Yoge mbareegi, at Abaram nen wone onggo yoge logonet, “Kat nen, An namendek waganggerak paga aap Abaram nogo eenggi warak aga o, agan nege logokwak me, at mbogut-nggween wakkagagerak Agi Mondok Tiyanak Menggerak Ala nogo enggaanom paga abu aret kumbuk mbanggirak me, kat kamendek ti, yi mendek ndi mendek mbuulogwe we ligiwut logwe nduk, an ambi waagin abu lek aret o.
Yetaya 3:7 - Ala Wone Peenok Peebi Mbanak7 Yoge mbaremenggi, at nen oone panggok togon yoge logonet, “An nen o yi ena koonogo puurak meek o. Yum inom, mbi inom, an name wonage abu lek me, aakumi inarum logorak yo'niriyak ti mage o,” yinuk, yorigin o. အခန်းကိုကြည့်ပါ။ |
Yetaya 3:7
10 ပူးပေါင်းရင်းမြစ်များ
O aa'nduk lombok ogowa pugu langgunogo pereegwaarak nogo inapuri nen obaane'me pit nogwe, O maan togon yigirik-noonom eerogo pereegwaarak nogo obaane'me wukwi, Eerugun o. Ti eeremenggaarak paga it aakumi nen, Yugum Pak Wurik Langgunik Obaane'me Wuka, yorogwe, Aakumi Logorak Tu Koonogo Piinet Naga, yorogwe, eeko logogun o,” yinuk, yegerak me, yokkiragi o.
Kaliku ALA wae. It aakumi Yekura mendek abu mbo piige, It Tiyon mendek mondok keebi inombake, Eeke agandik? Nit obeelom ee'ninaburak meek andi mban kogo logowok nduk, nonggop nduk andi-pandi eerogo pinanege agandik? Niniki ugun tayenak logowok mbakoorak kwe, obeelom eerogo pinaniyak ambi ari waga'lek wonage, Andi-pandi ee'ninake nogo lek eerogo pinanuwak lak, ao, mbakwi kwe, ninamineeri ne agan noorak mban ee'ninake, Eeke agaarik o.
O Yerutalem Aagalukwe kat yi wae. Kat eekkakerak wonage ti, kin kaamunggun nduk nano wakkagak yokkege, O Tiyon Aagalukwe Aap Kigin Waka'lek kat yi wae. Kiniki eyak wappagarak nano paga wakkagak yokkege, Eeri o? Niyo laut kiiniki lombok menggi kwak kat koba kwi'nagaarak paga kiniki andi eekkake ti, Alik negen mondok iya eekkake me, ta nen obeelom eerogo pagarak? Lek aret o.
It ti eeko logonet, inandomba ineebe ndeyak kenok inomaawi eerogo piigwi, ineebe andi kenok obeelom eerogo piigwi, inawinde-inobaande aago kenok nggerembiigwi, kobak agaatak wonogwe iinok wogoren piya wogwe, ineebe lek ogwe iinok kwaarinakwi, eeka'lek mbo piinok, inanini paga eeppiigwi, iniyok konden aan lebenogo piigwi, eeko logonet, ndegeninako menggaarak o.
It Eparayim mendek nen andi lombok inoba kwi'nagagerak nogo kogwe, It Yekura mendek nen inawin kunik maloppakwi, Eeko nogogwaarik, It Eparayim mendek ti, O Atiyut nen yeenggwa nira woraawak o, yinuk, Aap endagembogut abu tiyanak nogo wonage me yonggo nappiyareegwaarak kwe, At nen obeelom eerogo piya wage, inawin nogo lek eerogo piya wage, Eerulik o.
ကြော်ငြာတွေ