Yetaya 26:14 - Ala Wone Peenok Peebi Mbanak

¹⁴ It aap ti, eeko nogogwaarak nogo onggo eeppiige logonet, inenggaawak lek eerogo piige, Inoba aberak logokwak inendage lek eerogo piige, Eekendak me, It muk kambeegwaarak nogo ti'nuk, ineenik ogwe, Ndi, inogoma nen ineenik a'nuk wogwe, eerugun lek o.

Yetaya 26:14 ပူးပေါင်းရင်းမြစ်များ

Ayup 18:17

O nggween paga yime at oba abekwi, Yi o ndi o at endage kunggwi, Eeka'lek aret wonage.

Ayup 24:20

It ndaganabeegwaarak inagalomini aret kwe, Ineebe mari eerogo piigwi, Anggolenggen nen inagabolo nili-kili nunggwi, Eyo nduguninuk nage menggi kwak, inendage lek aret ogwe, Eeko menggaarak.

Ayup 7:9

Ndugwi wonagaatik, lek arit nage menggi kwak Aap ambi aakumi kambunuk nogo menggam wambi nanuk iyokan lagi wage,

Ndawi 106:28

Kugi Mba'an puut Peyot menggerak inom kunggologwe, Ala obaane'me inagugi ogut ogobakkigirik Inoone lek mendek inake inaanggo warak nogo nunggwi,

Ndawi 109:13

Ombowologwe wiganak nogo inenggaawak lek ogwe, Peebi nda'narit wundi woroorak inendage kagaa'nage,

Ndawi 135:17

Inaruk wonage kwe, inaruk konenggwi, Inambe wonage kwe, inambe aagi wunabi wogwe, Eekulik aret menggaarak o.

Ndawi 36:12

Aakumi maluk eeko menggaarak nogo Nggween paga ngginnagaarak yi kenegen pegiyet o. It mbo nappiigaarak wonogwe me, Pilak togon mi'nariyak meek aret o.

Ndawi 59:5

Iterali inogoba Kaliku Ala Komaawi Lombok Menggendak kat aret me, Yi aakumi ndi aakumi abok aret Maluk eekwi onggo it inoba piyaanok nduk, pilak yu o. It maluk eeriyak koonggwi nggaganagalo yi kunduk, Inabuwa mba'nuk teppiyoorak mage o.

Ndawi 9:6

Ninom wim mbanak maluk inoba ariyak koonak nogo Muk aret inoba agaarak me, mondok aret logogin o. It wonogo menggam kota-kota abok aret Eyo omanggen negen kinogo piigendak me, Inoba kunduk, aberak logogun mondok lek o.

Wundeegwaarak 14:30

Ne ti eyom paga at Aliku ALA nen aakumi Iterali nogo it Metit mendek ineenggime nen inagap ndarogo piyareegerak wonogo logonet, it Metit mendek ineebe kambit nogogwaarak niyo aa'nggi paga wumbiinet wagagerak wonogwe iyareegwaarak.

Kini Wuppiige 10:7

Aap iniki abe koonak inoba abekwi iinok, inale'nggen mbako menggaarak kwe, It maluk mendek perak, inendage yogolik aret menggaarak.

Wone Alom Kibingga 9:5

It aap ineenik wonogwe nogo nen kambuurak aret ineenu kwe, It aap kambeegwaarak nogo nen perak, Yi mendek ndi mendek ineenggo'lek wonogwe, It eekwi onggo ambinom koloorak lek aret wonogwe, It inoba kunduk aakumi nen abeka'lek wonogwe, Eeko menggaarak o.

Yetaya 10:3

Togop eekwi me, eekotak onggo aaninggin kinoba ari wage, Kineebe lek eerogo pinagarak nduk, o nda nen wogwe, Eeriyak eyom paga nano eeriyak mbakop? “Yeenggwa niret o,” yinuk, mbe agan aap ta yori nogwe, Kinamendek ambik aago nogo o nggeeme punuk mbaganggwi, Eeriyak mbakop?

Yetaya 26:19

It kat kapuri kambeegwaarak nogo perak, ineenik ogwe, Inowak nggininik abok aret mi'nogwe, Eerugun me, Kit aap nggween taambinagareegwaarak wonogwe yi wae. Kineenik a'nuk, kinale'nggen nen keekok yogo logonip o. O weege kagak konaananggen nen iri'ngga-kale'ngga ki eerogo pege menggi kwak, It kambeegwaarak nggween taanak wonogwe nogo ngget nda'nogwe kwak ineenik agago mippiyaamunggun o.

Yetaya 8:19

Aakumi nen kit yokkirogo logonet, “It aakumi ambi mendek nen ambi age kenok, inagugi yoroorak lek mbakop? Eeriyak nonggop o? yinuk, it aakumi ineenik wonogwe nogo inake it kambeegwaarak yoroorak op nogo lek a? Yoroorak op aret me, it aap yagap wone yogwe, inoone mumun paga yogwe, eekwi nogo tili pagangga inom, aap inogoma nggiiraga inom, yoret o,” yinuk, yokkirogwe iinok,

Matiyut 2:20

“It aap elege wariyak nduk, kwaarit nagaarak nogo muk kambit nagaarak me, kat mi'na'nuk elege nogo agalo imbirak wogoret aakumi Iterali iname nak o.”

Pelaareegerak 4:28

Kit mappinagamenggerak time wonogo logonet, eyo mendek a, yugum mendek a, ineenggi paga inagugi ogobakkigirik nogo nen enegen pegiige, aruk konengge, ambe lagap ari, obari wunggage, eekeelik mendek kagak, Ala obaane'me mippunuk alut eeko logomunggup o.

Wayu 20:5

Aa'nduk ineenik agago mippiyoorak nogo it aret o. Ndi, it ando kambeegwaarak nogo perak, tahun seribu eeppunuk, ineenik agago mippiyoorak nduk wonogwe iigirak.