Yetaya 3:16 - Ala Wone Peenok Peebi Mbanak

¹⁶ Aliku ALA nen ari logonet, “Kumi o Tiyon menggaarak inigen mbogut paga nugwi, Inenggaanok wo yagak nugwi, inigen unggut eerit nugwi, Iniyok irip paga pit nugwi, Iniyok paga pugu'ndalik-pugu'ndalek aago oone ngginu-ngginu agan nugwi, Eekwi me,

Yetaya 3:16 ပူးပေါင်းရင်းမြစ်များ

Kini Wuppiige 16:18

Aa'nduk iniki tiyappatit nogo nagaatik, irip paga eebe aret lek eerogo pakwi, Aa'nduk, “Wi!” niraawak nugu nagaatik, irip paga yigeebu aret wambi nogwe, Eeko menggaarak.

Kini Wuppiige 21:4

Iya nombaruwak enegen mbogut paga nege, iniki tiyappatit nege, eeke ti, Aap maluk mendek andi wuninik kwak aret me, maluk aret menggerak.

Kini Wuppiige 30:13

It aap ando inapuri nen, “Nit iya,” mba'nuk inigen tiyanak nugu logonet, aakumi laakot inombarit nugwi,

Ndawi Iya 3:11

O Tiyon aagalogwe komologwe yi wae. Wundi wa'nip o. Wundi wa'nuk, kinowe endagembogut Talomo nogo At akwe lambumbuurak eyom paga, At iniki ale'nggen ariyak eyom paga, At agalo nen enggare-nggare yirippege ti, kinigen pekkaanip o.

Yetaya 1:8

Anggur yarak me, ooliya wurik kwak, Nggilu yarak me, arum logorak o wurik kwak, O kota aakumi nen tebenggola unggwogo logonet, eeko mengga kwak, O Tiyon Aagalukwe ti, togop aret aago agaarik o.

Yetaya 24:4

O nggween yi mbuk age logonet iri'ngga teebat niyo eerogo pege, Aakumi andi nen yagan wako mengga kwak, o yi yagan wake logonet, nenoorit unggwage, It aap nggween paga inendage abu tiyanak wonogwe nogo ineebe ndeyak aganabit unggwage, Eeke kagarak o.

Yetaya 3:1

It aap o kota Yerutalem inom, o Yekura inom, iniki panggonak wonogwe abok aret At Omaawi Lombok Menggerak Aliku ninogoba ALA nen ndinogo waagin o. Inambi-inagi pipuk aago inom,

Yetaya 3:17

Inogoba an Ala nen it kumi Tiyon mendek inanobak paga yigani telek eerogo piige, Naliku ALA nen inerali mbanogo piige, Eerigin,” yegerak o.

Yetaya 3:18

Ti eyom paga it kumi Yerutalem mendek iniyok paga pugu'ndalik-pugu'ndalek aago inom, inanobak keele maarak inom, wurooli inenggaanok me yirik inom,

Yetaya 3:4

Inapuri wologwe nen inarum logowak nduk mippiige, Elege-aabologwe nen wone lengganogo yorogo logowak nduk, eeppiige, Eerigin o.

Yetaya 4:4

At Aliku ALA nen komologwe o Tiyon mendek mili lenggenak wonogwe nogo koorogo piige, ndi, o Yerutalem aap inamiya wambemenggerak aberak logokwak, anini kani negen wunuk ari logonet, eeremenggaarak onggo ndak-ndak eeppiige, eerigin o.

Tepaniya 3:11

Ne ti eyom paga it an noone taganogo mbo punuk, maluk eerogo panugo nogogwaarak nogo, inenggali wappiyaagin lek o. It inoreewi, Nit iya o, yinuk, iniki wogoppako logomenggaarak nogo, o yime nen mbo wumbiyaagin me, It ando perak, nabuut alik leenak paga yime wonogo logonet iniki wogoppako logogun lek aret o.

Lukat 23:28

Eerit nogwe me, at Yetut ena logurogon pegiige nagagerik, it yorage logonet, “O Yerutalem aagalogwe kit kumi yi, an nale yugup o. Ata, kit kinaagalogwe kinom kinale yikkolaanip o.