Yetaya 30:6 - Ala Wone Peenok Peebi Mbanak

^6-7 Ndiimbu-nggwiya, towe-pagi, o karu nggwok nenaarak o ame pa'nggwe wonogwe nogo eeppiyoorak abinggaanggo paga Ala nen yoreegerak yi aret. “Singa ngguunok-kooli inanini ambik inom, waalo nggitamuru inom, waalo age yombak aakumi inooka inom, Wonogo menggam tu ayilik warak lombok kagak inamendek keledai inamborowak paga kwippugwi, Inageerok onggo nggwok nogo unta inamborowak paga keele maarogo pugwi, Ee'nuk wonok It aakumi onggo lek ambi eeppiigwi, yeengwaarogwe, eeriyak inombakulik o Metit mendek ira nogo menggaarak me, An nen o Metit endage ti, Waalo Wi Yuundurak o, ari minggirak o,” yinuk, ari kagarak.

Yetaya 30:6 ပူးပေါင်းရင်းမြစ်များ

Pelaareegerak 8:15

Kit kinogoba Ala nen karume iya paga waalo eyak ambik muuru inom, nggitamuru inom, ambik lombok wonage kagak wokkiren wage, nggween mbuk paga niyo ero lek aret kwe, kit nen ndonggorogon nabagip nduk, yugum enoona nen niyo eneeri warak eerogo wumbi wage, eerit tu nikkiren wage logonet,

1 Endagembogut 10:2

aap apit aago inom o Yerutalem wogo logonet, yi mendek ndi mendek ombat abe eeka inom, mbuti emas ambik inom, yugum onggo nggwok mendek inom, apit aret unta amborowak paga nippunuk wonok, aap Talomo wonage me ka wogo nogogwaarik, yi wone ndi wone, “Nonggop togon eeke,” mbake nogo abok aret at Talomo kin wakkagagerak.

Pelaareegerak 4:20

Kit perak, yate iniki kunik mengga kwak, at Ala apuri iniki kunik lombok logomunggup nduk, at Aliku ALA nen kit o Metit paga mbuti kani worako mengga kwak worakkinakwi me, wokkiren wundi wagagerak yogondak wonogwe yi aret o.

Matiyut 12:42

Kwe nggwok o ame pa'nggwe nen at Talomo iniki warak logonet, wone koongge menggerak nogo, aruk konenikit nduk wagagerak kwe, at Talomo ti, aap mbuuluk negen. Ndi, at ambi yime wonage yi perak, abu nggwok aret kagak, kit at oone konengga'lek wonogwe me, peebi aakumi inowak looniyak eyom paga at kwe nggwok nogo nen mi'na'nuk, kit yogondak wonogwe yi, Kinenggali o, yinuk, yokkirage kaamunggup o,” yinuk, yoragagerak.

Oteya 12:1

O wiya mugurok nogo logonet, ambi kola nogolik aanom warogo mugurok nogo mengga kwak, It aakumi Eparayim mendek togop aret eerit nogwe, O wiya oonegen lagi wage menggim pa'nggwe nen warit wage nogo mugurok nogwe iigak, O kubondendok nen o kiyoma ari nage menggi kwak eerit nogwe, Eeko agaarik o. Togop eeko logonet, pilit pugunit nogwe nogo nggwok wigak ari, Aakumi maluk eeppiinet nugwi nogo mban pilak ari, Eeke kagak It aap Atiyut mendek ninom yogop eeruwok o, yinuk, iniki ambit eeppunuk wone koonogo pugwi, “Nit ninoreewi aret o,” mbaruwak nduk, tayitun amburu wonok o Metit nogwe, Eeko agaarik o.

Yeremiya 2:6

It nen yogo logonet, At o Metit nen wo'niren wundi wage, Tu o karume nggween mbuk ti paga wo'niren wage, Eeke logonet, Nggween kunduk amburu lek kagak, Tu tiyak-tebek kagak, Nggween abu woloonak awi yariyak meek tit kagak, Tu aakumi kambit nogo menggam kagak, Aakumi tu ti paga nogolik kagak, O time aakumi wonogolik kagak, Wo'niren wundi wagagerak Aliku ALA nogo ngge o? yinuk, yo'nega'lek aret wonogogwaarak.

Yetaya 57:9

It nen amburu obari abe mendek wonok kugi Molok alut eerit nogwe, Obari abe eeka mendek inagabolo paga eekwi, It aap o nda time inagugi ninom eeruwok o, yinuk, yonggo nappugwi, Aakumi kambunuk nogo menggam lombok kwaarit wambi nogwe, Eeko menggaarak o.

Yetaya 19:4

It aakumi Metit mendek ti, aap nggwok ogogun ambik nen oone omaawi paga yorage logowak nduk eenggime piyaminggirak me, Aap endagembogut anini ambik nen wone lengganogo yorage logogin o,” yinuk, At Omaawi Lombok Menggerak nogoba Aliku ALA nen yegerak o.

Yetaya 15:7

Togop aret wonage me, Inamindik-inamendek kuwak eerogo pateegwaarak nogo Wonok niyo elaganggen Kaarambim enebaga pi wundogwe,

Yetaya 8:22

nggween paga wu'nogwe, eeremenggaarak kwe, yi mendek ndi mendek obeelom mendek ambi inigen kaga'lek aaninggin-paaninggin inoba age, iniki apit age, o yumaak kenok inagabolo kangge, eeke kagak, o apit me time mbo piyaagin o.

2 Mbinineegwaarak 16:2

Pege mbareegi, at Ata nogo nen mbuti perak-emas Aliku ALA awi wurik me pogo menggam wonage nogo inom, at endagembogut awi o nggwok abe wurik me wonage nogo inom, waganogo aap Aram mendek inowe endagembogut Mben-Karat o Ndamitik logonet wone lengganogo yorage menggerak nogo nappiige logonet,

2 Mbinineegwaarak 9:1

At Talomo nen eerit nage paga endage wiganinuk nage nogo, kwe nggwok o Tiyeba mendek aruk konengge nagagerik, “At Talomo eeke yogwe ti, nonggop ari kaamun? Abut mbani na,” mbake nagagerik, aap apit aago inom o Yerutalem wogo logonet, yi mendek ndi mendek ombat abe eeka inom, mbuti emas ambik inom, yugum onggo nggwok mendek inom, apit aret unta amborowak paga nippunuk wonok, aap Talomo wonage me ka wogo nogogwaarik, yi wone ndi wone, “Nonggop togon eeke,” mbake nogo abok aret at Talomo kin wakkagagerak.

Pelaareegerak 17:16

Aap ti, mippugwi kiinok, at nen kuda ambik unde wakkolage, ndi, Aliku ALA nen, Ne ambi paga kit o Metit yime kiniyokan woroorak mage o, yinuk, yokkiragagerak kagak, at nen kit yokkirage logonet, O Metit paga kuda kuni nanip o, yinuk, yokkirage, eeke logorak mage o.

Wakkagagerak 12:9

Ti eeke nagagerik, peebi nen, o nogome teppunuk o ambime nen ambime unggwagak eerit o Kanan, o ame pa'nggwe karume nggwok time aret ari nagagerak.

Linggineegwaarak 21:8

Yoge mbareegi, Aliku ALA nen Muta yoge logonet, “Kat nen mbuti tembaga paga waalo ogut ogobakkigippege logomenggendik, eyo paga nabenogo tiyappege keenok, it aakumi inalitak lombok ineyak mbaninabit nogwe nogo inigen pekkogwe iinok, ineenik logogun o.”

Yetaya 5:30

Ne ti eyom paga niyo laut yenggenak oone wo ari menggi kwak, wim nggoguk ari kagak, It wonogo menggam yumaak eerak wonage, iniki ma'nage, Ndugwi nen o eya apit eerogo pege, Eerigin nogo Inigen kaagun o.

Yetaya 14:29

“Yawi muun mbanak paga inooko nagaarak kalok yegerak nogo ti, waalo kwak me, Waalo ti paga waalo muuru ndake, Waalo muuru nogo nen aagalogwe ameyo tenak togon eerogo inooka ndaganake, Eerigin me, It aakumi Pilitin mendek abok aret ti, Yawi muun mbanak paga ninooke nagaarak nogo muk kalok yegerak o, Yinuk, inale'nggen mbarugwaarik o.

Yetaya 35:9

Tu ti paga singa inooriyak nduk nage, Wam nggwiya anini nen nibininabikit nduk nage, Eeko logogun lek me, It ti mendek ti, ambi iigo logogun lek o. It aap Ala nen inagap ndaremenggerak nogo mban tu ti paga wogwe,

Yetikiyen 20:46

“Aakumi nen ndarak yi wae. Kena o ame pa'nggwe na'nage logot o. Na'nage logomenggendik, o ame pa'nggwe time nggween ti mberege, o ame pa'nggwe eyonggaame time, Ndogop eekkabigin o, yinuk, yoge, eeru o.

Mika 6:14

Kambi namenggendak kwe, ndonggoppaga'lek aret wonage, Mbi abu nen kiniki nggaruk-nggaruk mban eekkake, Eerigin o. Kat nen yi mendek ndi mendek kuwak eerogo patemenggendak nogo, an nen it wooluwak nutik wogwe nogo wogoraagin me, Yi mendek ndi mendek kuwak eerogo patemenggendak nogo abeelik-abeelek eerogo pigin o.

Takariya 9:9

O Tiyon aagalogwe kit yi wae. Kinale'nggen nen lubuk yogwe. O Yerutalem aagalogwe kit yi wae. Kinale'nggen nen kina'mit piyanggogwe, Eeko logonip o. A'me nggelok eeppinagit nage, kinagap ndake, Iniki yanggonak logonet yokkirage, Eeke menggerak kinowe endagembogut nogo keledai awo ndarak amborowak paga kwi'ndak kiya wage ti, kinigen kaanip o.

Ayup 39:11

It inomaawi ambik me, it paga kiniki panggonak wonage, Nake eeko logowak o, yinuk, yabu aaninggin kenok inoba piige,

Oteya 12:2

At Aliku ALA nen it Yekura mendek ambi eekwi paga yoroorak mbake, It Yakup mendek eekwi nogo mugurok eeppiige, It maluk eerit nugwi nogo onggo ndak-ndak eeppiige, Eerigin o.

Takariya 6:6

Nggweendo kuda mili nen nikkenok nogwe nogo, o omarip paga pa'nggwe nage, nggweendo kuda yanggwi nen nikkenok nogwe nogo, oonegen kilu yi nage menggim pa'nggwe nage, ndi, nggweendo kuda winibegek eerak nen nikkenok nogwe nogo, o ame pa'nggwe nage, eerugun o,” yinuk, yo'nege kagarak.