Yetaya 27:10 - Ala Wone Peenok Peebi Mbanak

¹⁰ O kota yugum pak wurik nu'lek wonage nogo o wogo aret wonage, Karume yi oone ndi oone lek menggi kwak aago wonage, Eerak wonage me, Time tapi inaagalogwe inagari'ngga mbanogo nenok winnogwe, Eyo anggup-engga konaarogo nunggwi, Eeko logogun o.

Yetaya 27:10 ပူးပေါင်းရင်းမြစ်များ

Yetaya 17:2

Ndi, o Tiriya kota-kota mondok-mondok mbo punuk, mbaganggwi iigak, Kambin-ndomba ye mbambunuk, time windak wonogo logogun me, ndinduk yuwak nduk, Aap ambi nen mbaaniigo logogun mondok lek aret o.

Yetaya 17:9

Ne ti eyom paga inawi kota-kota omaawi nu'lek wonage nogo aakumi Iterali inayilik nen teppunuk mbaganemenggaarak nogo kokwak, it togop aret eekwi iigak, o time o wogo penaame aret arigin o.

Yetaya 24:10

O kota ti, maluk eerogo pit nagaarak wonage, Inawi lombok tu omaawi narogo pit nagaarak wonage, Eerak kagarak o.

Yetaya 25:2

O kota nogo yigirogo pegendak yugum kalo logonak wonage. O kota yugum pak wurik wonage nogo yigirik-noonom eerogo pegendak o. Ndi, it aap inendagembogut inawi abe nggwok it aap inambik nen wurogo pit nogogwaarak nogo, muk lek eerogo pegendak me, Wuka'lek mondok togop aret logogin o.

Yetaya 32:19

O mayu kumulinggen nen eyoongga kunik taganogo pit nage, Inawi kota nogo langgunogo punuk kobappaga eerogo pege, Eeremenggerak kwe,

Yetaya 35:1

O karume inom, nggween mbuk ka'let-ndi'nduk eerak inom, nen inale'nggen mbakwi, O karu ale'nggen nen anggen mbilanogo wumbege kenok, ambit-mbit warit nage, Eerugun o.

Yetaya 49:21

Yogwi iinok, inikime mbake logonet, An ndegeninake logokit nduk aap ta nen apuri yi, ndarogo wo'negerak mbakop? Naagalogwe lek ogogwaarak kenok, niniki puru aago wonage, Ambinom ndaganaka'lek wubili wonage, Keele maarogo piya nogogwaarak iigak nalik aret wonage, Eeke nagagirak kwe, Elege-aabologwe yi, ta nen tawe eeginabeegerak mbakop? Mbo paneegwaarak nalik aret wonagagirak kwe, it yi, ngga nen wagaarak wonogo agaarik o? Yinuk, mbake logomunggun o,” yinuk, yoge kagarak o.

Yetaya 64:10

Kat kagota ambik abu obeelom alik leenak menggerak nogo muk o karume pogom age, O Tiyon nogo kunduk, karume kwak age, Ndi, Yerutalem nogo, o wogo aret age, Eekerak aret agaarik o.

Yetaya 7:21

Ne ti paga mban aap ambit-ambi nen tapi enggelan iyagalo inom, kambin mbere inom, unde wogonake logonet,

Yetaya 7:25

Ndi, o puut elan-elan time yabu eeri unggwogo nogogwam nogome perak, iri'ngga alok-palok inom, kugeele inom, ti mban niik yemenggerak kenok, yabu eeriyak ineebi nen tapi-ndomba inagari'ngga mbanogo nenet nogo logowak nduk, time piigo logogun o,” yinuk, yoreegerak.

Yeremiya 25:37

Iri'ngga mili mban me ndomba inagabiti lek logonet, ugun nenet nogo menggaarak kwe, Aliku ALA anini kani kunik negen paarogo pemenggerak paga yi oone ndi oone lek aret arigin o.

Yeremiya 26:18

“At Kitikiya it Yekura inowe endagembogut wonage eyom paga aap o Moreteyet mendek endage Mika nogo nen it Yekura mendek abok aret wone yorage logonet, At Omaawi Lombok Menggerak Aliku ALA nen yegerak nogo yi aret. O Tiyon ti, yabu waganggo mengga kwak eerogo pege, O kota Yerutalem ti, yigirik-noonom eerak logonak logowak nduk, eerogo pege, Ndi, puut paga nawi wurik wonage nogo eyoongga tibinik-wandinik eerogo pege, Eerigin, yegerak o, yinuk, yoragagerak.

Yeremiya 26:6

an nen nawi wurik yi, o Tilo kwak eerogo pege, yi aakumi ndi aakumi o nggween paga wonogwe nen o kota yi, pulunogo pegak eeko logowak nduk eeppiige, eerigin, yegerak, yoret o,” yinuk, yoge mbareegi, yoragagerak.

Yeremiya 52:27

Piya nage mbareegi, o Kamat kota Iribila time at endagembogut nogo nen inooruwak nduk, awuri yorage mbareegi, inoorogo piyareegwaarak. It aakumi Yekura mendek inanggween paga nen keele maageren mbo piya nogogwaarak nogo ti aret o.

Leendawi 1:4

Inale'nggen paga laago nggwok lariyak koonak nogo lari waga'lek iinok, o Tiyon nogo menggam tu nogo nen le ari, O Tiyon tu unggwi wogo menggam abok aret aakumi nebek lek iinok, it aap Ala unde o time eekwi nogo nen, “Nonggop eeruwi o?” yinuk, iniki piirik wonogwe, At aagalogwe komologwe tawe nen iniki wakkologwe, At kunduk, iniki andi eerogo pake, Eeko agaarik o.

Yetikiyen 36:4

it Iterali wonogo menggam puut-puut ti, Naliku Nitok Minggirak an ALA nen yorage yi, konenggo logowak o. Puut-puut nggorek inom, puut-puut teberogon inom, o nggelok-nggobok me niyo nage menggim inom, o kobappaga abok aret inom, o langgu-langgu aago yi oone lek ndi oone lek eerak wonage inom, o kugun punuk mbaganggwi, yi aakumi ndi aakumi ando inaagan-ambokan wonogwe nogo nen miyuk-meya eerogo pugwi, eeko menggam o kota-kota inom, at Aliku Itok Menggerak ALA nen wone yoroorak yegerak nogo yi aret.

Mika 3:12

Togop aret yogo monggotak me, o Tiyon ti, yabu kabunogo nippit nogo mengga kwak age, O kota Yerutalem ti, nggween yigirik-noonom eerak logonak negen age, Ndi, puut Ala awi wurik menggim ti, alok-palok mban kunogo pege, Eerigin o.