Yetaya 3:13 - Ala Wone Peenok Peebi Mbanak

¹³ Aliku ALA aakumi inowak loongge menggim kwi'nari unggwage, Aakumi abok inowak loonikit nduk mi'nage, Eeke agaarik o.

Yetaya 3:13 ပူးပေါင်းရင်းမြစ်များ

Ndawi 12:5

Kaliku ALA nen ari logonet, “It aap meek mendek tebenogo piigwi, It ineenggi lek nen, Yogop eeppinanuwak lak, ao, yinuk, iniki wakkologwe, Eekwi iinok, An pilak ari logonet, Ndogop eeppinanuwak lak, ao, nombakwi nogo, Inagap ndarogo piyaagin,” yereegindak me,

Ndawi 74:22

Ala wae. It kinom wim mbanak nen inoone agan nugwi nogo, Maloppiiga'lek wonage, It kinom ogoorak nen kat tebembagarak nduk, Eeko logonet, inoone nggwok ari lagangge nogo, Liippega'lek wonage, Eeriyak mage o. Ata, pilak ari logomenggendik kawone amburu mbanggolage, It aap iniki kobak mendek nen Kubondendok nen nok, oonikiya ari nage kagak, Miyuk-meya eerogo pagagwi nogo liippiige, Eeru o.

Ndawi 82:1

O mbogut paga Ala awuri inom eeka nogo, Aakumi inanebunu lombok inagugi inom kuwak eeppunuk wonogwe me, Wone mbanikit nduk, Ala inenggela'me mi'nage, Inawone amburu mbanogo inowak loongge, Eerikit nduk, Yorage logonet,

Yetaya 1:18

At Aliku ALA nen ari logonet, “Wone agaarak yi, ninom koonuwok nduk woraawak o. It inomaluk maa'ngga amu kunik kwak wonage ti, ndugu-ndugu abinak kwak eerogo piige, Inomaluk tawi maarak kwak wonage ti, ndomba eeruwak yanggwi kwak eerogo piige, Eerigin o.

Yetaya 51:22

At kogoba Aliku Itok Menggerak ALA nen, At apuri inawone koonogo piiga kogoba Ala nen yegerak nogo yi aret. “Amburu toolak nenok, neyak-kweyak agan nege, Peebi noorak lek yogondak mban nanini eeppagarak toolak nogo nengge, Eekendak nogo Keenggi me nen abet aret waganggirak o.

Yetaya 66:16

Aliku ALA nen yi aap ndi aap maluk eeko nogogwaarak onggo eeppiige logonet, kani nen nenet nage logowak nduk nappege, Awooluwak paga inoorit nage, Eerigin me, Aliku ALA nen it aap ineebe apit aret inoorigin o.

Yowen 3:12

O Yotabat Kobappaga time an kwi'na'nuk, Aakumi inanebunu lombok o ilin-ilin nen kuwak ari woramenggaarak nogo inawone mbanogo inowak loonigin me, Aakumi inanebunu lombok mi'nogwe, Mi'na'nuk o Yotabat Kobappaga time ari wogwe, Eeruwak o.

Mika 6:1

At Aliku ALA nen ari yi, kinaruk konenggo logonip o. Aliku ALA nen ari logonet, “It an napuri mi'nogo logomenggaarik, puut-puut tiyarogon inenggaanom paga, Kat togop eekendak o, yinuk, an yo'nugwi, Puut-puut teberogon konenggwi iigak, Ndogop eeppinanegendak o, yinuk, yo'nugwi, Eeko logowak o.

Mika 6:2

Naliku ALA nen it an napuri eekaarak ambi yorage, It Iterali ambi eekaarak paga inawone mbangge, Eeke me, Kit puut-puut yi wae. Naliku an ALA nen napuri eekaarak yorage yi, konenggwi, Nggween alom wurabit nagagerak itok negen wonage kit yi wae. An yorage yi, kinaruk konenggwi, Eeko logonip o.