Yetaya 30:3 - Ala Wone Peenok Peebi Mbanak

³ Aap Pirawun abu'me wonogwe paga inenggali age, O Metit ineebe obeelom wonogwe paga inendage maluk age, Eeke kaagun me, inabuwa o.

Yetaya 30:3 ပူးပေါင်းရင်းမြစ်များ

2 Endagembogut 18:21

It Metit mendek nen yeenggwa nirugun o, yinuk, iniki it paga panggombunuk wonage kagarak kwe, piinde waanggun luk nogwe me, nggoguk togon ineenggi alok nonggok ari menggi kwak, aap Metit mendek inowe endagembogut Pirawun ti kokwak kagak, yi aakumi ndi aakumi at oba panggonak wonogwe iinok, togop aret arugun o.

Ndawi 108:12

Togop aret me, Aakumi nen ninagap ndariyak ti, meek aret me, Nit wim eekwi niinok, kat ninom a'nuk eeko logowok o.

Kini Wuppiige 25:19

Aap ambi aaninggin oba age eyom paga at iniki aap iniki kwi'ndak lek oba panggombege nogo ti, Ineyak langguk ari, iyok tiyo'luk nage, eeke menggi kwak aret wonage menggerak.

Yetaya 20:5

It aakumi o Kuti iniki panggombunuk wonogwe nogo inom, O Metit ti iya o, yinuk, wogoppiigwi nogo inom, nen iniki ma'nogwe, inenggali ogwe, eerugun o.

Yetaya 20:6

Ne ti eyom paga it aakumi inawi niyo laut aa'nggi paga menggaarak nogo nen yogo logonet, Aap endagembogut Atiyut mendek nen nit ninooke kero, niniki panggonak wonogwe, yeenggwa niraawak nduk, mbe agan yora nogwe, ninagap ndaruwak nduk wiirogwe, eekoorak nogo yi eeppiigaarak iyaanip o. Togop me, nit ninagap ndakko'nok mbaganiyak abu meek aret kogo o, yinuk, yogo logogun o,” yinuk, yereegerak o.

Yetaya 36:6

It Metit mendek nen yeenggwa nirugun o, yinuk, iniki it paga panggombunuk wonage kagarak kwe, piinde waanggun luk nogwe me, nggoguk togon ineenggi alok nonggok ari menggi kwak, aap Metit mendek inowe endagembogut Pirawun ti kokwak kagak, yi aakumi ndi aakumi at oba panggonak wonogwe iinok, togop aret arugun o.

Yeremiya 2:36

Yeenggwa niraawak o, yinuk, ambi me nagak ambi me nagak eerit nugwi ti, nonggop nduk eerit nogo agaarik? It Atiyut mendek eekwi paga inenggali ogogwaarak kwak it Metit mendek nen eeginaburak ti paga togop aret inenggali arugun o.

Yeremiya 42:18

At Omaawi Lombok Menggerak Iterali inogoba Aliku Ala nen yegerak nogo yi aret. It Yerutalem wonogogwaarak nogo nanini inom, niniki aagi inom, inoba piyareegi kwak, it o Metit namenggaarak wonogwe iigak, nanini inoba piyaagin o. Inoba piige neenok, Aakumi pulunik aret, yogwe, inamineeri ne agan nage iigwi, inendage kumbunuk pulunogo piigwi, meek eerogo piigwi, eeko logogun me, inanggween yi, inigen ambinom kaagun mondok lek,” yegerak me, yokkiragi o.

Yeremiya 42:22

wone abet mbarubagip nduk yokkirage yi, liippinip o. Kit ye mbambatinuk logorak mbarumonggo'nom nogome wonogwe me, wooluwak paga, mbi noogelo paga, kugilingga paga, aret kambit nogo logomunggup nduk, yokkiragi o.

Yeremiya 46:25

At Omaawi Lombok Menggerak Iterali inogoba Aliku Ala nen ari logonet, “It o Tebe mendek inagugi Amon nogo inom, at Pirawun inom, o Metit wonogwe inom, it inagugi inom, it inoweewi inendagembogut inom, it aap Pirawun paga panggombunuk wonogwe nogo inom, abok aret maluk onggo aaninggin inoba piyaakit nduk eeke agarik o.

Yetikiyen 29:7

Ineenggime wonok nogwe me, nggoguk togon inane'nggen me nonggo-nonggo nage, ineebe longgop ti paga panggombegak nogwe me, kalok togon inamborowak kalok ari, eeke nagagerak,” yegerak o.

Oteya 10:6

Tapi aagaluk ogut aago ti, wonok o Atiyut pi nanuk, Aap endagembogut abu tiyanak lombok wonage nogo, inarum wonage onggo wogorugun o. Ti eeremenggaarak paga it Eparayim mendek inendage maluk age, Ndi, Iterali mendek eyo paga ogut aago kagak iniki panggombereegwaarak me, inenggali age, Eerugun o.

Oroma 10:11

“Aap ambi iniki at oba panggombege kenok, enggali arigin lek o,” yinuk, yereegerak liiru mbanak nogo ti,

Oroma 5:5

Ndi, niniki lunik togop aret wonogwe me, at Ala nen Aberiniki wo'niragagerak ti paga Ala iniki kunik nen mondok alik negen ninabuwa mbake menggerak nineenu logonet, niniki lunik wonogwe nogo kolaagun aret mbakwi me, niniki piirik wonogwe lek o.