Yetaya 21:8 - Ala Wone Peenok Peebi Mbanak

⁸ Yo'nege mbaki, nappigirak nggayo paga enegen wonage nogo nen oone nggwok paga ari logonet, “Nogoba o. Wim wogwe iyo, o liingge kulinik-kalinik nggayo ndoonak paga nenegen a lagangge, Oonikiya ko'lu-kii'me wu nogo yega'lek nenegen mban wonage, Eeke logonet, Ambi wogwe nenegen iigeelik kwe,

Yetaya 21:8 ပူးပေါင်းရင်းမြစ်များ

2 Mbinineegwaarak 20:24

Lek eerogo pateegwaarak wonogwe iigak, it wim eeka Yekura mendek nogo puut aanenggen me lagi nanuk, karume na'nogo menggam nen inigen wuriigo nogogwaarik, it inawim alik negen aago nogo ineebe ineenik ambi wonogwe lek tigitogon kambak nggween paga ngginik wonogwe iyareegwaarak.

Ndawi 127:1

Aliku ALA nen o wuriyak mbaka'lek kagak, It aap o wuka nen o wukwi nogo Aanom warogo wuko menggaarak o. Aliku ALA nen o kota arum wonageelik kenok, It aap o arum waka nogo, We aanom warogo aret tum menggaarak o.

Ndawi 63:6

Oonikiya at ambi tum wakak eekwi iigak, An nogo yege minggim winnage nagatik, koba abeke, Ninikime nen kat kabok mbininit nage, Eeke minggirak o.

Yetaya 5:29

Singa oone kole ari menggi kwak inoone ya-mba agan wogwe, Singa awooluk inoone nggwok yu-ku yogo mengga kwak agan wogwe, It noorak ineyak nggeronggogo logonet, inogomut oone yogo mengga kwak yogwe, Waketak nogo eyak me nggereninuk nage me, ndiniyak meek menggi kwak eerak nogwe, Eerugun o.

Yetaya 56:10

Iterali inarum waka nogo ti, inigen mbuk kwak wonogwe, Yi wone ndi wone ineenggo'lek wonogwe, Nggeewo nggwak yogolik iniki apit mengga kwak wonogwe, Nogo yuurak inikilom nen nogo yit nugwi, inabi mban kanet nogwe, Eeko menggaarak.

Yetaya 62:6

Kat Yerutalem yi wae. Kobak wurik paga aap tum logowak nduk piigirak me, It nen liingge inom, oonikiya inom, tum wako logonet, inoone lek puk logogun lek o. Aliku ALA o Tiyon eeppuurak yegerak aberogo yoga kit yi wae. Kurumbi yoraga'lek ugun puk logorak mage o.

Yeremiya 25:38

It tebenogo piiga nen wooluwak paga inoorit unggwogwe, Aliku ALA anini kani kunik negen inoba piinet nage, Eeremenggaarak paga Inanggween abu mbuk aremenggerak me, At singa wonage menggim nen mbo punuk, mbagangge menggi kwak, Aliku ALA nen togop aret eerigin o.

Yeremiya 4:7

At singa kwak kiraarak menggim nen wundi wage, Yi aakumi ndi aakumi lek eerogo piiga nogo wage, Kinanggween kugume eerogo pikit nduk at wonage menggim nen wage, eeke me, Kinawi kota-kota nogo aakumi lek me yigirik-noonom aago logowak nduk, eerogo pi woraagin o.

Yeremiya 49:19

“Singa Yoreran ndirok eyoongga ku'mbanak me nen wundi woraanuk, Ndomba anggenogo omaawi wurik kagak obaga mbo unggwage menggi kwak, An pilak ari logonet, it o Erom wonogwe nogo yini-panip wumbiyaagin o. Wumbiige logominggirik, aap ambi leenogo mippiminggirak wone lengganogo yorage logogin me, Ta nen an nimbirak ndak-ndak me, nimbirak wakkage, Kat ti, nonggop nduk eekendak o? yinuk, ta nen an yo'nege, Ndi, it ndomba ndegeninaka ambi ta nen an eeriyak mbake nogo non mbanogo pege, Eeriyak mbakop? Mondok lek aret,” yegerak o.

Yeremiya 50:44

Singa niyo Yoreran ndirok eyoongga ku'mbanak me nen wundi woraanuk, Ndomba anggenogo omaawi wurik kagak obaga mbo unggwage menggi kwak, An pilak ari logonet, it o Mbaben wonogwe nogo yini-panip wumbiyaagin o. Wumbiige logominggirik, aap ambi leenogo mippiminggirak wone lengganogo yorage logogin me, Ta nen an nimbirak ndak-ndak me, nimbirak wakkage, Kat ti, nonggop nduk eekendak o? yinuk, ta nen an yo'nege, Ndi, it ndomba ndegeninaka ambi ta nen an eeriyak mbake nogo non mbanogo pege, Eerigin mbakop? Mondok lek aret,” yegerak o.

1 Peterut 5:8

Kit kinom ogoorak monggotak Tile nogo nen maluk eekkinabikit nduk, nggeewo anini warak pogom nibingginaburak eyak nde agan kwaakkinabit nege me, kit mondok kiniki warak a'nuk, kinagaket paga logonet, tum wakkologo logonip o.