Yetaya 24:2 - Ala Wone Peenok Peebi Mbanak

² Ti eeke logonet, It Ala unde eeppiige nogo, aakumi we ugun mendek ndak-ndak eeppiige, Inogobamini eeppiige nogo, inayeloman mini wologwe ndak-ndak eeppiige, Inagalomini eeppiige nogo, inayeloman mini komologwe ndak-ndak eeppiige, It kunggwi eeppiigwi nogo, it kunggologwe ndak-ndak eeppiige, It luulu nggino yorogwe eeppiige nogo, it porogo wonogwe nogo ndak-ndak eeppiige, It nomat waganggwi eeppiige nogo, anomat mbanak ndak-ndak eeppiige, Eeke logogin o.

Yetaya 24:2 ပူးပေါင်းရင်းမြစ်များ

Wakkagagerak 41:50

Ndi, mbi noogelo tahun 7 paga ariyak nogo awo ari waga'lek kagak, at kugi unde awi On mendek endage Potipera apuluk Yutup akwe Atanat nogo nen Yutup obaane'me aagalogwe wologwe mbere ndaganabeegerak.

2 Mbinineegwaarak 36:20

Eeke nagagerik, it Yekura mendek ando mbuuluk inoorulik teppiyareegerak nogo wogoren o Mbaben piya nage nagagerik, at inom, at apuri nogo inom, nen inayeloman mini eerogo piinok wonogwe iigak, aap Peritiya mendek inowe endagembogut nogo wage nagagerik, it Mbaben mendek tebenogo piinok, at abu'me aret piyareegerak.

Yetaya 2:9

Togop me, aakumi nen it tebenogo piigwi, inendage maluk eerogo piigwi, eerugun kwe, Inomaluk lek eerogo piinok, inagap ndariyak ti, mage o.

Yetaya 24:3

O nggween yi, abu maluk eerogo pege, Iri'ngga-kale'ngga mondok lek eerogo pege, Eerigin o,” yinuk, at Aliku ALA nen wone ti yegerak me yagi o.

Yetaya 28:7

Anggur amburu nenok langgok-panggok nugwi, Niyo omaawi mendek nenok nombok-kombok agan nugwi, Eekwi nogo ti, It aap Ala unde inom, Ala nen yorage kagak yoraga inom, nen eekwi nogo ti aret! It nogo ti, niyo omaawi mendek nenok langgok-panggok nugwi, Anggur amburu nenok inoone ugun-ugun agan nugwi, Niyo omaawi mendek nenok, nombok-kombok nugwi, Inabinggaanggo kogo nagaatik, “Ngge kagi?” yinuk, kobak ogwe, Inowak loonggo logonet, “Wone ngge yoroobok?” age, Eeko logonet,

Yetaya 5:15

Inendage lek inendage warak imbirak tebenogo piige, Iniki wogoppatit inigen mbogut paga nugwi nogo inenggali aruwak nduk, eeppiige, Eerigin kwe,

Yeremiya 41:2

Netaniya aput Itimayen aap ineebe 10 nogo inom mi'na'nuk, aap Mbaben mendek inowe endagembogut nen o Yekura unde logowak nduk mippereegerak aap Tapan ombooluk Akikam aput Nggeraliya nogo, wooluwak paga mondok aret warogo pereegwaarak.

Yeremiya 42:18

At Omaawi Lombok Menggerak Iterali inogoba Aliku Ala nen yegerak nogo yi aret. It Yerutalem wonogogwaarak nogo nanini inom, niniki aagi inom, inoba piyareegi kwak, it o Metit namenggaarak wonogwe iigak, nanini inoba piyaagin o. Inoba piige neenok, Aakumi pulunik aret, yogwe, inamineeri ne agan nage iigwi, inendage kumbunuk pulunogo piigwi, meek eerogo piigwi, eeko logogun me, inanggween yi, inigen ambinom kaagun mondok lek,” yegerak me, yokkiragi o.

Leendawi 4:13

Ti unggwogogwaarak nogo ti, it Ala yorage kagak yoraga nen maluk eekwi, Ndi, it aap iniki abe koonak kagak inamiya kilirogo piyareegwaarak Ala unde nen kunduk maluk eerit nugwi, Eereegwaarak kenok unggwogogwaarak o.

Leendawi 4:16

Aliku ALA nen aret it ineebe mugogo-magago nappiyareegerak me, enegen wogonaka'lek aret wonage agaarik o. Togop me, aakumi nen it at eebe unde nogo inayuk wukwi, It aap inanggok inabuwa mbakwi, Eeka'lek aret menggaarak o.

Leendawi 4:6

O Torom mendek eekwi onggo aaninggin inoba piyareegerak nogo ti, it ambi nen yeenggwaaraga'lek iigak, Ala nen aret ne ambit liingge nippiigak-wuppiigak eerogo inooreegerak nogo ti, iya negen kwe, An nanebunu mendek inoba piyareegerak nogo ti, mondok iya!

Oteya 4:9

It aakumi eeppiyaagin nogo ndak-ndak, it an neebe unde ti kunduk, togop aret eeppiyaagin o. It imbirak eerit nugwi paga aaninggin inoba kwippiige, Imbirak mban maluk eekwi onggo ndak-ndak eeppiige, Eerigin o.