Yetaya 27:12 - Ala Wone Peenok Peebi Mbanak

¹² Gandum ambitak mban pippunuk, mbanogo anggen menenggo mengga kwak, ne ti eyom paga Aliku ALA nen kit aakumi Iterali mendek yi, niyo Eparat nen nok Metit kuli wonogwe nogo ambit kambok waganogo kuwak eerogo pinagage logogin o.

Yetaya 27:12 ပူးပေါင်းရင်းမြစ်များ

Wakkagagerak 15:18

Ne ti eyom paga at Aliku ALA nen Abaram yoge logonet, “Nggween yi abok aret niyo Metit kuli nen, nok-nok niyo nggwok Eparat kuli ti, kat kapuri ndaganabemenggendak nogo wogoragi o.

1 Endagembogut 8:65

At Aliku awi wurik tu paarogo laago lakwi iigak, ne 7 wonogogwaarik, ne ti eyom paga mban at Talomo nen ooliya-ooliya wurit wogogwaarak aberogo laago lariyak koongge mbareegi, it aakumi Iterali agi tu o Kamat unggwi nogo menggam nen nok, ogu niyo Metit kuli nen mondok iya yogolik mendek aret kuwak ari wogogwaarak nogo abok aret aap endagembogut inom Aliku ninogoba Ala enggaanom paga inale'nggen nen laago lakwi iigak, ne 7 ambinom aret wonogogwaarak. Inale'nggen nen laago mbere ti lakwi iigak, lambuk togon ne 14 aret wonogogwaarak.

Ndawi 68:22

Nogoba Ala nen ari logonet, “It kinawim inamiya paga kiniyok kookkologwe kiigak, Kinanggeewo nen inamili penak nunggo logowak nduk, An kinawim o Mbatiyan nen iniyokan wogoren wage, Yi nggwok laut kiiniki paga nen Iniyokan wogoren lagi wage, Eerigin,” yereegerak o.

Ndawi 72:8

At endagembogut ti, Yi niyo ndi niyo nggwok yenggenak nogo, mbambegak wone lengganogo yoranet nege, Niyo Eparat kuli nen nok o irip-irip kuli unde wonage, Eeke logogin o.

Yetaya 17:6

Tayitun anggen yugu nuk-nuk eekwi iinok, nggaru-nggaru wangge logonet, Era'nggup me yugu mbere ilik, kenagan a, teppege, Eno'mbak paga luurik maarak yugu wonage nogo wangge logonet, 4 ilik, 5 a, teppege, Eeke menggi kwak, An nen Iterali togop aret eerogo piyaagin o,” yinuk, Iterali inogoba Aliku Ala nen aret ari kagarak o.

Yetaya 49:5

At Aliku ALA nen an yi, Aap iya negen aret, neege, Ndi, nogoba Ala nen omaawi eeppanege, Eeke nagagerik, At ayeloman logonet at Yakup paga wiganak iniyokan at owagam piya wage, At apuri Iterali mendek wogoret at abu'me kuwak eerogo piya wage, Eerikit nduk, An nda'naga'lek nagalo inikime awo wonage neegak, neenggi-niyok warak eerogo paneegerak Aliku ALA nen yegerak yi aret.

Yetaya 56:8

Aakumi Iterali mbo piya nogogwaarak wonogwe me nen wogoren wagagerak Aliku Itok Menggerak ALA nen ari logonet, “An kuwak eerogo piyareegirak wonogwe iigak, It aakumi ando inom lambunna'nuk logowak nduk wogoren piya woraagin o,” yinuk, yegerak o.

Yeremiya 3:14

Aliku ALA nen ari logonet, “Kwe ogonggelo mbo punuk eerit nega kwak it napuri ti, inogonggelo kwak an aret me, iniyokan neya woraawak o. Inawi kota lombok nen it ambi nggigik, inanebunu lombok nen it mbere nggigik, eerogo piinok, wogoren o Tiyon piya woraagin o.

Yeremiya 44:28

It aap mbereeluk mban wooluwak paga woppatinuk, o Metit nen iniyokan o Yekura nagun o. Nogwe iinok, it Yekura mendek eegu yumbunik o Metit ari wogogwaarak wonogwe nogo abok aret nen it inoone yereegwaarak a'me agaarak ilik, an noone yagarak a'me agaarak a? yinuk, ineenu arugun, yegerak me, yokkiragi o.

Yetikiyen 20:34

Noone omaawi paga nen, neenggi omaawi paga nen, nanini paga nen, it yi aakumi ndi aakumi wonogwe inenggela'me nen wogoren wundi wage, yi o ndi o mak eerak nugwi me nen kuwak eerogo piige, eerigin o.

Yetikiyen 20:41

It yi aakumi ndi aakumi inenggela'me nen wumbiya wage, yi o ndi o mak eerak wonogwe me nen kuwak eerogo piya wage, eeke logonet, obari abu abe kaga kwak nale'nggen nen ineebe togop aret wogoninake, yi aakumi ndi aakumi inigen iigak an abu abe alik leenak minggirak neyaawak nduk eeppiige, eerigin o.

Yetikiyen 39:25

Togop me, Naliku Nitok Minggirak an ALA nen yagarak nogo yi aret. An nen o yogondak Yakup paga wiganak aa'nduk wonogogwa kwak obeelom eerogo piige, it Iterali mendek abok aret inabuwa mbake, ndi, an nendage kikak nakeelik alik leenak logowak nduk, niniki aganggen kerok togon eerit nage, eeke logogin o.

Yetikiyen 47:19

O ame pa'nggwe nggween kuli puurak nogo ti, o Tamat panggombunuk, nok, o Kareti koorok niyo eneeri ambik wungge menggim Meriba nen nok, o Metit kuli paga niyo nage nogo mugurok niyo nggwok yenggenak laut kuli pi noorak. O ame pa'nggwe nggween kuli puurak nogo ti aret.

Amot 9:9

“Nggweengguma ameneno wonok nawak nduk, muun yarak piyak-piyak eeko logonet, ambit iluk ambi kiluk togon wanggeelik kwak, It Iterali mendek aakumi inanebunu lombok inenggela'me togop aret wogoren nawak nduk, yoraminggirak kwe, Ambit iluk ambi pibi'na wambugun lek aret o.

Takariya 8:7

At Omaawi Lombok Menggerak Aliku ALA nen an yo'nege logonet, “An napuri oonegen lagi wage menggim pa'nggwe wonogwe inom, oonegen kilu yi nage menggim pa'nggwe wonogwe inom, an nen inagap ndagaren

Lukat 15:4

“Kit ambi kinandomba ineebe 100 wonogwe me, ambiret kobak age kenok, 99 mban iri'ngga nenet nugu menggam nenet nugwi iigak, ambiret kobak agaarak nogo mbo pega'lek ni'nagak-wu'nagak kwaarit nugu nogootik, kwaakkogo monggotak nogo lek a?

Yaya 10:16

An nandomba anggenogo yime mban wonogwe lek o. Ando alik ambime wonogwe me, wogonabit nage logominggirik, inom piya woroorak aret me, piya woraaminggirak logonet, it an noone konenggwi, ndi, ineebe ambi lambunik iigak, an nalik aret ineebe ndegeninake, eeke logogin o.

Yaya 6:37

It an nogoba nen wo'nege nogo abok aret an neya woraagun o. Ndi, it aap an neya wogwe nogo ti, mbo piyaagin mondok lek o.

Yotuwa 15:4

o Atomon paga ari nanuk, niyo mbuuluk endage Metit nogo paga pi nanuk, niyo ndirok aru niyo kole yenggenak Laut Tengah kuli ti, it Yekura anebunu mendek inanggween o ame pa'nggwe kuli nogo ti aret o.