Yetaya 26:9 - Ala Wone Peenok Peebi Mbanak

⁹ Oonikiya paga, “Nimbirak lambunikit lak, ao,” mbake, Ndi, o weege paga, “Keyaakit lak, ao,” mbake, Eeke minggirak. O nggween paga yime nen aakumi inowak looni wage eyom paga Kat a'me nggelok mban eeke menggendak nogo it aakumi nggween paga wonogwe abok aret ineenu arugun o.

Yetaya 26:9 ပူးပေါင်းရင်းမြစ်များ

1 Mbinineegwaarak 16:14

At Aliku ti, ninogoba Ala aret o. Yi aakumi ndi aakumi nggween paga wonogwe abok aret It eekaatak inawone amburu mbanogo yorage menggerak.

Ndawi 105:7

At Aliku ti, ninogoba Ala aret o. It aakumi nen eeppinagagwi iinok, “Maluk onggo ndogop eeppiyaagin o,” yugu nogo, O nggween paga yime abok aret eeppiige wonage aret o.

Ndawi 119:55

Kaliku ALA wae. Oonikiya paga kendage aberit nage, Koone Muta nen liiru mbaneegerak nogo Porogo logonet eerit nage, Eeke minggirak o.

Ndawi 119:62

Kat a'me nggelok eeppiigo logorak wone Yereegindak paga, “Wa,” yokkirikit nduk, O nogo iniki mbere eeke paga neenik age minggirak o.

Ndawi 130:6

It aap oonikiya tum waka nen o weege kero tokkogwe, It aap oonikiya tum waka nen o weege kero tokkogwe, Eekwi ti, Iniki mbuuluk negen lunik wonogwe kwe, Kat Ala mbet-mbet yeenggwa nenok nduk, Niniki lunik ti, mondok iya aret agaarik o.

Ndawi 58:11

Ti eekwi nogo aakumi nen inigen iinok, Yogo logonet, “It aap iniki abe koonak nogo Ala nen onggo wogorage, O nggween paga eekaatak ndak-ndak inowak loongge, Eeke menggerak abet aret kogo o,” Yinuk, yogo logogun o.

Ndawi 63:1

Ala wae. 1 Kat an nogoba Ala aret o. Iri'ngga laganggeelik nggween mbuk paga logonet, Niyo abu wen-wen eeginake menggi kwak, Kat keebe lombok keyaakit lak, “Ao,” kombake, An lombok nen nimbirak lambunikit lak, “Ao,” mbake, Eeke logonet, Kwaakkabit nege agarik o.

Ndawi 63:5

Mbi ombat abe larak ndonggok togon nunggwi kwak, Kat togop aret eeppanege keenok, Niniki ale'nggen nen noone paga Ndawi wake logonet, tiyappagage logogin o.

Ndawi 64:9

Yi aap ndi aap abok aret Ala nen eeppiyamenggerak iigo logomenggaarik, inagabiti mbakwi, “Ala nen yogop eeppiigerak kogo o,” yinuk, wone wonok aakumi yoranet nogwe, Ala eeke menggerak nogo iniki koonit nugwi, Eeko logogun o.

Ndawi 78:34

At Ala nen inooke kenok, it nen at mugurok nogwe, Yungguk togon pelen-pelen at mugurok nogwe,

Ndawi 83:18

Kat kendage ti, Kaliku ALA aret ineenu ogwe, Ndi, o nggween paga yime abok aret kat kalik Tiyanak Lombok Menggendak liippagagwi, Eeruwak nduk, eeppiyet o.

Kini Wuppiige 8:17

It aakumi iniki kunik ee'nakwi nogo an nen niniki kunik eeginake, It an kwaa'nabit nugwi nogo kwaa'neyaawak nduk, neebe nigiige, Eeke minggirak o.

Yetaya 27:9

It Yakup paga wiganak maluk eeko nogogwaarak paga Ala anini mbake nogo nini tayo ari, Ndi, inomaluk abet aret mbo pugwi iinok, anggen abe yi'nage menggi kwak yelok kogwe, Eeriyak nogo ti, Inagugi alut eeko menggam yugum paga ogobakkigirik nogo kwi yigirogo pogo mengga kwak yigirogo pugwi, Inagugigwe Atiyera ageyo arelen yinik nogo mbanogo pugwi, Obari abe kaga kani kunggo menggam ogobakkigirik nogo yigirogo pugwi, Eeriyak nogo ti aret.

Yetaya 50:10

Kit kinenggela'me nen at Aliku ALA agabiti mbake, At ayeloman wone ari kenok liirogon eeke, Eeke menggerak ta wonage agaarik o? At o eya paga nageelik apit paga wonage logonet eerit nage nogo nen Aliku ALA abet mbake, At ogoba Ala iniki oba panggombege, Eeruwak o.

Yetaya 55:6

Aliku ALA nen, “Ninom lambuniyak op aret o,” yinuk, awo mbake me, mbet-mbet kinom lambuni wogwe, At awo koorok wonage me, kinoone nggwok paga yogwi, Ee'nip o.

Leendawi 2:19

It aap tum waka nen, nogo iniki mbere eeke paga tum ambi wakak awo eekwi iinok, mi'na'nuk koone nggwok ari, Niyo kilirogo pogo mengga kwak, kiniki mbake nogo kogoba Ala enggaanom paga kilirogo pege, Kaagalogwe mbi abu nen inambuluk pit nagaarak tu ambet-ambet paga ngginnarit nagaarak wonogwe nogo Ineenik logowak nduk, inake keenggi at paga nippunuk, yoge, eeke logot o.

Leendawi 3:25

It aakumi Aliku ALA iniki lunik wonogwe, Iniki nen at mugurok nugwi, Eekwi iinok, At nen obeelom eeppiige menggerak o.

Yetikiyen 5:15

An nanini mbake, niniki aagi wungge, noone lok togon mberege, eeke logonet, maluk onggo eeppege neenok, it yi aakumi ndi aakumi enaagan-ambokan wonogwe nogo nen, at meek eerogo pugwi, Op togon eeppigi, yinuk, Kayik a! yogwi, pekkenok inagabiti mbakwi, At paga ninamineeri ne agan nage yi, iya, yogwe, eerugun o, yinuk, Naliku an ALA nen aret yagi o.

Oteya 5:15

“Ti eeke neenok, it nen, Nit maluk aret eeko o, yinuk, inomaluk awo pagangga'lek iigak, an wonage minggim ari naminggirak wonage logogin o. Wonage neegak, it an mu'neren wogwe, Aaninggin-paaninggin inoba kwi'naremenggerak ti paga, At ninom lambunuwok lak, ao, yinuk, an kwaa'nabit nugwi, Eerugun o, yinuk, yegerak me, yokkiragi o,” yoragagirak.

Matiyut 6:33

Kit aa'nduk kinogoba abu'me pinagarak, Ao, mbakwi, ndi, at obeelom lombok eeke logorak mbake nogo, kit ndak-ndak eeko logorak miikwi, eeko logonip o. Togop eekwi kiinok, kit nen, Ti mendek lek me, uugwe mbakwi nogo inom abok aret oba lunogo wokkirage kaamunggup o.

Marakut 1:35

O kilim nagabikit nduk apit eeke kagak, Yetut eenik a'nuk wundi nage nagagerik, aakumi ineebe lek me time tamban eeri nagagerak.

Lukat 6:12

Ti eyom paga Yetut tamban eerikit nduk, puurom lagi nagagerak. Lagi nage nagagerik, oonikiya Ala yoge tit kagak, o weereegerak.

Wayu 11:13

Awo pi wogonakwi iigak, mi nggwok nuk-nuk eeke kagak, o kota time aakumi inawi ambik wurik nogo ando teppege, ando sepersepuluh langgu-langgu nage, eeke logonet, aakumi apit ineebe tujuh ribu aret aambeleninake mbaki, it ando teppiigerak nogo inagabiti nen at mbogut paga menggerak Ala nogo mondok tiyappugwi iigirak.