Yetaya 22:11 - Ala Wone Peenok Peebi Mbanak

¹¹ Ndi, pak wurik agi-ogu kagak niyo oolo time nappunuk, niyo aa'nduk narak nogome nen mbininogo mambugwi, Eekwi iigirak kwe, Ti eeriyak eeginabeegerak nogo, “At nen aret yeenggwa nirage,” yinuk, an pe'neegwi, Eeppiyoorak koonogo pereegirak nogo liipppanugwi, Eeka'lek aret iigirak o.

Yetaya 22:11 ပူးပေါင်းရင်းမြစ်များ

2 Endagembogut 20:20

At Kitikiya nogo endagembogut a'nuk, wone lengganogo yorage logonet eeke nagagerak inom, eeke paga endage nggwok agagerak inom, ndi, niyo narogo pereegerak inom, niyo nage logorak yugum eno pelenogo pit nagagi-nagagi o kota manabi wagagerak inom, ando abok ti, aap Yekura inoweewi inendagembogut eeko nogogwaarak liiru mbanak paga, inom mbanak wonage nogo lek a?

2 Endagembogut 25:4

Aganake mbareegi, it aap Yekura ineegin warak abok aret oonikiya it aap Mbaben mendek o kota wanggeppiinok wonogwe iigak, o kota yugum pak wurik nogo, eno pelembunuk, aap endagembogut eyabu yarak me koorok owa'nagat peenok-peenok wurik kagak, oolo tu unggwogo menggam nogo paga wundi nogo nogogwaarik, kole mbaganit o Araba niyo Yoraran kobappaga ari nawok nduk nogwe me,

2 Mbinineegwaarak 6:6

yogondak perak, nendage ki logowam kota Yerutalem aret leenogo pege, ndi, napuri Iterali inarum logowak nduk, at Ndawut aret leenogo mippege, eereegirak o, yinuk, yereegerak nogo o.

Nekemiya 3:16

at eeke nogo panggombunuk, aap o Mbet-Tut abeenok unde inowe aap Atubuk aput Nekemiya nen wurit nok, Ndawut kambeegerak pi unggwogogwam nakkandigin niyo narogo pereegwam inom, it aap wim wakaa'ngget inawi wonogogwam inom, kuli wurogo pi nage, eereegwaarak.

Yetaya 17:7

Ti eyom paga yeenggwaaraawak nduk, it aakumi nen Ineenggi paga ogobakkigirogo pereegwaarak inagugi inake warogo wogorogo menggam inigen pekkogwe, Inagugigwe Atiyera ageyo yinogo mippugu nogo ayuk wukwi, Obari abe kaga kani kunggo logowam ineenggi paga ogobakkigirik nogome kani kunggwi, Eerugun lek o. Ata, at ogobakkigirogo piyareegerak nogo inigen pekkogwe, At Kikak Nakeelik Alik Leenak Iterali inogoba liippugwi, Eeko logogun o.

Yetaya 22:10

O kota Yerutalem o wurik nogo apit aret ineenggi lingginogo punuk, Ando mimbunuk pak wurik mi-mi aago nogo omaawi eerogo pugwi,

Yetaya 31:1

It aakumi iniki at Kikak Nakeelik Alik Leenak Iterali inogoba nogo oba panggombugwi, “Aliku ALA yeenggwa niraawak o,” yinuk, nggino yogwi, Eeka'lek, “It Metit mendek nen yeenggwa niraawak o,” yinuk, o Metit nogwe, “It inaguda paga iniki panggombugwi, Inanggweendo ambik wonage paga panggombugwi, Kuda paga kwi'na'nuk wim eeka inomaawi ambik o,” yinuk, inoba panggombiigwi, Eekwi nogo, inabuwa o.

Yetaya 37:26

At eerit nage ti, awo eeka'lek kagak maan togon Aliku ALA nen punogo piige, O aa'nduk togon at eeke logorak koonogo piige, Eereegerak kwe, At liippega'lek agaarik ya? Aliku ALA nen koonogo pereegerak ti, O yogondak aret a'me nggelok ari logonet, Kota-kota yugum pak wurik me Langgunogo pegerak kalo logonak wonage,

Yetaya 7:3

Inaganak wake kagak, at Aliku ALA nen Yetaya yoge logonet, “Kat kaput Tiyeyat-Yatiyup wonok tu Yum Kooko Menggam nogo menggam niyo yenggenak irimbaga niyo mbininik irip me time aap Akat kinom lambuni nak o.

Yetaya 8:17

At apuri Yakup paga wiganak nen enete kogwe iyo, kumaappatinuk wonage Aliku ALA nogo an tokkage, Niniki at paga panggonak wonage, Eeke agarik o.

Yeremiya 39:4

Kwi'nari unggwogwe nogo aap Yekura inowe endagembogut Terekiya awuri ineegin warak abok aret inom nen inigen iigo nogogwaarik, oonikiya ti paga o kota nogo teppunuk, tu aap endagembogut eyabu yarak me owa'nagat peenok-peenok wurik kagak oolo tu unggwogo menggam nogo paga wundi nanuk, kole mbaganit o Araba niyo Yoreran kobappaga ari nawok nduk, nogwe me,

Mika 7:7

Togop aret kwe, an nogo, an nen at Ala yoge nogo aruk konenigin me, Aliku ALA yeenggwa niri wage kero, nenegen wonage, Niniki lunik nagap ndaka ninogoba Ala nogo neya wage kero, tokkage, Eeke agarik o.