Yetaya 23:2 - Ala Wone Peenok Peebi Mbanak

² It inawi niyo aa'nggi paga menggaarak inom, It yiiro wonok nega nen ineenggi warak eeppiyoorak yi mendek ndi mendek kungga o Tiron mendek inom, nogo ti, Iniki aaninggin nen inoone lek puk logowak o.

Yetaya 23:2 ပူးပေါင်းရင်းမြစ်များ

Ndawi 46:10

Togop me, at Ala nen ari logonet, “An Ala aret kineenu arubagip nduk, Kinabulok lek puk logonip o. Yi aakumi ndi aakumi inenggela'me nendage tiyak ari, O nggween paga yime nendage nggwok age, Eerigin o,” Yinuk, yereegerak o.

Yetaya 41:1

“Kit o irip-irip nggween ku'mbanak lombok monggotak yi wae. Kinoone ugun-ugun yaga'lek kinaruk mban konenggo logonip o. Kiniki aaninggin wonogwe nogo tayok yuwak nduk, Kinanebunu lombok kiniki ambit eeppunuk wone koonogo pugwi, An yo'nirubagip nduk, nowagam wogwe, Eekwi kiinok, Aakumi inowak loonggo menggam kuwak eeppunuk, ninom wone amburu mbanuwok o.”

Yetaya 47:5

Ala nen ari logonet, “It Mbaben mendek inaagaluk kat yi wae. Koone ambi yaga'lek kwi'nage, Koone lek aret o akem yumaak aago me time unggwi nage, Eeru o. Yi aap ndi aap inabu'me piigo menggam unde ninagalo kwe nggwok kat yi aret o, Yinuk, ambinom yokkogo logogun lek o.

Yetikiyen 28:2

“Aakumi nen ndarak yi wae. At Aliku Itok Menggerak ALA yegerak nogo yi o, yinuk, aap endagembogut Tirut mendek yoriyak nogo yi aret. At iniki tiyappake logonet, An ti, Ala kwak aret o. An nen niyo laut oolome Ala kwak logonet, wone lengganogo yorage minggim kwi'ndak wonage, ari menggerak o. An niniki warak at Ala kwak wonage, mbake menggerak kwe, at nogo ti, an Ala kwak lek aakumi aret kagak ari menggerak o.

Yetikiyen 28:21

“Aakumi nen ndarak yi wae. Kat kena o Tiron paga na'na'nuk, at eeppuurak

Abakuk 2:20

Togop kwe, at Aliku ALA perak, at awi wurik abu alik leenak menggim time wonage me, Kit aakumi nggween paga wonogwe abok aret at enggaanom paga kinoone lek puk aret logonip o.