Yetaya 26:19 - Ala Wone Peenok Peebi Mbanak

¹⁹ It kat kapuri kambeegwaarak nogo perak, ineenik ogwe, Inowak nggininik abok aret mi'nogwe, Eerugun me, Kit aap nggween taambinagareegwaarak wonogwe yi wae. Kineenik a'nuk, kinale'nggen nen keekok yogo logonip o. O weege kagak konaananggen nen iri'ngga-kale'ngga ki eerogo pege menggi kwak, It kambeegwaarak nggween taanak wonogwe nogo ngget nda'nogwe kwak ineenik agago mippiyaamunggun o.

Yetaya 26:19 ပူးပေါင်းရင်းမြစ်များ

Ndaniyen 12:2

It aakumi apit aago kambemenggaarak nggween me nogo yugwi nogo, ineenik a'nuk mi'narugun o. It ando mondok-mondok ineenik logowak nduk mi'nogwe, ndi, ando perak, inenggali mbakak mondok-mondok yagan wako logowak nduk mi'nogwe, eerugun o.

Matiyut 27:52

it aakumi kanggaatak ineebe mambiigo menggam nogome tu kuu'narit nage mbareegi, Ala apuri kambeegwaarak nogo ambik ineenik a'nuk, mi'narit nogo nogogwaarik,

Oteya 13:14

Aakumi kambunuk nogo menggam omaawi pippiinok wonage me nen inagap ndarogo wumbiige, Ndi, it kanggwi iyo, an nen inili eerogo piige, Eeriyak ya? It aakumi ti, an nen inabuwa mba'nuk ambinom pegiyaagin me, Kanggo menggam ti nen kugilingga inoba nappi wage, Aakumi kambunuk nogo menggam ti nen aakumi ineebe inoorogo piyoorak omaawi nappi wage, Eeruwak o.

Oteya 6:2

Mugurok nogwe niinok, nogo mbere yippunuk, nineebe andi lek eerogo pinanege, Ndi, nogo mbere yippunuk ko'lu nit ninomaawi eerogo mippinanege, Eeke logomenggerik, Ninarum wonage kagak, eerit nogo logogun o.

Ndawi 71:20

An andi-pandi kaakit nduk, Aaninggin mondok alik negen noba kwippanege, Ale-pale eerogo panege, Eeke nagandak kwe, An aa'nduk wonagagirak kwak eerogo panege, Nggween kiiniki paga ari nagarak nogo pilanogo mippani wage,

Yetaya 25:8

Ndi, kanggwi alom nogo mondok lek eerogo pege, Eerigin o. Naliku Itok Minggirak an ALA nen aakumi abok inale amburu mbanogo piige, It at apuri o nggween paga yi awi ndi awi wonogwe inendage maluk eerogo piigwi nogo lek eerogo piige, Eerigin o,” yinuk, Aliku ALA nen aret yegerak o.

Pilipi 3:21

Wambi wage logonet, at omaawi paga yi mendek ndi mendek abok aret at abu'me logowak nduk, tebemborogo menggerak nogo paga nen ninagabolo maluk pili age menggerak mendek yi, nggonenogo mbo punuk, obaane'me at agabolo mondok alik ngget mendek nogo aret yippinanigin o.

Takariya 8:12

“Anggen yaremenggaarak nogo abe lagangge, eyo anggur nogo anggen abe yege, inanggween amburu eerogo pemenggerak paga anggen abe mbanggologwe, mbogut paga nen mayu wuppi wage, eeruwak nduk, eeppiyaagin o. Yi mendek ndi mendek abok aret ti, an napuri eegu yumbunik yi, ineyate kwak unde logowak nduk, eeppiyaagin o.

1 Korindut 15:20

Togop kwe, at Keritut kanggo menggam nen eenik agago mippulik ti lek o. Mippereegerak aret me, anggen iyaalok mbanak pogom, it kanggo menggam nen iyaalok eenik agago mippereegerak nogo ti, at aret o.

Oteya 14:5

Aliku ALA nen ari logonet, “It Iterali nanini inoba piyoorak mbakirak nogo, muk lek agaarak me, An mbo paninuk, nomo agan nugu nogogwaarak nogo, an nen iniyokan wogoren piya wage, Inabuwa lombok mbarit unggwage, Eerigin o.

Pilipi 3:10

At Keritut eebe inom, ndi, Keritut ninake kangge mbareegi, Ala omaawi paga eenik agago mippereegerak nogo inom, “Liippatikit lak ao,” mbake logonet, an kambunuk nogo menggam nen neenik agago mippanuwak nduk, at Keritut iniki yanggonak kagak, aaninggin-paaninggin oba punuk, wako mbareegwa, kambunuk, eenik agagerak nogo kwak, an ndak-ndak neegak, eeppaniyak op aret mbake agarik o.

Ndawi 22:15

Niyoowak woloonak telo agan nage menggi kwak, Nomaawi lek ee'nabit unggwage, Namili piyanogo nalelaan paga nabeni lagangge, Togop eeke kagak Aakumi kanggaatak inowak paga mbo panege agandik o.

Pelaareegerak 33:28

Togop eerigin me, Kit Iterali mendek kiniki tayenak obeelom mban wonogwe, Mbogut paga nen yi amburu ndik-ndik agago wuppit wage me, Gandum inom, anggur amburu ngget toolak inom, Ambik wonage menggim time ari nanuk wonogwe me, Niyo eneeri wungge menggi kwak, Yakup ombowologwe time nu'lek obeelom aret wonogo logonet, Wiganggo logogun o.

Nappiigak 24:15

It maluk eeko menggaarak inom, obeelom eeko menggaarak inom, kambunuk nogo menggam nen Ala nen ineenik agago mippiyaagin, niniki lunik wonage ti, it kunduk iniki lunik wonogo agaarik.

Yetaya 51:17

Kat kota Yerutalem yi wae. Pilak yu o. Pilak yu o! Yi toolak nunggwi kwak Aliku ALA anini alik negen koba pagarak toolak nogo nengge, Amburu toolak nunggwi iinok, neyak-kweyak agan nogo mengga kwak anini toolak nogo ameneno inom porok togon nengge, Eekendak kat Yerutalem yi, mi'naru o.

Pelaareegerak 33:13

It inanebunu Yutup mendek nen eeko logorak wone yoge logonet, “Kaliku ALA nen it inanggween obeelom eeppiige logonet, Abe mendek mayu mbogut paga wonage nogo wuppi wage, Niyo nggween abu'na yenggenak wonage nogo nen amburu nigabit wage,

Pelaareegerak 32:2

An wone mamunirage yi, o mayu wangge menggi kwak age, Noone ari yi, miinanggen iri'ngga paga luurik pogom age, Iri'ngga anggup awo larak paga o mayu wangge kwak, age, Yi mendek ndi mendek yarak paga o mayu lubu-lubu wangge kwak, age, Eeruwak o.

Matiyut 27:58

Pilatut owagam wage nagagerik, “Yetut warak eebe wo'niru o,” yinuk, ngginooge mbareegi, at Pilatut nen wogoruwak nduk, yoragagerak.

Ndawi 110:3

Kat komaawi tiyak ari eyom paga It kawuri wim eeka nen inobaanggi-inobaangge abe lombok li'luk eekko'nok Inale'nggen paga kinom wim eeri unggwogwe, Kubondendok konaananggen luuri wage menggi kwak, “Ninom wim eeruwi o,” yinuk, kawuri aap tawe nogo kiyo'me ari wogwe, Eerugun o.

Ayup 29:19

Eyo omanggen niyoome yarak menggi kwak, nomanggen togop aret yarak wonage, Eyo eno'mbak nogo paga oonikiya miin anggen luurik menggi kwak, nagabolo ki eerogo panege,

1 Tamuwen 2:6

Kaliku ALA nen it aakumi kambuwak nduk eeppiige, Ineenik logowak nduk eeppiige, Kambunuk nogo menggam nappiige, Time nen mippiige, Eeke menggendak o.

Ndawi 22:29

It aap ineenggi warak o nggween paga wonogwe yi, Abok aret inambi ndonggorogon nenok kalut eekwi, It aakumi kambak mendek inom, It ineenik ambinom logorak meek mendek inom, Abok aret kabu'me tebe yi unggwogwe, Eeko logogun o.

Yetaya 18:4

Aliku ALA nen an yo'negerak nogo yi o. “Ti eekwi iigak, mo andi nen ligik-ligak eeko mengga kwak, O kibi kagak anggen mbanggwi eyom paga konaananggen luurogo pit wundi wage menggi kwak, An wonage minggim nabolok lek logonet nenegen wogonake nena wutik logogin,” yo'negerak o.

Ayup 14:8

Eyo nogo omanggen nggween me nogome mbuk age, Alom mbanemenggim nogo pili age, Eeke kagak,

Ndawi 88:11

Aakumi kambunuk nogo menggam nogome nen Kat aakumi inabuwa mbake menggendak nogo mbininggwi, Aakumi lek eerogo piigo menggam nen Yoraga'ndak li'luk eeppiige menggendak nogo yogwe,