Yetaya 27:5 - Ala Wone Peenok Peebi Mbanak

⁵ Eeppiiga'lek neenok, it nen, Nineebe op logorak at abu'me ari ungguwok o, yinuk, Neya wogwe iinok perak, ninom lambungge, Abet aret ninom lambunna'nuk wonage, Eeruwak o,” yinuk, Ndawi yugun nogo ti aret.

Yetaya 27:5 ပူးပေါင်းရင်းမြစ်များ

Ayup 22:21

Togop aret me, kat Ayup yi wae. At Ala kimbirak lambumbunuk kiniki ugun obeelom aret logot o. Ti eeke keenok, obeelom aret eeppagage kaamunggun o.

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yetaya 25:4

Aakumi it nen eekkoloorak meek mendek nogo ineebe op logowak nduk, inarum wonage, It aap ineenggi lek mendek nen, “Nonggop eeruwi?” yinuk, lin wakwi nogo kat nen ndegeninake, Eekendak o. It aap iniki worokot linik inanini ti, O mayu woroorak eeke logonet, wiya omaawi wake menggi kwak, O karume mo tele-tele ari menggi kwak, Togop aret menggaarak me, O mayu nen inooke kero, ooliya wurik kwak eerogo piige, Mo andi inooke kero, ngguna'me eerogo piige, Eekendak o. It aap inambik inoone ya-kwa agan nugwi nogo inoone lek eerogo piige, Mo andi keket ari me, ndugwi lamunogo pege menggi kwak, It iniki worokot linik logonet, inale'nggen nen ndawi warit nugwi nogo inoone mbanogo piige, Eeke menggendak o.

Yetaya 26:12

Kaliku ALA wae. Nit eerit wogo nogogurak nogo abok aret kat nen eeppinanege keegak eerit wogo nogogurak me, Niniki ugun tayenak logowok nduk, eerogo pinanege agandik o.

Yetaya 42:19

Aap enegen mbuk ta agaarik mbakop? Lek o! Nayeloman aret! Ndi, aap an nappigirak aruk logu kwak ta wonage, Aap an noone wonok naga enegen mbuk kwak ta wonage, Naliku ALA nayeloman enegen mbuk kwak ta wonage, Eeko agaarik mbakop?

Yetaya 56:2

It aap wone ti ndak-ndak eerit nogwe, It aakumi ndarak nen wone ti, nggirik-nggerok porogo wonogwe, Eeko logonet, Nogo 6 yippunuk, ko'lu yonggonggologo logorak wone taganogo pega'lek ndak-ndak eekwi, Maluk eeka'lek abe mban eerit nugwi, Eekwi iinok, Inale'nggen logogun o,” yinuk, yegerak o.

Yetaya 57:19

Ndi, it Iterali iinok iniki puru yogwe nogo iniki kwippiige neenok, nalut eeko logogun o. Naliku ALA nen it aap koorok wonogwe inom, nda wonogwe inom, iniki ugun tayenak logowak o. An nen obeelom eerogo piyaagin me, iniki ugun tayenak logowak o,” yinuk, yegerak o.

Yetaya 64:7

Nit eekwi paga kat kenggaawak kumaappatinuk wonage, Nit maluk mban eerit nogwe paga nineebe lek eerogo patuwak nduk mbo pinanege, Eekendak me, Yeenggwa niret o, yinuk, kendage kunogo yokkugwi, Koone yo'nirage woppunuk eekwi, Eeka'lek aret ogoorik o.

Lukat 13:34

Ai! Yerutalem, Yerutalem! Ala nen yorage kagak yokkega nogo inooke, aap Ala nen yonggo kowagam nappiya wage menggerak ti, yugum paga toguurit-tagaarit inooke, eeke menggendak me ao! Towe ayam iyagalo nen oo'nuwe a'naabit abu'me tebembiirogo menggi kwak, an nen kat kaagalogwe togop aret kuwak eerogo piyoorak mbake minggirak kwe, kat nen, Neebi o, mbake menggendak me, ao!

Lukat 14:32

Wakkaanuk meek age kenok, it inom wim mbanak nogo awo wogwe iigak, Wim muk mage agago eyo yinggoorak o, yinuk, yonggo nappiige menggerak nogo lek a?

Lukat 19:42

Le ari logonet, “Kat Yerutalem yi, yogondak yi eyom paga nonggop agago kiniki ugun obeelom logomunggun nduk, eeppagarak nogo, keenu agambok eekendak me, ao, kombake kwe, yogondak kenegen kage keyo, nobarak wonage o.

Iberani 6:18

At Ala nen wone ambi iniki koombunuk Abarakam abok yoge, ndi, ti'nuk ambi, pilit mbarukwak at endage inom kunogo yoge, eereegerak nogo ti, at pilit puguniyak abu meek me, wone yugu alom mbere, lek eerogo puurak lek mendek aret yoreegerak. Ti yoreegerak paga at Ala nen, “An alik eeriyak niniki koombunuk, yokkiraagin lek o,” yinuk, nit ninagap ndarak mendek, “Wo'niraagin,” yo'niragagerak niniki lunik mugurok nogo monggoorak nogo nen abet mba'nuk, mugurok nogo logowok nduk, abok yoreegerak me, nit mondok mugurok nogo logowok o.

Yotuwa 10:6

Wuri wogo mbareegwa, aakumi Nggibeyon mendek nen at Yotuwa o Nggilagan ooliya wuppunuk wonage me, yori wogo logonet, “Kayeloman mini nit yi, aakumi Amori mendek puut nggelok-nggobok wonogwe me time inoweewi inendagembogut abok aret lambumbunuk, ninooruwok nduk, korotok ninowagam panggoni wagaarak wonogwe me, nit kat keenggime wonogwe nogo eraangge mbo pinaniyak ti abu mage o. Ata, ninagap ndariyak nduk, mbet-mbet aret yeenggwa nira woraanip o.”