Yetaya 26:6 - Ala Wone Peenok Peebi Mbanak

⁶ It aap tebenak inom, ineenggi lek inom, nogo nen iniyok aan lebenogo pit nogo agaarik o.

Yetaya 26:6 ပူးပေါင်းရင်းမြစ်များ

2 Endagembogut 9:33

at Yeku nen oone nggwok paga it yorage logonet, “Kwe ti, eebe pigogo mbo wuppi wa'nip o!” Yorage mbareegi, pigogo wuppereegwaarak kuda nen iniyok paga at eebe aan lebenogo pit nogwe iigak, amiya wore-wore yugum pak wurik paga inom, kuda ineebe paga inom, lengge-lengge nagagerak.

Yetaya 11:4

Ata, Ala yegetak ndak-ndak aap tebenak mendek inowak loongge, It aap ineenggi lek nogo eekaatak a'me nggelok inawone mbanogo piige, Eeke logogin o. Muun obate mbanak paga inooko mengga kwak, At nen wone yorage paga aakumi o nggween yi paga wonogwe nogo koonogo piige, Ndi, ambe aagi paga aap maluk mendek mondok lek eerogo piige, Eeke logogin o.

Yetaya 25:10

At Aliku ALA nen puut Tiyon yi, eenggi omaawi paga pipporogo logogin kwe, It aakumi Mowap mendek perak, Wam inambi larak nunggo logonet, it inaan wurik iniyok aambiranogo pako mengga kwak togop aret eerogo piyaagin o.

Yetaya 28:3

It aap Eparayim mendek nen amburu nenok kumili kumbunuk iri'ngga anggen laambu mendaarak yirik nogo Yabok togon eerogo iyok yigirogo pege,

Yetaya 29:19

It aap tebenak wonogwe nogo Aliku ALA paga inale'nggen mbako nogogwa kwak, peebi inale'nggen mbakwi, It aap ineenggi lek nogo at Kikak Nakeelik Alik Leenak Iterali inogoba paga iniki ale'nggen mbakwi, Eeko logogun o.

Yetaya 3:14

Aliku Ala nen at apuri inoweewi inom, inarum menggaarak inom, inowak looninake logonet, “It nen aret neyabu anggur yarak anggen mbanogo nenet nugwi, Aakumi ineenggi lek inamendek ndinogo iname yagabit eerogo pati unggwogwe, Eekaarak o.

Yetaya 3:15

An napuri piyak-payak eerogo piinet nugwi, Ineenggi lek mendek ale-pale eerogo tebenogo piigwi, Eekwi ti, Nonggop nduk eeko agaarik o?” yinuk, at Omaawi Lombok Menggerak Aliku ninogoba ALA nen aret yegerak o.

Yetaya 37:25

Aakumi nggiru iname nggween kabunogo punuk, time nen niyo toologo nengge, Yi niyo ndi niyo o Metit wonage nogo niyok awo mbaanggage neegak porok ari, Eeke nagagirak o, yinuk, agan nege nagagerak kwe,

Yetaya 60:14

It aap tebenogo pugwi inapuri nogo abu'me tebe yi unggwogwe, Ndi, it aap meek eerogo pugwi nogo nen inendobanggun yindumbunuk, iyok paga pirik-perek yogwe, Eeko logonet, Aliku ALA agota o, yinuk, yogwi, At Kikak Nakeelik Alik Leenak Iterali inogoba o Tiyon unde o, yinuk, yogwi, Eeko logogun o.

Yeremiya 50:45

Togop aret me, at Aliku ALA nen o Mbaben eeppuurak nogo koonogo pege, Ndi, it o Mbaben wonogwe eeppiyoorak nogo koonogo pege, Eekerak yi, Konenggo logonip o. Ndomba aagalogwe kwak, inapuri elege-aabologwe nogo niik eerogo wumbiige, Ndi, ndomba inagari'ngga nenet nogo menggam kwak it wonogo menggam time abu maluk eerogo pege, Eerigin o.

Ndaniyen 7:27

Lek eerogo punuk, it aakumi inabu'me piinok logonet, it inalik iniki koombunuk wone lengganogo yoranet nugwi, inayuk warak logonet, inoone omaawi paga yoranet nugwi, inendage tiyanak logonet agan nugwi, eeko logowam o mbogut abu'me yime abok aret at Tiyanak Lombok Menggerak apuri alik leenak nogo unde eeppiyaagin o. Eeppiyamenggerak unde wonogwe iigak, at abu'me piinok logowam ti, lek arigin lek mondok aret logogin me, it unde eeppiyamenggerak nogo abok aret at abu'me tebe yinuk, ayuk wukwi, at oone ari kenok konenggwi, eeko logogun o, yinuk, yo'negerak o.

Tepaniya 3:11

Ne ti eyom paga it an noone taganogo mbo punuk, maluk eerogo panugo nogogwaarak nogo, inenggali wappiyaagin lek o. It inoreewi, Nit iya o, yinuk, iniki wogoppako logomenggaarak nogo, o yime nen mbo wumbiyaagin me, It ando perak, nabuut alik leenak paga yime wonogo logonet iniki wogoppako logogun lek aret o.

Maleyaki 4:3

An aakumi koonogo piyoorak ne ti eyom paga aap iniyok liirubu aa'ngga eerogo pogo mengga kwak, it nen aakumi maluk eeka nogo iniyok aambiranogo piinet nogo logogun o,” yinuk, at Omaawi Lombok Menggerak Aliku ALA nen aret yegerak o.

Lukat 10:19

Waalo aakumi inooka inom, nggitamuru inom, kiniyok paga aan mbelenogo pugwi, at kinom wim mbanak nogo omaawi lek eerogo tebenogo pugwi, eeko logobagip nduk, an nawone kilikkiragarak. Nawone kilikkiragarak me, maluk ambi kinoba arigin mondok lek aret o.

Oroma 16:20

Nit niniki ugun tayenak obeelom logowok nduk, eeppinanege menggerak Ala nogo nen Ibilit kinabu'me tebenak logowak nduk, mbet-mbet aan lebenogo pigin o. Ninowe Yetut iniki kunik nen obeelom eeppinanege menggerak me, kinarum aret logogin o.

1 Korindut 1:26

Noreewi o. Ala nen awo yonggo pinagaga'lek kagak aa'nduk wonogogutak nogo kiniki abe'nip o. It aap iniki warak menggaarak inom, inayuk warak menggaarak inom, inendage tiyanak menggaarak nen ndarak inom, it aap nggween paga mendek nen, “Ia!” inombako menggaarak nogo abok aret kit aap togoti mendek kiinok, kinayonggo pinagulik o.

Yakobut 2:5

Nowe-nawot o. Kit an niniki kunik me, wone yi, liirogon konenggo logonip o. It aakumi nen, “Aap ti, ineenggi lek,” inombakwi iigak, Ala nen miirinabeegerak nogo ti, ineenggi warak kwak, “Iniki mondok abet mbaruwak,” mbake, ndi, “Aap abok aret, Nogoba ao, yinuk, iniki kunik ee'nakwi iinok, nabu'me piyaagin o,” yinuk, abok yoragagerak nogo, Ala abu'me piige menggim ineyate kokwak unde eeppiige, eeruwak nduk, miirinabeegerak nogo lek a?

Yotuwa 10:24

at Yotuwa owagam piya wogo mbareegwa, Yotuwa nen aap Iterali apit aret kuwak ari woraawak nduk, yoragagerak kuwak ari wogogwaarak wonogwe iigak, aap yigin unde inoweewi Yotuwa inom wim nambuko nogogwaarak nogo yorage logonet, “Korotok ya'i wogo logomonggotik, aap inendagembogut yi, inali'luk paga kiniyok aan lebembiirogo logonip o.” Yorage mbareegi, wogo nogogwaarik, iniyok konden inali'luk paga tebembiirogo iigak,

Wayu 2:26

It Ala wone mbo pega'lek mondok nu'lek porogo logonet, an eeriyak mbake minggirak nogo eerit nogwe iigak, o age yobok ari wage kenok, an nogoba nen aakumi inanebunu lombok inarum logokit nduk, mippaneegerak nogo kokwak, it togop aret, yi aakumi ndi aakumi inabu'me piinok, wone lengganogo yorogo logowak nduk, mippiyaagin o. Ala nen ari logonet, Mbim obate mbanak eenggime logonet, Oone omaawi paga wone lengganogo yorage, Ndi, yi mendek ndi mendek nggween nggabok paga ogobakkigirik nogo, Telenogo pogo mengga kwak, eerogo piige, Eerigin o, yinuk, yereegerak nogo ndak-ndak eeko logogun o.

Wayu 3:9

It aap Tile eeke menggerak ndak-ndak eeko logowok nduk, kuwak eeko menggaarak nogo, it Yakuri mendek lek kagak we piliret, Nit Yakuri mendek aret o, yinuk, yogo menggaarak nogo nen, Yi Ala apuri inom iniki abe kunik wonogwe iigo o, yinuk, it Ala apuri o Pilarelipiya mendek inabu'me tebe yi wa'nuk inoone konenggo logowak nduk, eeppiige neyaagun o.