Yetaya 27:6 - Ala Wone Peenok Peebi Mbanak

⁶ Eyo omanggen wurake, ambit-mbit wappunuk anggen yege, Anggen yugu ka'let age, eeke menggi kwak, Ne peebi ari wage ti eyom paga it Yakup paga wiganak nen inomanggen yakwi, Iterali paga wiganak nen ambit-mbit wappunuk anggen yugwi, Ndi, anggen yugu ti, o nggween paga yime mondok ndak wa'nogwe, Eerugun o.

Yetaya 27:6 ပူးပေါင်းရင်းမြစ်များ

Ayup 37:12

Ndi, it maluk eekwi onggo eeppiige, O at ogobakkigireegerak yi, miin eerogo pege, Aakumi inabuwa mbake nogo ineenu eeppiige, Eeriyak mbaketak nogo aret Ndak-ndak aruwak nduk, yime-ndime nawak nen Ndugwi nogo wone lengganogo yorage kenok, Nggween irimbaga abok aret ndugwi mban ndak warit nage menggerak o.

Yetaya 35:1

O karume inom, nggween mbuk ka'let-ndi'nduk eerak inom, nen inale'nggen mbakwi, O karu ale'nggen nen anggen mbilanogo wumbege kenok, ambit-mbit warit nage, Eerugun o.

Yetaya 35:2

O karume waambi anggen tuk mbilenggen eerit nage kenok, ale'nggen nen ndawi wake, keekok ari, eerigin o. O Libanon iri'ngga kwit agan lagit nage kenok, “Wi!” irogo mengga kwak, Puut Karemen inom, o Taron inom, iri'ngga-kale'ngga abe lombok menggi kwak, O karume togop aret eerogo pemenggerak paga at Aliku ALA abu tiyanak wonage, Ninogoba Ala abinak pindan-pindan eeke, Eeke nogo Aakumi inigen kaagun o.

Yetaya 37:31

It aap Yekura o Yerutalem nen ando yumbunik nogo wundi wogwe, Ndi, it teppiyareegwaarak nogo, Puut Tiyon paga nen wundi wogwe, Eerugun me, It Yekura paga wiganak ando yumbunik ti, eyo omanggen nggween paga yari wanggetak me, Ero nggwok lagangge logonet, anggen abe yege menggi kwak, togop aret logogun o. Ti eeppiyaagin nogo ti, at Omaawi Lombok Menggerak Aliku ALA nen, Eerikit, lombok mbake me, eerigin aret, yegerak o.

Yetaya 4:2

Ne ti eyom paga Aliku ALA Agarip Ndarak nogo mondok abe kwit agan lagangge kagak, yi mendek ndi mendek awi yarak anggen abe yit nage kenok, it Iterali yumbunogo piyamenggaarak nogo nen, “Ninanggween yi, iya o,” yinuk, tiyappugwi,

Yetaya 6:13

O time aap ineebe 10 inooko logonet, ambiret teppegak eeremenggaarak nogo, Ambokan unggwogo logonet, inoorogo piinet nogo logogun kwe, Eyo win inom, eyo teno inom, muurogo pegaatak kwe, andokon wonage menggi kwak, Aakumi alik leenak yumbunik nogo paga nen inagarip wundigin o,” yinuk, yo'nege kagarak o.

Yetaya 60:22

At aagalogwe ambi endage abu lek tebenak wonage kwe, anebunu nggwok age, Ndi, ambi eebe abu meek aret kwe, anebunu at mendek mban o ndak wa'nogwe, Eerugun o. An ti, Naliku ALA aret me, Ti eeriyak eyom panggo yi wage kenok, mbet-mbet aret eerigin o,” yinuk, Aliku ALA nen aret yegerak me, kat Yerutalem yokkigi o.

Yeremiya 30:19

Ti eeke neenok, inenggela'me nen, Wa! yo'nogo logonet, ndawi wakwi inoone konenggwi, Ndi, inale'nggen nen inoone yogwe konenggwi, Eeko logogun o. It ineebe mbuuluk aga'lek ambik aret wigannaruwak nduk, eerogo piige, It meek eerogo piiga'lek inendage tiyappiigo logowak nduk, eeppiige, Eerigin o.

Yetikiyen 36:10

Puut-puut ti paga aakumi ambik eerogo piyaagin nogo ti, Iterali mendek abok aret wiganogo piige neenok, o kota-kota aakumi lek wuum agagerak nogo obaane'me aakumi ambik aret ari unggwogwe, o langgu-langgu nagagim nogo obaane'me wukwi, eerugun o.

Yetikiyen 36:8

It togop aret eeppiyaagin kwe it Iterali wonogo menggam puut-puut ti perak, an napuri Iterali ti, logonuk lek aret iniyokan iname nagun me, it inake yi eyo ndi eyo agarip ndake, anggen yit nage, eeruwak nduk, puut-puut ti nen amburu eerogo wumbege logogin o.

Oteya 2:23

Eerit nage paga nale'nggen kaakit nduk, an napuluk ti, Anggween paga time aret logowak nduk eerogo pege logominggirik, Aa'nduk endage, Abuwa lek, tooneegirak nogo, abuwa nen niniki kunik eeke, Ndi, aa'nduk endage, Napuri Lek, tooninabeegirak nogo, Napuri aret, yorage, Eeke neenok, It nen, Kat ninogoba Ala aret, yo'nogo logogun o,” yinuk, yereegerak o.

Takariya 2:11

Ne ti eyom paga yi aakumi ndi aakumi abok aret Naliku ALA ninom lambumbunuk, it an napuri arugun me, an it inenggela'me aret logogin o. Ti eeke neenok, at Omaawi Lombok Menggerak Aliku ALA nen an nappani wagaarak kineenu arumunggup o.

Nggalatiya 3:29

Ndi, nit Keritut apuri abet aret wonogwe kenok, Abarakam ombowologwe aret me, wone abok yoreegerak nogo, nit aret woorak nduk ogoorik o.

Pilipi 3:3

“Neebe ndogop eeppaneegwaarak o,” yinuk, niniki ti paga panggombunuk, tiyappugwi lek o. Ala Aberiniki nen ninikime yo'nirage kagak, Ala alut eekwi, Keritut Yetut ee'ninabeegerak nogo tiyappugwi, eeko monggoorak nogo ti, ninagabolo abe mbanak nit aret o.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.