Yetaya 23:1 - Ala Wone Peenok Peebi Mbanak

¹ Aakumi Tirut mendek eeppiyoorak abinggaanggo paga Ala nen yoreegerak nogo yi aret. “It yiiro o Taritit nen wonok waga ti, Yiiro paga iname o Tirut wogwe me, aakumi nen, Wologwe! O kota Tirut nogo lek eerogo pogo logonet, kinawi wurik inom, kinayiiro paga yinggak-unggwagak eeko monggo'nom inom, lek aga o, yinuk, O Kitim nen konenggaarak nogo ti, abet aret me, inale yikkologo logowak o.

Yetaya 23:1 ပူးပေါင်းရင်းမြစ်များ

Wakkagagerak 10:4

Ndi, aap Yawan apuri ti, Elita inom, Taritit inom, Kitim inom, Ororanim inom, ndaganabeegerak.

1 Endagembogut 10:22

At endagembogut Talomo inom, at aap Kiram inom, yi mendek ndi mendek kunik wonok nagak-wagak eekak yuurak inayiiro ambik wonagagerak me, inayiiro nogo wonok wundi nogo nagaatik, mbuti emas inom, perak inom, gajah eyak inom, kera inom, towe yaawi inom, kunogo yiiro paga manabit nugwi iigak, tahun kenagan eeppunuk, wonok wagak eeko nogogwaarak.

1 Endagembogut 22:48

Ndi, o Erom nogome inowe endagembogut ambi logolik aret me, aap wone koongga inowe ambi nen inowe endagembogut negen a'nuk, inarum wonagagerak.

1 Endagembogut 5:1

It aakumi o Tirut mendek inowe endagembogut Kiram nen Ndawut imbirak iniki kunik wonagagerak me, “At Talomo nogo ogoba Ndawut obaane'me endagembogut logowak nduk, amburu eerogo mippegaarak o,” yogwe nogo aruk konengge nagagerik, awuri inom eeko menggaarak nogo, Talomo wonage me nappiya wagagerak.

2 Mbinineegwaarak 9:21

At endagembogut Talomo nogo, yi mendek ndi mendek kunik wonok nagak-wagak eekak yuurak ayiiro ambik wonagagerak me, ayiiro ti, aap Kiram apuri nen wonok wundi nogo nagaatik, mbuti emas inom, perak inom, gajah eyak inom, kera inom, towe yaawi inom, kunogo yiiro paga manabit nugwi iigak, tahun kenagan eeppunuk, wonok wagak eeko nogogwaarak.

Ndawi 48:7

Oonegen lagi wage menggim pa'nggwe nen O wiya wage logonet, yi yiiro ndi yiiro o Taritit wonage nogo Telenogo mappege menggi kwak, At nen togop aret eerinabeegerak o.

Yetaya 15:8

Pi wunda nogo logonet, inoone ya-kwa yogwe nogo, o Mowap enaagan-ambokan nogome abok aret konenggwi, Leenggu maakwi nogo it Ekelayim mendek kuli konenggwi, Ndogop eeppinanega o, yinuk, yogwe nogo, o Mbet-Elim kuli inaruk konenit nogwe, Eeko agaarik o.

Yetaya 2:16

Yiiro yo'nggok o Taritit mendek inom, yiiro abu abe ogobakkigirik abok inom, niyo inikime tebenogo pege,

Yetaya 23:12

O kota Tiron Aagalukwe Aap Kigin Waka'lek tebenak wonage ti, O time ale'nggen paga ugun-ugun eerit nage nagaarak nogo lek agaarak o. Lek agaarak me, aret pipuk eekko'nok, o Kitim time nawak o. Time namenggerak kwe, time kunduk ale'nggen kage logogin lek aret o.

Yetaya 23:6

It inawi niyo aa'nggi paga menggaarak ti, Inale yikko'net mbet-mbet o Taritit nawak o.

Yetaya 24:10

O kota ti, maluk eerogo pit nagaarak wonage, Inawi lombok tu omaawi narogo pit nagaarak wonage, Eerak kagarak o.

Yetaya 60:9

It aakumi niyo oolo ku'mbanak paga wonogwe nogo, an ari neyo mban abet aret to'neego agaarik o. An ari neenok, yi yiiro ndi yiiro Taritit mendek nen mbuti perak mbuti emas wonok wogo menggaarak me, wonok wogo logonet, At aagalogwe o nda nen inaa'nduk wogoren wogwe, At mondok tiyanak ayuk warak eerogo pereegirak me, An Kikak Nakeelik Nalik Leenak Iterali inogoba Naliku Ala nayuk wuko logonet, iri wogwe, Eeko logogun o.

Yeremiya 2:10

“Kugi alut eekwi ti, abe lek kagak eekwi kwe, Ndi, it aakumi inanebunu ambi nen inagugi alut eeko menggaarak mbo punuk, obaane'me aakumi alik ambi inagugi woppunuk alut eekwi lek kwe, Eekwi ambi wonogwe iyo, It nen niyo aa'nggi enebaga o Kitim wunda nanuk, aakumi time mendek yorogwe, It o Kerat mendek eekwi liippiyaawak nduk, inawuri nappiigwi, Eeruwak o. Togop eekwi iyaagun lek aret kwe, it an napuri perak, inogoba abu tiyanak minggirak an nogo mbo paninuk, Abe mendek lek kagak nobaane'me mippunuk, ayuk wuko agaarik o.

Yeremiya 25:15

Iterali inogoba Aliku Ala nen an yo'nege kagarak nogo yi aret. “An nanini mbake niyoowak anggur amburu toolak kwak neenggime wonage yi, wagangge logomenggendik, wonok it aakumi inanebunu lombok wonogwe me, nappagaminggirak nanuk it abok aret nawak nduk, wogoraanu o.

Yeremiya 25:22

it o Tirut-Tiron inoweewi inendagembogut inom, niyo kole yenggenak laut enebaga yi aa'nggi paga wonogwe inoweewi inendagembogut inom,

Yetikiyen 26:1

Wo'niren pinani wogogwaarak wonogwe niigak, tahun 10 eeppunuk, ambi eerak tut awo penenak tanggal 1 tut ti paga Aliku ALA nen an yo'nege logonet,

Yetikiyen 26:2

“Aakumi nen ndarak yi wae. O kota Tirut nen o Yerutalem abok mbangge logonet, Yi aakumi ndi aakumi yinggwi-unggwogwe eeko menggam kota Yerutalem ti, abu yigirik-noonom agaarak wonage me, yogondak tu an paga wogo logogun o. At yinik-minik eerak wonage kagak, an perak, iya lombok arigin o, yinuk, yereegerak me,

Yetikiyen 27:30

Inoone nggwok paga le yogwe, Yi eekerak nineebi o, yinuk, yogwe, Liirubu inanobak paga yumbunogo pakwi, wun inikime nden-wan yogwe,

Yetikiyen 27:6

Eyo teno o Mbatan mendek paga niyo alelo mbanggak tabonogo pugwi, Eyo ndiindi o Kitim ogobak mbanik aa'nggi paga nen at andik ndoonogo punuk, gajah eyak enggela'me nabenogo pit nogwe,

Ndaniyen 11:30

Ata, at inom wim eeriyak yi yiiro ndi yiiro o Kitim nen ambik aret wogo mbaremengga, agabiti nen omanggen tayok yinuk, at ame iyokan aret woraagin o. Ndi, wage logonet, aakumi Ala inom wone abuk nggaruk togon koonogo pereegerak alik leenak eerit nugwi nogo, at eebi lombok inombake me, anini mi'nage logonet, maluk eerogo piinok ame woraagin o. Ame woraanuk, ti'nuk, iyokan nage logomenggerik, it aakumi Ala inom wone abuk nggaruk togon koonogo pereegerak alik leenak eerit nugwi nogo, eeka'lek mbo pugwi iinok, at nen liippiinok, obeelom eerogo piyaagin o.

Yunut 1:3

Yoreegerak kwe, at Yunut nogo, “Aliku ALA nen ambinom, Nak, yo'nirukwak,” mba'nuk, kole mbaganit o Taritit naakit nduk, o Yope wambi nage nagagerik, o time nen yiiro ambi o Taritit noorak nduk eeke kwaakkage nagagerik, “Aliku ALA kwaa'neege kero,” yinuk, o Taritit noorak onggo pege nagagerik, yiiro nogo paga lagi nanuk, it o Taritit nogwe nogo, inom aret nggarek yereegerak.

Linggineegwaarak 24:24

O Kitim laut aa'nggi paga nen yiiro-ndiiro aago woraagun o. Wogo logomenggaarik, It aakumi Atiyut mendek inom, Kebet mendek inom, tebenogo piya woraagun o. Tebenogo piigwi iinok, it Kitim mendek kunduk lek aret arugun o.”

Lukat 10:13

Wone ambinom yorage logonet, “It aakumi Koratim mendek ti, inabuwa o! It aakumi Mbetayira mendek ti, inabuwa o! Eerubok mendek iname eeke kagaarak nogo, o Tirut Tiron time eeke logonetak en, it aakumi time mendek nen kwi'na'nuk inayum maluk yikkologwe, purok inagabolo paga yikut eerogo pakwi, eeko logonet, inomaluk maan mbo penetak o.

Yotuwa 19:29

Ti'nuk, o Tiron Nggwok paga nen ena yunggunogo o Arama ari nanuk, time nen o kota yugum pak wurik o Tirut nen nugwa, ena yomonogo kota endage Kota nen nok, irip niyo kole yenggenak Laut Tengah paga warak wonagagerak. It Atet inanggween wogorage logonet, kota 22 inom, kota-kota ti, enaagan-ambokan yaga'lelo mbuulogwe inom, kologogwaarak ando endage ti, Makalap, Akitip, Uma, Apek, Epekop nogo aret o.