Yetaya 23:4 - Ala Wone Peenok Peebi Mbanak

⁴ It o Tiron mendek ti, It mulunogo piiga laut nen wone ambi yegerak me, inenggali aruwak o. Niyo nggwok yenggenak laut nogo nen ari logonet, An nen yagan wake logonet, elege ndaganake, an nen wologwe inom, komologwe inom, tawe eeginake, Eekeelik kagi, yegerak o.

Yetaya 23:4 ပူးပေါင်းရင်းမြစ်များ

Wakkagagerak 10:15

Ndi, aap Kanan nogo nen apuluk manggu Tiron aret ndake, ti'nuk, Ket ndake, eereegerak.

Wakkagagerak 10:19

inanggween nogo ti, o Tiron nen o Nggerat pa'nggwe Nggata kuli inom, ndi, o Torom, Nggomora, Arama, Teboyim pa'nggwe o Lata kuli inom, aret unde eekkologogwaarak.

Yeremiya 25:22

it o Tirut-Tiron inoweewi inendagembogut inom, niyo kole yenggenak laut enebaga yi aa'nggi paga wonogwe inoweewi inendagembogut inom,

Yeremiya 27:3

Pake logomenggendik, inawuri aap Yekura inowe endagembogut Terekiya o Yerutalem wonage me, ka wogogwaarak nogo nen wone wonok it inoweewi lombok inendagembogut Erom mendek inom, Mowap mendek inom, Amon mendek inom, Tirut mendek inom, Tiron mendek inom, wonogwe me yora nawak nduk, wone tugunogo nappiyet o.

Yetikiyen 28:21

“Aakumi nen ndarak yi wae. Kat kena o Tiron paga na'na'nuk, at eeppuurak

Yetikiyen 28:22

Aliku Itok Menggerak ALA nen yegerak nogo yi o, yinuk, yoriyak nogo yi aret. O Tiron ti, an nimbirak ogoorak wonage me, It at enggela'me time wonogwe nogo nendage tiyanak neyaawak nduk, eeppiyaagin o. At maluk eereegerak onggo eeppege, Ndi, it at enggela'me wonogwe nogo nen an kikak nakeelik alik leenak minggirak neyaawak nduk, eeppiige, eeke neenok, Naliku ALA an aret ineenu arugun o.

Yotuwa 11:8

at Aliku ALA nen aakumi nogo inooruwak nduk, it Iterali wogorage mbareegi, mondok nappiigak-wappiigak inoorit o endage Tiron-Nggwok nen, nok-nok nappiigak-wappiigak aganabit o Miterepot-Mayim nen inoorit o kobappaga endage Mitapa oonegen lagi wage menggim pa'nggwe nogome kuli aret piya nogogwaarak. It aap aago wogogwaarak nogo ineenik ambi teppiyoolik tigitogon aret kalirubu pup agago inooreegwaarak.

Owak Loongga 10:6

It aakumi Iterali nogo at Aliku ALA enegen kagak, maluk ambinom eeko logonet, kugi Mba'an inom, kugigwe Atitoret inom, aakumi Aram mendek inagugi inom, aakumi Tiron mendek inagugi inom, aakumi Mowap mendek inagugi inom, aakumi Amon mendek inagugi inom, aakumi Pilitin mendek inagugi inom, apit aret Ala obaane'me mippunuk, inayuk wuko logonet, mugurok nogo nogogwaarak. At Aliku ALA nogo mugurok naga'lek, inambokan monogo punuk, wonogo mbareegwa,