Yetaya 30:2 - Ala Wone Peenok Peebi Mbanak

² An yo'nega'lek logonet o Metit nogwe, Aap Pirawun nen yeenggwa niraawak o, yinuk, at abu'me unggwi nogwe, O Metit paga nineebe obeelom aret logowok o, yinuk, yogwe, Eekwi kwe,

Yetaya 30:2 ပူးပေါင်းရင်းမြစ်များ

1 Endagembogut 22:7

Yoreegwaarak kwe, aap Yotapat nogo nen, “At Aliku ALA yorage kagak yoraga nen yo'niraawak nduk, yime ambi wonage ilik?”

2 Endagembogut 18:21

It Metit mendek nen yeenggwa nirugun o, yinuk, iniki it paga panggombunuk wonage kagarak kwe, piinde waanggun luk nogwe me, nggoguk togon ineenggi alok nonggok ari menggi kwak, aap Metit mendek inowe endagembogut Pirawun ti kokwak kagak, yi aakumi ndi aakumi at oba panggonak wonogwe iinok, togop aret arugun o.

Yetaya 16:3

Wonok nogo logomenggaarik, aap o Yekura unde nogo yogo logonet, Nit nano eeriyak nogo yo'nirage, Eeppinaniyak koombunuk yo'nirage, O liingge-liingge kwe, nggun lamunogo negen pinanege, Nit mbagani wogoorak nogo ninabok paganogo yoraga'lek nineebe kumaappinanege,

Yetaya 18:1

O Kuti niyo aa'nggi yibagan-enebagan wurin ina'naabit oone mbi-mbi yogwe,

Yetaya 36:6

It Metit mendek nen yeenggwa nirugun o, yinuk, iniki it paga panggombunuk wonage kagarak kwe, piinde waanggun luk nogwe me, nggoguk togon ineenggi alok nonggok ari menggi kwak, aap Metit mendek inowe endagembogut Pirawun ti kokwak kagak, yi aakumi ndi aakumi at oba panggonak wonogwe iinok, togop aret arugun o.

Yetaya 36:9

It Metit mendek nggweendo wim eeka inom, kuda paga nen wim eeka inom, yeenggwa niraagun o, yinuk, iniki it paga panggombunuk, wonage kwe, an nogoba inom eeko menggaarak inowe ambit-ambi eebe abu meek aret kwe, imbirak wakkamenggerak kenok, at tebenogo puurak meek aret o.

Yetaya 8:19

Aakumi nen kit yokkirogo logonet, “It aakumi ambi mendek nen ambi age kenok, inagugi yoroorak lek mbakop? Eeriyak nonggop o? yinuk, it aakumi ineenik wonogwe nogo inake it kambeegwaarak yoroorak op nogo lek a? Yoroorak op aret me, it aap yagap wone yogwe, inoone mumun paga yogwe, eekwi nogo tili pagangga inom, aap inogoma nggiiraga inom, yoret o,” yinuk, yokkirogwe iinok,

Yeremiya 2:18

Togop me, yogondak niyo Nin toologo nawak nduk o Metit nogwe ti, nano eekkoloorak nduk nogwe, Niyo Eparat toologo nawak nduk, o Atiyut time nogwe nogo ti, nano eekkoloorak nduk nogwe, Eeko agaarik?

Yeremiya 37:5

it aap Mbaben mendek o Yerutalem tebeni ungguwok nduk eekwi me, “Lek o. It aap Pirawun awuri ineegin warak inom o Metit nen muk wundi wagaarak o,” yogwe nogo inaruk konembunuk, o Yerutalem mbo punuk nogwe nogo eyom paga yori nogogwaarak.

Yeremiya 42:14

ndi, kit nen, Lek o. Nit o Metit wim eekwi, oone nggwok eeka trompet nogo oonebu ari konenggwi, mbi abu nen yagan wakwi, eekulik me time ari nanuk logowok o, yinuk, yogwe, eekwi kiinok,

Yeremiya 42:2

Ala yoge kagak yoraga Yeremiya nogo ka wogo nogogwaarik, at yogo logonet, “Nit aa'nduk aakumi ambik aret wonogogurak kwe, nineebe we mbuuluk mban yumbunogo pinaneegwaarak wonogwe nogo kenegen abe nen niigendak me, nit yumbunik abok aret ninake nen kogoba Aliku Ala nggino yo'nok nduk, kat kowagam ari wogo o.

Yeremiya 42:20

Kit nen, “Ninake at ninogoba Aliku Ala yoru o. Yoge keenok, yokkeremenggerak abok aret yo'nirage keenok, nit eerugun aret o,” yinuk, “Kogoba Aliku Ala yoru,” yo'nogotak nogo ti, kinogut punggolaawok nduk, yo'nogotak o.

Yeremiya 43:7

eerit Aliku ALA nen yoragagerak tagambunuk, o Metit unggwi nogo nogogwaarik, o Tapanaket time ari nogogwaarak.

Leendawi 4:20

Nit nineenik logorak unde wo'ninaka Aliku ALA nen at amburu eerogo mippuurak leenogo pereegerak nogo, labu pugume wangge me pigaganggwi, Yi aakumi ndi aakumi inenggela'me logonet, at abu'me op logorak mbareegurak kwe, pigaganggwi, Eereegwaarak o.

Oteya 7:13

It an mbo paninuk nomo agan nogogwaarak me, inabuwa o! An yorage nogo, Eeriyak, ineebi mbareegwaarak me, ineebe lek eerogo piyaagin o. Inagap ndarogo piyaakit lak, ao, mbake kwe, an nenggaanom paga inoone pilit mban yo'nogo menggaarak o.

Oteya 8:10

It yi aakumi ndi aakumi inenggela'me mak eerak nugu logowak nduk eerogo pateegwaarak kwe, Yogondak nen an kuwak eerogo piige logominggirik, Aap endagembogut abu tiyanak abu'me piyaminggirak tebenak wonogwe iigak, Ineebe andi-pandi eerogo piinet unggwage logogin o.

Oteya 8:9

It Iterali ti, keledai kooli nggwiya eyonggaame wali kwaarit nege menggi kwak wonogo logonet, Aap Atiyut mendek nen yeenggwa niraawak o, yinuk, inowagam nogwe, Eparayim nen, It iniki kunik ee'ninako logonet ee'ninabuwak o, yinuk, onggo wogorogwe, Eereegwaarak o.

Linggineegwaarak 27:21

Mippege keenok, it Iterali mendek abok aret at Yotuwa nen, Wundi nanip o, yorage keenok, wundi nogwe, ndi, Unggwi wa'nip o, yorage keenok, unggwi wogwe, eeko logowak nduk, an mbake ineenu agak yugum Urim Naliku ALA nenggaanom paga wonage nogo, aap an neebe unde Eleyatat nen at Yotuwa eeke logorak yugum Urim nen awone yoruwak nduk, at Yotuwa nogo owagam taati puk a nawak o.”

Pelaareegerak 28:68

An nen yokkirage logonet, Kiniyok paga yungguninuk o Metit noorak mage o, yokkiragagirak nogo kagak kwe, at Aliku ALA nen yiiro paga o Metit pinagi nage kenok, kit nen kinawim mendek yorogo logonet, Nit aap inom, kumi inom, kinayeloman logowok nduk, nineebe kunninabinip o, yinuk, yoramonggotak kwe, it kungginabugun mondok lek aret o,” yinuk, Muta nen Iterali yoragagerak.

Yotuwa 9:14

Yorogo mbareegwa, at Aliku ALA yoga'lek kagak, it iniki mba'nuk nen inambi kambu ndinik nogo ando waganogo nonggo nogogwaarik,

Owak Loongga 9:15

Yoreegwaarak kwe, at poondo alok nogo nen it yorage logonet, Kit nen an abet aret mippaniyak mbakotak kenok, an nangguna'me nobappiirogo minggim nabu'me yime ari woraanip o. Ndi, Kineebi, mbakwi kenok, an neno'mbak alok yi paga nen kani omoonuk wungge logonet, yi kilu ndi kilu puut Libanon paga wonage nogo apit aret kani nawak, yoragagerak o.”