Yetaya 24:1 - Ala Wone Peenok Peebi Mbanak

¹ “At Aliku ALA nen nggween yi maluk eerogo pege logonet, mbuk eerogo pege, Aakumi logorak meek eerogo pege, Eerigin abet mbako logonip o. Nggween ena abut laganogo pege logonet, it aakumi o yime menggaarak nogo mappiyaagin.

Yetaya 24:1 ပူးပေါင်းရင်းမြစ်များ

2 Endagembogut 21:13

O nggorek ndak-ndak ilik? yinuk, keele wakkagak eeko mengga kwak, an nen o Tamariya wakkagak eeppiige, ndi, O eyak koonak mi'ndak wonage ilik? yinuk, keele paga wakkagak eeko mengga kwak, an nen aap Akap paga wiganak inom wakkagak eeppiige, eereegirak nogo kokwak, it Yerutalem togop aret wakkagak eeginake logonet, togolowak koorogo abut laganogo amburu mbanggo mengga kwak, an togop aret eerogo piyaagin o.

Nekemiya 1:8

Kat nen ari logonet, It an noone yorage nogo liippunuk, eeka'lek iinok, ineebe abok aret yi aakumi ndi aakumi inenggela'me mak eerogo piyaminggirak kwe, iniki yungguk togon nowagam woraanuk, Yogop ee'nu ndogop ee'nu, wone yugu nogo mugurok nogwe iinok, yi o ndi o irip-irip time mbo piyaminggirak wonogwe me nen kuwak eerogo, o an nendage ki logowam leenogo pateegim nogome wogoren piya woraagin o, yinuk, kayeloman Muta wone lengganogo yoreegindak nogo aberu o.

Ndawi 146:9

Aliku ALA nen aap nggiru iinok unde wogonake, Elege moono inom, kumi nanu inom, yeenggwaarage, Eeke menggerak kwe, Aap maluk mendek perak, it eeriyak koonggwi nogo yale-pale eerogo piige menggerak o.

Yetaya 13:13

Togop me, an Nomaawi Lombok Minggirak Naliku ALA nanini kani kunik negen eeppiyoorak eyom paga Nanini paga eeppiinet nage logonet, mbogut na'ndo-wa'ndo pege, Nggween obaane'me lombok wonage nogo akom ya langgok eerogo pege, Eerigin o.

Yetaya 13:5

An nawuri wim eeka inawi o ndaanda nen wogwe, Nggween irip-irip me nen wogwe, Eekwi iinok, Naliku ALA nanini aakumi eeppiyoorak mbake nogo it nen eeppiyaawok nduk, kuwak eeri wogwe me, It nen aakumi o nggween paga wonogwe abok aret lek eerogo piyaagun o.

Yetaya 2:19

At Aliku ALA nen nggween yi, na'ndo-wa'ndo eerikit nduk mi'na'nuk, Abu tiyanak pi wakugak obaanggi-obaangge li'luk ee'nuk wage, Aakumi inamineeri ne agan noorak mendek eeppiige, Eeke kenok, It kole puut-puut yugum ambe nggaganak me unggwit nogwe, Nggween nenaarak me kumaa'nari unggwogwe, Eerugun o.

Yetaya 24:19

Nggween yi abok aret yigirik-noonom eerogo pege, Nggween oolo nggoguk ari, nippegak-wuppegak eeke,

Yetaya 24:20

Aap amburu kumili aganaka nengge nagaatik, neyak-kweyak agan nege menggi kwak nggween yi togop aret eeke, Ooliya yiluk-yiluk wurik me, o wiya wage logonet, na'ndo-wa'ndo eeke menggi kwak nggween yi, togop eeke, Eeke kagarak o. It aakumi Ala wone yugu, “Nineebi o,” yinuk, maluk eerit nugwi inomaluk aaninggin nen O nggween yi aambirak togon wambigin me, obaane'me ari lagi woraagin mondok lek aret o.

Yetaya 27:10

O kota yugum pak wurik nu'lek wonage nogo o wogo aret wonage, Karume yi oone ndi oone lek menggi kwak aago wonage, Eerak wonage me, Time tapi inaagalogwe inagari'ngga mbanogo nenok winnogwe, Eyo anggup-engga konaarogo nunggwi, Eeko logogun o.

Yetaya 29:16

Yi wone ndi wone abut laganggo monggotak kit yi, Nggween nggabok ti, aap nggween nggabok paga ogobakkigika imbirak ndak-ndak mbakop? Nggween ogobakkigirik nogo nen aap ogobakkigika nogo yoge logonet, “Kat nen an ogobakkigi'nabulik o,” yinuk, yoge, Ndi, at togolowak ogobakkigirik nogo nen at ogobakkigika nogo yoge logonet, “Kat yi, yi eeriyak ndi eeriyak keenggo'lek o,” yinuk, yoge, Eeriyak op mbakop? Lek aret o!

Yetaya 29:2

Kat kota Ariyen yi, an nen aaninggin mendek koba nappi woraminggirak paga, Ai-ao, ari, le ari, kendage Ariyen toonak ndak-ndak warogo wogogo menggam amiya labunik kwak age, Eerumunggun o.

Yetaya 30:32

Lobale eeka inom, nggitat inom, eeko logonet, ndawi wakwi iigak, Aliku ALA ambim mbanak paga miiri nage, yombak inooke, miiri nage, yombak inooke, Eeke logogin o.

Yetaya 32:12

Kinanggween mili lubunik wonage nogo maluk age, Anggur ero anggen mondok luurik-maarak yege menggerak nogo kanenep eerogo pege, Kit an napuri kinanggween paga alok-palok mban lagangge, Nggonggoondu mban penggaarogo pege, eerigin me, kinamiguwak wakkologo logonet, le yogwe, Kiname kiniki ale'nggen paga eeko monggo'nom inom, Kinawi o kota yi paga kuwak a'nuk kinale'nggen paga nugu monggo'nom inom, lek eerigin me, leenggu maakwi, Eeko logonip o.

Yetaya 33:9

Aap iniki wakkolage logonet eebe mbuuluk eerogo pege menggi kwak, o ti togop aret age, Aap enggali nen uut yuwo agan wangge menggi kwak, o Libanon eyoongga wonage nogo yogu-yogu wangge, O Taron nogo karu nggwok o ame pa'nggwe nogo kwak age, O Mbatan inom, puut Karemen inom, eyoongga wonage nogo mono-mono wangge, Eeke agaarik o.

Yetaya 34:10

Liingge inom, oonikiya inom, kani noguk yaga'lek mondok wunuk mban ari, Ka'luk mondok kwit agan lagangge, Eeke logogin o. O time mbo punuk mbaganemenggaarak me, aakumi tu ti paga ambi naga'lek aret iigak, nda'narit wundi wogo logogun o.

Yetaya 34:2

At Aliku ALA nen it aakumi inanebunu lombok anini inombake, It ineegin warak nogo anini inoba piige, Eeke logonet, Ineebe lek eerogo piige, Inoorogo piyaawak nduk, wogorage, Eerigin o.

Yetaya 42:15

An nen puut-puut tiyarogon inom, teberogon inom, nggween mbuk eerogo pege, Iri'ngga-kale'ngga wonage nogo teebat eerogo pege, Niyo nage abok aret owak eerogo pege logonet, nggween kin eerogo pege, Yilaa'nggun yenggenak nogo poronogo pege, Eerigin o.

Yetaya 5:6

Neyabu anggur awi yarak nogo anggup mbanogo nagabit nage, mogot mbanogo pit nage, Eerigin lek nggween nggwi-nggwi mban eerogo piminggirak me, Nggonggoondu penggaarogo pege, alok-palok mban lagangge, Ndugwi nen o mayu wuppi wage kero, Mage, yoriminggirak me, nggween mbuk age, Eerigin o,” Yegerak me, yokkiragi.

Yeremiya 4:7

At singa kwak kiraarak menggim nen wundi wage, Yi aakumi ndi aakumi lek eerogo piiga nogo wage, Kinanggween kugume eerogo pikit nduk at wonage menggim nen wage, eeke me, Kinawi kota-kota nogo aakumi lek me yigirik-noonom aago logowak nduk, eerogo pi woraagin o.

Yeremiya 40:15

Abet mbaka'lek mbareegi, aap Kareya aput Yokanan nogo nen aap Nggeraliya o Mitapa wonage me kote yoge logonet, “Kat koorogo pagage kenok, it aakumi Yakuri mendek abok aret kowagam kuwak ari wagaarak wonogwe nogo ma'nogwe, ndi, it Yekura mendek eegu yumbunik nogo lek ogwe, eerukwak me, an nen aakumi abu ineenggo'lek iigak, kote aret aap Netaniya aput Itimayen ti warogo pi naakit nduk yu o.”

Yeremiya 50:17

“Singa nen ndomba mappiigaatak inalitak mak aago nugu mengga kwak, Iterali togop aret mappiigo logonet, Aa'nduk it Atiyut mendek inowe endagembogut nen ambeme yonggorinake, Ti'nuk, yogondak yi, it Mbaben mendek inowe endagembogut Nebukanetat nen inowak nenenogo nengge, Eereegwaarak,” yegerak o.

Yeremiya 51:34

Aakumi Mbaben mendek inowe endagembogut Nebukanetat nen ambeme yonggo'ninake, Mak eerogo pinanege, Niyo toolak porok togon nunggwi kwak eerogo pinanege, Waalo tinambe nen yonggorinake menggi kwak, nit yonggo'ninake, Waalo ombat abe kenok ndonggorogon nenok, kilirogo pege menggi kwak togop aret eerogo pinanege, Eereegerak me,

Yeremiya 9:16

It inom, inombomini inom, aakumi abu ineenggo'lek mendek ineenggime mak eerogo piige, ineebe inooruwak nduk, nappiya woraminggirak muguren nogwe iigak, an nen inenggaawak lek eerogo piige, eerigin,” yegerak o.

Yetikiyen 12:20

It aakumi time wonogo menggam o kota-kota nogo yigirogo pugwi, o ti, yi oone ndi oone lek logowak nduk, eerogo pugwi, eekwi iinok, Nalik Ku ALA an aret ineenu arugun o,” yinuk, yo'nereegerak.

Yetikiyen 24:11

Eeke logomenggerik, togolowak yonggolak lek we kani anggen paga lunogo puwak o. Kani paga lunogo pemenggerak eyak nen mbuti kwindagala eerogo pege logonet, Togolowak mbuti paga ogobakkigirik enggela'me mbuti lek alik mendek ambi wonage kero kani nengge, Ndi, mili-mili lengge aago wonage nogo lek age, eeruwak o.

Yetikiyen 35:14

Naruk koneneegirak me, at paga yi oone lek ndi oone lek o wogo eeppege neegak, aakumi o nggween paga wonogwe abok aret inale'nggen mbarugun o. It Iterali menggam yate kwak iniki kundugu nogo, yi oone lek ndi oone lek o wogo eerogo pege neenok, at ale'nggen mbareegerak me, at Teyit togop aret eerogo pigin o. Puut Teyit ti inom, o Erom abok aret inom, yi oone lek ndi oone lek o wogo eerogo pege neenok, Naliku ALA an aret ineenu arugun o,” yinuk, Aliku Itok Menggerak ALA nen aret yegerak me, kat puut Teyit aret yokkigi o, yoreegirak.

Yetikiyen 5:14

Kota Yerutalem ti, yigirik-noonom eerogo pege, yi aakumi ndi aakumi at enaagan-ambokan wonage nogo, tu ti paga nogo logonet, eeriminggirak inigen kenok, Yogobi ariyak kagak wonagaarak, ha! yinuk, yogo logowak nduk eeppiige, eerigin o.

Yetikiyen 5:2

Mogonogo punuk, o kota oba kwi'nari ungguurak wakkagak eeke logonet, Nogo ndogop yuurak o, yugu nogo abu aret age kenok, keeruwak mbanak ambi mogonak nogo, o kota ogut eerak eraanu kani kungge, ambi mogonak nogo, o kota enaagan-ambokan waruk ti paga mbanogo wuppit nage, ndi, ambi mogonak nogo, o wiya wage paga mak eerogo nappege, eerumunggun o. Ndi, o wiya wage paga mak eerogo nappemenggendak nogo, an nen wooluwak nutik muguren nage logogin o.

Yetikiyen 6:14

An neenggi omaawi paga it tebenogo piige, ndi, it wonogo menggam abok aret inanggween o karume panggombunuk nok, o Eribila kuli yi oone ndi oone lek eerogo pege, eerigin o. Eeke neenok, Naliku ALA an aret ineenu arugun o,” yinuk, an yo'negerak me, yokkiragi o, yoragagirak.

Yetikiyen 6:6

Puut-puut ti paga kota-kota wurik wonage nogo yigirik-noonom eerogo pege, warogo wogogak wurit laganeegwaarak nogo minogo pege, eerigin me, inagugi inake warogo wogogo menggam it paga wurik nogo yigi'nage logonet, yi oone ndi oone lek age, it paga inagugi ogut eerak wonage nogo, kalenak-pugunik nage logonet, maluk aret age, it paga obari abe kaga kani kunggo menggam wurik nogo mi-mi wangge, it paga eerogo pit nogogwaarak nogo abok aret lek age, eerigin o.

Yetikiyen 7:12

Ti eeppiyoorak eyom ari wage, eeginaburak ne abu koonak nogo panggo ari, eeke agaarik o. Maluk onggo Naliku ALA nanini aakumi abok aret inoba kwippiyaakit nduk eeke me, it aakumi inoona kunggologwe nogo iniki ale'nggen mbakwi, ndi, aakumi kunggolaawak nduk, inamendek porogo wonogwe nen iniki wakkologwe, eerugwaarik o.

Yetikiyen 7:14

Nanini it abok inoba piyoorak koonak nogo muk ari wagaarak me, wim inom eeruwok nduk oone nggwok eeka trompet nogo oone pu eekwi, yi mendek ndi mendek wim eekak pipuk eekwi, eeremenggaarak kwe, aap ambit iluk ambi wim eeri unggugun mondok lek aret o,” yinuk, yegerak me, yoragagirak.

Nakum 1:5

At wage kagak puut-puut na'ndo-wa'ndo eeke, Puut-puut teberogon amburu tigi-tigi wundit nage logonet lek age, At wage kagak o nggween inom, yi mendek ndi mendek nggween paga wonage nogo abok aret inom, inaganak wake, Eeke kagak,

Nakum 2:10

O Niniwe amindik-amendek abe pugu nogo waganggwi, O wogo eerogo pugwi, Yarak alom kinogo nappit nogwe, Eekwi iinok, Iniki ma'nage, iniyok yandek-yandek eekwi, Inaganak wake, Inagap nggilaame nik togon eerogo piige, Eekwi iigirak o.

Lukat 21:24

Ando tege wooluwak paga inookwi iinok kanggwi, ando keele maarogo yi aakumi ndi aakumi inawi lombok time piya nogwe, eerugun o. Ndi, at Ala nen, It aakumi endekem mendek unde iigak, Tahun ndogop eeko logogun o, mbareegerak nogo a'me lik yega'lek kagak, it aakumi endekem mendek nen o Yerutalem iniyok aan lebenogo pit nogo logogun o,” yinuk, yoragagerak.

Nappiigak 17:6

it imbirak ineebe lek mbareegwa, at Yaton inom, ninoreewi ando inom, nigiren inoweewi o kota unde inowagam piya nogogwaarak. Piya nogo nogogwaarik, it yorogo logonet, “O yi awi ndi awi abok aret piyaginabit nugu menggaarak nogo, ineebe yime wagaarak me,

Pelaareegerak 28:64

At Aliku ALA nen kit o nggween alom me nen nggween irip me yi aakumi ndi aakumi wonogwe inenggela'me time mak eerogo nappinagamenggerak time wonogo logonet, kit inom, kinombomini inom, kugi kineenggo'lek mendek ogut eyo paga a, yugum paga a, ogobakkigirogo Ala obaane'me mippogo logomonggotik, alut eeko logomunggup o.

Pelaareegerak 32:26

An Ala nen, It mak eerogo piige, Aakumi inenggela'me inendage aberak logokwak, kobak eerogo piige, Eerigin, yereegirak kwe,

Pelaareegerak 4:27

At Aliku ALA nen aakumi inanebunu alik mendek inenggela'me logomunggup nduk, mak eerogo pinagamenggerak inenggela'me wonogo logonet, it ando kambit nogwe iigak, kit ando mbereeluk mban kineenik aret logomunggup o.

Yakobut 1:1

Kit Yakuri kinanebunu 12 mendek yi o ndi o mbaganit nogogutak nogo, an Yakobut nen ninogoba Ala ninowe Yetut Keritut imbirak inayeloman logonet, keyage wappinagagi o.