Yetaya 27:9 - Ala Wone Peenok Peebi Mbanak

⁹ It Yakup paga wiganak maluk eeko nogogwaarak paga Ala anini mbake nogo nini tayo ari, Ndi, inomaluk abet aret mbo pugwi iinok, anggen abe yi'nage menggi kwak yelok kogwe, Eeriyak nogo ti, Inagugi alut eeko menggam yugum paga ogobakkigirik nogo kwi yigirogo pogo mengga kwak yigirogo pugwi, Inagugigwe Atiyera ageyo arelen yinik nogo mbanogo pugwi, Obari abe kaga kani kunggo menggam ogobakkigirik nogo yigirogo pugwi, Eeriyak nogo ti aret.

Yetaya 27:9 ပူးပေါင်းရင်းမြစ်များ

2 Endagembogut 10:26

inagugiwak wonok wundi wogo nogogwaarik, kani kunggwi,

2 Endagembogut 23:14

inagugiwak yebibit nogo yigirogo pege, kugigwe Atitoret ageyo arelen mippugu nogo mbanogo pege, eeppunuk, it inagugi eeko menggam time aakumi inowak nenenak ogombaga nggininogo pit nagagerak.

2 Endagembogut 25:9

Wage nagagerik, Aliku ALA awi wurik inom, aap endagembogut awi o nggwok abe wurik inom, it aap nagawan-nagawan inawi wurik o Yerutalem wonage abok aret inom, kani pit nage nagagerik,

2 Mbinineegwaarak 14:5

o Yekura kota-kota abok aret puut-puut paga it inalut eekwi inake warogo wogorogo menggam inom, obari abe kaga kani kunggo menggam inom, minogo mbo pege, eereegerak paga at abu'me piinok wonage menggim wone ambi aga'lek obeelom aret wonagagerak.

2 Mbinineegwaarak 36:19

Ala awi wurik kani pege, o Yerutalem yendok-wandok yugum pak wurik nogo, langgunogo pit nage, aap yo'nggok inawi o nggwok abe wurik me, yi mendek ndi mendek abe wonage nogo inom kani pege, eereegerak.

Ndawi 119:67

An aaninggin awo noba kwi'naga'lek kagak, Koone mbo punuk nomoninuk nagagirak kwe, yogondak perak, Koone yugu nogo liirogon aret eerit nage agarik o.

Ndawi 119:71

Koone lengganak an mamunggolaakit nduk, Aaninggin noba paneegindak nogo ti, Op aret mbake agarik o.

Wundeegwaarak 34:13

Inagugi aanggo warogo wogogo menggam nogo yigirogo pugwi, inagugigwe endage Atiyera ageyo yinik nogo kalenogo pugwi, inagugi eeko menggam magame eyo abok aret muurogo pugwi, eerumunggup o.

Kini Wuppiige 20:30

Inamiya timbo eerogo piigwi paga maluk ambinom eeriyak inagabiti eerogo piigwi, Ndi, yawi inookwi paga inikime lombok koonggwi nogo kinogo wumbiigwi, Eeko menggaarak.

Yetaya 1:29

At Aliku ALA nen ari logonet, “At Yerutalem ti, Eyo teno ero aakumi ayuk wuko logorak inikilom mbaremenggerak nogo paga enggali age, Ndi, yabu wogo kugi ake nggomoorogo pemenggerak nogo paga endage maluk age, Eerigin o.

Yetaya 30:22

Kinagugiwak mbuti perak paga nabenak inom, kugi ogut ogobakkigirik mbuti emas paga nabenak inom, “Yi maluk ogole warak aret,” mbakwi, ndi, kumi tut kagaatak inayum paga lenggenak mbo pogo mengga kwak, “Kugiwak inom, kugi inogut inom, yi, yayi logorak lek o,” yinuk, mbo wumbugwi, eeko logomunggup o.

Yetaya 4:4

At Aliku ALA nen komologwe o Tiyon mendek mili lenggenak wonogwe nogo koorogo piige, ndi, o Yerutalem aap inamiya wambemenggerak aberak logokwak, anini kani negen wunuk ari logonet, eeremenggaarak onggo ndak-ndak eeppiige, eerigin o.

Yetaya 40:2

It aakumi inayeloman mini eeppiirogo wonogwe me nen wondet eerogo piyoorak eyom muk panggoni wagaarak o. Maluk eeko nogogwaarak nogo lek eerogo piige, Inomaluk eeko nogogwaarak Naliku ALA onggo eeppiyareegirak nogo, Ne mbere eeppiyookwak, mondok nggwik togon inoba kwippiige, Eekirak nogo Abu aret eekirak me, Kat o Yerutalem mendek inabuwa nen koone yanggorogon yorage logot o,” yinuk, yo'negerak me, yagi o.

Yetaya 48:10

Mbuti perak at mendek mban aruwak nduk kani paga worako mengga kwak an ti ndak-ndak eerogo piyoolik kwe, togop negen aret eerogo piige, Ndi, maluk-abe leennaruwak nduk, worako menggam worako mengga kwak, Aaninggin inoba piige ti paga inabut mbangge, Eekirak mbako logowak o.

Yetikiyen 11:18

It iname o yime iniyokan wogo logomenggaarik, inagugiwak ogole warak mendek inom, ogole warak yi kugi ndi kugi inogut eerak inom, o yime nen eeko nogogwaarak nogo abok aret mbo pugun o.

Yetikiyen 20:38

It an yorage nogo eeriyak ineebi mbaka inom, noone tagangga inom, inenggela'me nen ogoorogo piinok, o it wonogwe me nen wogoren wundi woraminggirak kwe, Iterali inanggween paga unggwi nagun lek o. Ti eeke neenok, Naliku ALA an aret ineenu arugun o.

Yetikiyen 6:4

it paga kugi ake warogo wogogo menggam wurik nogo minogo pege, it paga obari abe kaga kani kunggo menggam wurik nogo kalenak-pugunik eerogo pege, it paga kugi ogut eerak enaame time it inapuri inoorogo piinet nage, eerigin o.

Ndaniyen 11:35

O age yobok eeriyak ne koonogo pereegerak aret woraagin me, awo ari waga'lek kagak, it aakumi iniki warak nen mamuniraga eegu inoorogo piyamenggaarak nogo ti, iniki kole aruwak nduk inabut mbanggwi, iniki abe koonak wonogwe iyaawak nduk eeppiigwi, iniki kikak naka'lek iyaawak nduk eeppiigwi, eekwi iigak, o age yobok panggoni woraagin o.

Oteya 14:8

Aakumi eyo alome ngguna'me inale'nggen paga mengga kwak, it Iterali inenggela'me aa'nduk wonogo mengga kwak togop aret wonogo logonet, Gandum abe kwit agan lagangge kwak wonogwe, Eyo anggur ambit-mbit wake menggi kwak it togop aret wonogwe, Eeko logonet, Anggur amburu Libanon mendek abu abe kenok, endage wigak yereegi kwak, It inendage togop aret wigak ari logogin o.

Ala Unde 26:30

Ndi, puut paga inagugi aanggo warogo kani kunggo menggam lek eerogo pege, obari abe kaga nogo kani kunggo menggam eerak kalenak-pugunik eerogo pege, it ineebe kanggwi iinok, inagugiwak ogobakkigirik nogo imbirak lambunogo piige, ineebe peyak wurogo negen nambo'me piige, eeke logogin o.

Mika 5:11

Tili paganggwi paga pugu'ndalek eerogo piigo menggaarak nogo, lek eerogo pege, Inaguguruwo paga iniyok yilunogo piigo menggaarak nogo, lek eerogo pege, Eerigin o.

Takariya 13:2

Ne ti paga an nen o time inagugi inendage kunggo logomenggaarak nogo, inendage ambi kungga'lek logowak nduk, lek eerogo pigin me, abeko logogun lek aret,” yegerak o. “It aap piliret, Ala nen yo'negerak, yaga inom, kugi ayuk wuko logorak mbaka inom, o ti paga wonogwe nogo, ineebe abok lek eerogo piyaagin me,

1 Korindut 11:32

Peebi it aakumi nggween paga mendek abok aret inowak loonogo maluk onggo inoba piige logonet, nit ninom ninoba pinanege kero, yogondak at ninowe nen nit eekwi liippinaninuk, niniki koonogo pinanege menggerak.

Pelaareegerak 12:3

it inagugi eeko menggam lek eerogo pugwi, inagugiwak yebibit yigirik-noonom eerogo pugwi, inagugi eyo arelen yinik nogo kani kunggwi, inagugi ogut ogobakkigirik nogo kalenak-pugunik eerogo piigwi, eeko logomonggotik, inagugi inendage mbanak o time wonage nogo abok aret kagaarogo piyaamunggup o.