Yetaya 26:8 - Ala Wone Peenok Peebi Mbanak

⁸ Kaliku ALA wae. Ninawone amburu mbani woraanok nduk, tokkeego ogoorik o. “Kat kendage kunggwi, koba abekwi, eeruwok lak, ao,” lombok mbako monggoorak.

Yetaya 26:8 ပူးပေါင်းရင်းမြစ်များ

2 Tamuwen 23:5

Ala enggaanom paga naaganapuri ninom Togop aret wonogwe nogo lek a? An mondok-mondok eeke logokit nduk Nimbirak wone li'lak koonogo punuk, Mbeyok yukwak liirogon unde wonage, Yi wone ndi wone noba age me nagap ndake, An uugwe mbarit nage nogo wo'nege, Eerigin lek mbakop?

Ndawi 106:3

Eekaatak a'me nggelok eeppiinet nugwi, Obeelom mban eerit nugwi, Eeko menggaarak kenok, Inale'nggen aret mbako logowak o.

Ndawi 130:5

Kaliku ALA nen an yeenggwa nenok nduk tokkeege, Niniki nen mbet-mbet eeppani woraawak lak, “Ao,” mbake, Koone yereegindak nogo niniki lunik wonage, Eeke agarik o.

Ndawi 18:23

An maluk eeka'lek neyaawak nduk eeke, An maluk eerit nookwak, narum wakkolage, Eeke minggirak me,

Ndawi 42:2

Niyo abu ee'ninake menggi kwak, Kat mondok-mondok keenik menggendak Ala, “Ao,” lombok kombake minggirak me, “Kat wonage me mandenom keya woroorak?” mbake agarik o.

Ndawi 65:6

Komaawi ambik kin keyaawak nduk, Puut-puut kwippit nanuk mondok nu'lek logowak nen Omaawi eerogo pit nage,

Ndawi 73:25

O mbogut paga time an yeenggwa niriyak Aap alik ambi wonage mbaken? Lek aret o. Kat kalik nen aret yeenggwa nege menggendak o. Kalik aret yeenggwa nege menggendak me, O nggween paga yime aap ambi yeenggwa nege logorak an mondok mbaka'lek aret agarik o.

Ndawi 84:2

Kaliku ALA kawoore'nggam logokit lak, “Ao,” mbake, Niniki mondok nenet unggwage, Ineenik aganaka kat Ala aret me, Nimbirak lambunikit nduk, Niniki inom, neebe inom, uugwe lombok mbarit unggwage, Eeke agarik o.

Wundeegwaarak 3:15

Yoge nagagerik, Ala nen Muta ambinom yoge logonet, “Kinogobamini Abarakam inom, Itak inom, Yakup inom, Naliku inogoba Ala nen aret muk kinowagam nappani wagaarak, it aakumi Iterali yoraanu o. An nendage, AN ARET, yokkigirak ti, lek arigin lek mondok-mondok aret logogin me, yi aakumi ndi aakumi nda'narit wundi wogo logonet, nendage ti aret yogo logogun o.

Ndawi Iya 5:8

O Yerutalem aagalogwe komologwe yi wae. Kit nen at an niniki kunik eeke nogo kogwe kenok, nonggop yorumunggup o? “Lek o! At kiniki kunik nogo nen kimbirak lambuniyak iniki nggilu ari mban kogoorak, yorugun o, Yinuk, kumbuk mbanogo an yo'ninip o.”

Yetaya 12:4

Ne ti eyom paga kit nen it yorogo logonet, “Aliku ALA, Wa, yogwi, At endage kunogo kinoone nggwok paga yogwi, At eerit wagagerak nogo yi aakumi ndi aakumi inenggela'me yoranet nugwi, At endage tiyanak lombok menggerak nogo wiganogo pit nugwi, Eeko logonip o.

Yetaya 24:15

It oonegen lagi wage menggim pa'nggwe wonogwe nogo nen Aliku ALA endage tiyappugwi, It niyo laut aa'nggi paga wonogwe nogo nen Iterali inogoba Aliku Ala alut eekwi, Eeko logowak o.

Yetaya 25:1

Kaliku ALA wae. Kat nogoba Ala aret o. Yoraga'ndak mondok a'me liirogon eeke logonet, Eerubok mendek iya eeriyak maan aa'nduk nen koonogo pereegindak nogo muk aret eekendak me, Kalut eeke, kendage tiyappege, eeke agarik o.

Yetaya 25:9

Ne ti eyom paga it aakumi nen yogo logonet, “Eeppinanege yi ti, ninogoba Ala nen aret o. Ninagap ndaruwak nduk, tokkogo nogoorak nogo at aret. At tokkogo nogoorak nogo Aliku ALA yi aret me, ninale'nggen mbakwi, Ninagap ndakerak me, ninale'nggen nen ndawi lubuk yogwe, Eeko logowok o,” yinuk, yugun o.

Yetaya 26:13

Kaliku ninogoba Ala wae. Kat keegak, ninogobamini wone lengganogo yo'nirogo nogogwaarak ineebe ambik aret kwe, Kat kendage mban tiyappagago ogoorik o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 33:2

Kaliku ALA wae. Nit kat lombok paga niniki lunik wonogwe me, ninabuwa mbake, Ko'lu-kii'me kubondendok paga komaawi eeppinanege, Aaninggin ninoba age ti eyom paga keenggi omaawi paga ninagap ndake, Eeke logot o.

Yetaya 49:23

Wologwe-komologwe ti, ndegeninako logowak nduk, it yi aap ndi aap inendagembogut kogobamini negen ogwe, It inakuwi kumi yo'nggok nogo inaagalogwe negen eeppiinok, inelak kuninabuwak nduk, kagalomini pogom ogwe, Eeko logomenggaarik, It nen nggween paga inanep kumbunuk kayuk wukwi, Kabu'me tebe yinuk, kiyok paga pirik-perek yogwe, Eeko logogun o. Ti eekwi iinok, Naliku ALA an aret keenu arumunggun o. It aap an paga iniki lunik wonogwe nogo inenggali arugun lek o,” yinuk, yoge kagarak o.

Yetaya 51:4

Napuri yi wae. Noone yokkirage liippugwi, Leenogo pinagareegirak kit an mendek yi wae. Noone yokkirage yi, konenggwi, Eeko logonip o. An nen aret eeko logorak wone lengganogo yokkirage, Eekaatak a'me nggelok eeke minggirak wone nogo eya kwak yi aakumi ndi aakumi inenggela'me mippege, Eerigin o.

Yetaya 56:1

Aliku ALA nen yegerak nogo yi aret. “An nen inagap ndariyak nogo abu panggoni wage, Yoragagirak ndak-ndak obeelom eerogo piyoorak mbet-mbet kin ari wage, Eeke me, A'me nggelok eeppiinet nogwe, obeelom mban eerit nogwe, Eeko logowak o.

Mika 4:5

Aakumi inanebunu lombok inagugi inendage tiyappunuk eerit nogo logogun kwe, Nit perak, ninogoba Aliku Ala endage tiyappunuk, mondok-mondok eerit nogo logogun o.

Mika 7:7

Togop aret kwe, an nogo, an nen at Ala yoge nogo aruk konenigin me, Aliku ALA yeenggwa niri wage kero, nenegen wonage, Niniki lunik nagap ndaka ninogoba Ala nogo neya wage kero, tokkage, Eeke agarik o.

Maleyaki 4:4

“Puut Korep paga nen it aakumi Iterali abok aret yoraawak nduk, wone lengganak inom, eeko logorak wone yugu inom, nayeloman Muta yoge mbareegi, liiru mbaneegerak nogo abeko logowak o.

Linggineegwaarak 36:13

It aakumi Iterali mendek nogo o Yeriko enebagan wunggagak nggween Mowap niyo Yoraran aa'nggi paga time wonogwe iigak, at Aliku ALA nen, Yogop ee'nu ndogop ee'nu, wone yugu inom, eeko logorak wone koonak inom, it aakumi Iterali eeko logowak nduk, Muta yoreegerak nogo ti aret o.

Lukat 1:6

It imbirak ninogoba Ala nen, “Yogop ee'nu, ndogop ee'nu,” yegetak wone inom, lengganinaketak wone inom, alik eerulik mondok ndak-ndak aret eerit nugu nogogwaarak me, Ala nen it iniki mondok abe koonak aret iige nagagerak.

Nappiigak 1:4

Ne ambi paga at awuri inom mbi nonggo logonet, it yorage, “At Yaya nen yiime wuppiige nagagerak kwe, ne mande negen logonuk Aberiniki kinoba wuppinagi woraagin me, kit o Yerutalem teppunuk nagup o. Nogoba nen, Wokkiraagin o, yinuk, abok yereegerak an yokkirage nagarak nogo, wokkiraawak nduk, tokkogo logonip o,” yinuk, wone lengganogo yoragagerak.

Oroma 8:25

Nit ninigen kaga'lek mendek kaawok nduk, niniki lunik wonogwe kenok, niniki mondok kwippunuk, tokkogo monggoorak.

2 Tetalonika 3:5

At Ala nen yi aakumi ndi aakumi iniki kunik aganake menggerak nogo kokwak kit ndak-ndak eeppiinet nugwi, ndi, Keritut maluk mendek oba age kagak, yanggonak wonagagerak nogo kokwak, kit togop aret yanggonak wonogwe, eeko logobagip nduk, Ala nen eeppinagage logowak lak, “Ao,” kinombako ogoorik o.