliku ALA nen an yo'nege logonet, “Yugum tabak liiru mbangga nggwok ti wamen o. Wagangge logomenggendik, liiru mbanggo menggaarak ndak-ndak mbangge logonet, Mondok Alilaakwi Aakumi Inagugun Wagangga, mbanu o.

Yeremiya 23:20

Naliku ALA nen eeriyak ninikime koonogo pereegirak nogo awo ndak-ndak eeppiiga'lek neegak, Nanini ti, tayok yigin lek eeppiinet nage logogin aret me, Ti eerigin nogo ti, peebi abu kin aret kaagun o.

Yeremiya 30:2

“Iterali inogoba Naliku Ala nen wone an nen yokkege nagagirak ti abok aret mbuku ambi paga liiru mbanogo pu o,” ari nagagerik,

Yeremiya 36:2

“It aakumi Iterali inom, Yekura inom, aakumi inanebunu lombok abok aret inom, nen eeko logorak wone at Yotiya endagembogut logonet wone lengganogo yorage kagak yokkege nagagirak nen nok, yogondak kuli yokkege nogo abok aret mbuku pirik-perek aago wagangge logomenggendik, ti paga liiru mbanogo pu o.

Yeremiya 36:4

Yoge mbareegi, at Yeremiya nen aap Neriya aput Mbaruk wiige nagagerik, Aliku ALA nen wone at yoreegerak nogo abok aret at yoge kagak mbuku pirik-perek aago nogo paga liiru mbanogo pereegerak.

Yeremiya 48:47

Togop aret eerugun kwe, peebi nen o Mowap aa'nduk wonagagi kwak eerogo pigin o,” yinuk, Aliku ALA nen aret yegerak me, yokkiragi o. O Mowap aaninggin eeppuurak liiru mbanak kuli ti aret.

Yeremiya 51:60

At Yeremiya nen aaninggin-paaninggin o Mbaben oba kwi'nariyak abok aret wone mbuku pirik-perek aago paga liiru mbaneegerak me,

Yetikiyen 38:16

Napuri Iterali tebenogo piyaawak nduk, o iyaagi nggween enete kuurik lek eerogo pege menggi kwak, togop aret eerit woraagun o. Ndi, peebi ne ambi paga at Nggok nogo ti, napuri nanggween paga wonogwe nogo tebenogo piyaawak nduk, an nen wonok woraagin me, yi aakumi ndi aakumi inigen iigak, at eeppege paga, Aliku ALA kikak nakeelik alik leenak menggerak kogo o, yinuk, an neebe ineenu arugun o,” yinuk, yegerak me, yokkigi o, yoreegirak.

Oteya 3:5

ti'nuk, mbo punuk, iniyokan inogoba Aliku Ala mugurok wogwe, inowe endagembogut Ndawut nogo oone konenuwok nduk, wogwe, eeko logogun o. O irip paga panggoni wage kenok, inaganak warit Aliku ALA owagam wogwe, ale'nggen inoba piyaawak nduk, yori wogwe, eeko logogun nduk, yoreegirak o.

Abakuk 2:2

Ari mbareegi, at Aliku ALA nen an onggo yo'nege logonet, “At liiru mbanak lunemenggerak nogo nen aakumi yoranet nage logowak nduk, kat kabinggaanggo kagandak nogo liiru mbanogo pege, Aakumi nen malenggo logowak nduk, yugum tabak paga kin paga ayo waganogo pege, Eeru o.

Linggineegwaarak 24:14

Yoge nagagerik, at Mbileyam nen Mbalak yoge logonet, “Yogondak an nowe-nawot wonogwe me name nage aret me, peebi it kinom wim mbanak ti nen it kat kawuri inarum menggendak eeppiya woroorak wone nogo, yokkirikit nduk, karuk logot o.”

Pelaareegerak 31:19

Togop aret me, an yagarak mbo punuk alik eekwi iinok, At Aliku ALA nen togop eeppinanigin, yegerak o, yinuk, iniki penggenggagak eeke logowak nduk, ndawi yi, it inake liiru mbangge logomenggendik mamunirage, eebe, Wa'nip o, yorage, eeke logot o.

Pelaareegerak 31:22

Yoge mbareegi, ne ti eyom paga aret at Muta nen ndawi nogo liiru mbangge nagagerik, it aakumi Iterali mendek nogo mamuniragagerak.

Pelaareegerak 4:30

Ndi, peebi ne ambi paga aaninggin mendek ambi kinoba kwi'naremenggaarak abu aret waganggo logomonggotik kenok perak, yungguninuk, at Aliku kinogoba Ala oone koneni woraamunggup o.

1 Timotiyut 4:1

At Aberiniki nen kin paga ari logonet, “O age yobok kuli paga it aap ando nen aakumi inambokan laganuwok nduk, pilit pugunogo yorogwe, Ibilit nen yorage kagak mamunirogwe, eekwi wone nogo liippunuk, mugurok nogo logonet, Ala wone abet mbareegwaarak nogo kobak eerogo mbo aret pugun o,” yinuk, ari menggerak.

2 Peterut 3:3

Kit kineenu arubagip nduk, wone aa'nduk lombok yi aret yokkira o. Peebi o age yobok paga it aakumi miyuk-meya eerogo piigwi, iniki nen nengge kenok mugurok nogwe, eeka nogo nen, wogo logomenggaarik,

Yurat 1:18

It nogo nen kit yokkirogo logonet, “O age yobok paga it aakumi iniki liirak lek nogo nen iniki nengge kenok mban eerit nogo logonet, kit miyuk-meya eerogo pinagarak nogo kin ari woraagun o,” yinuk, yokkirogo nogogwaarak nogo, abeko logonip o.