Yetaya 21:2 - Ala Wone Peenok Peebi Mbanak

² Nagabiti mbariyak mendek nabinggaanggo paga yo'negerak yi aret o. Nggaganagalo nen kurumbi wonok nage, Kugun wagangga nen kugun wonok nage, Eeke kagarak o. Aliku ALA nen, “Kit wim nambuka Elam mendek yi wae! Wim eeri unggwogwe, Kit kineegin warak Marayi mendek yi wae! Inawi paga kwi'nari unggwogwe, Ee'nip o! It Mbaben mendek nen aakumi tebenogo piigwi iinok, inoone, Ai-ao, yogwe nogo, An lek eerogo pigin o,” yinuk, yorage kagarak o.

Yetaya 21:2 ပူးပေါင်းရင်းမြစ်များ

Wakkagagerak 10:22

Tem apuri ti, Elam, Atiyut, Arapakatat, Luri, Aram, aret ndaganabeegerak.

2 Endagembogut 17:6

Aap Koteya endagembogut wonage kagak, tahun 8 eeppunuk, ambi age paga aap endagembogut Atiyut mendek nen o kota Tamariya tebenogo piinok, aakumi Iterali mendek ando wogoren, o Atiyut piya nage nagagerik, o Kala inom, niyo Kabot aa'nggi paga o kota Nggotan inom, it aap Marayi menggam o kota-kota inom, oone omaawi paga, “O yime aret logonip o,” yinuk, yoragagerak.

Ndawi 119:158

It aap koone ineebi mbaka nen Koone yugu porogo logonet eekulik iinok, Nenegen pegiyoorak neebi mbake minggirak o.

Ndawi 12:5

Kaliku ALA nen ari logonet, “It aap meek mendek tebenogo piigwi, It ineenggi lek nen, Yogop eeppinanuwak lak, ao, yinuk, iniki wakkologwe, Eekwi iinok, An pilak ari logonet, Ndogop eeppinanuwak lak, ao, nombakwi nogo, Inagap ndarogo piyaagin,” yereegindak me,

Ndawi 25:3

“At nen aret yeenggwa niraagin o,” yinuk, Iniki kat paga lunik wonogwe iinok, inenggali arugun lek kwe, Alom lek kagak aap maluk eeppiyoorak kote negen koonggwi iinok perak, Inenggali arugun o.

Ndawi 60:3

Nit kat kapuri nogo Aaninggin mondok iya lombok kaawok nduk eeppinanege, Anggur amburu omaawi mendek neenok, Inambuluk piige menggi kwak, Nit togop aret eerogo pinanege, Eekendak o.

Ndawi 79:11

It aap keele maarak logonet, Iniki nggilu yogwe wonogwe nogo liippiige, It kambuwak nduk koonogo pugu nogo, Kat keenggi omaawi paga inagap ndake menggendak ndak-ndak inili ari, Eeke logot o.

Kini Wuppiige 13:15

Aap iniki warak abe ti, aakumi inikilom mbako menggaarak kwe, Aap wone yugu liippugulik kenok perak, aakumi inoone maluk inoba piigo menggaarak.

Yetaya 11:11

Ne ti eyom paga ninogoba Ala nen at apuri eegu yumbunik o Atiyut nen, o Metit agi-ogu nen, o Kuti nen, o Elam nen, o Mbaben nen, o Kamat nen, niyo laut oolo ku'mbanak paga wonogwe nen, abok aret aa'nduk eereegi kwak, ne ambi eenggi omaawi paga wondet eerogo piinok, iniyokan iname piya woraagin o.

Yetaya 14:4

aap o Mbaben inowe endagembogut miyuk-meya eerogo pogo logonet, “Aakumi tebenogo piiga yi, koone lek eerogo pagage, Aap iniki worokot yi, komanggen tayenogo pagage, Eekerak me, kenggali o.

Yetaya 14:7

Togop eekerak me, it aakumi nggween paga wonogwe abok aret iniki kwi'nogwe, Iniki ugun tayenak logonet inale'nggen mbakwi, Ale'nggen inikime nggelok ari kenok ndawi wakwi, Eeko agaarik o.

Yetaya 22:6

Ti eeriyak eyom ari wage kenok, It aap Elam mendek nen ineegin-inomaale li'luk eekwi, Inawuri wim eeka nen inanggweendo paga, inaguda paga, kwi'na'nuk wogwe, It o Kit mendek nen inanggeemu nggoorogo waganggwi, Eeppunuk,

Yetaya 24:16

“At mondok abe koonak mban eeke menggerak me, ayuk wuko logowok o,” yinuk, O nggween irip yobok paga nen ndawi wako logonet, inoone nggu-nggu yogwe konenggo ogoorik o. Togop aret konenggwi kwe, an nen ari logonet, “Neebe wono eerogo panege, neebe mbuuluk eerogo panege, Eeke me, nabuwa o! It aakumi inambokan lagangga nen aakumi inambokan laganggwi, Aakumi inambokan laganggwi iinok, it aakumi inambokan lagangga nen aakumi alik inambokan laganggwi, Eeko agaarik,” yagarak o.

Yetaya 33:1

Kat aakumi maluk eerogo piiga yi wae. Kat maluk eerogo pagaga'lek iigak, kat nen mban maluk eerogo piinet nage me, kabuwa o. Kat aakumi inambokan lagangga yi wae. Aakumi nen kat kambokan lagangga'lek iigak, kalik nen mban it inambokan lagangge me, kabuwa o. Kat maluk abu aret eerogo piige keenok, it nen kat aret maluk eerogo pagagwi, Ndi, abu aret aakumi inambokan lagangge keenok, it nen kat aret kambokan laganggwi, Eerugun o.

Yetaya 35:10

It aap Aliku ALA nen wondet eerogo piyamenggerak nogo iname o Tiyon tu ti paga unggwi wogwe, Eeko logogun o. Unggwi wogo logonet, inale'nggen nen keekok piyanggogwe, Iniki ale'nggen mondok logorak mendek inikime nggelok ari logonet, inete yanggu aago wonogwe, Eeko logogun o. Iniki puru yogwe, iniki wakkologwe, eekwi nogo mondok lek age kagak Obaane'me inale'nggen alik negen aganake, Iniki kani moonuk negen nggelok ari, Eeke logogin o.

Yetaya 47:6

It an napuri nanini inoba piige, Yate kwak niniki kundugu kwe, maluk eerogo piige, Eeke logonet, waganogo keenggime piige mbareegi, kat nen inabuwa mbaka'lek aaninggin inoba piige, Aap inanggok kunduk, eyo mbanak tapi enggaanok me kwippogo mengga kwak, aaninggin mondok iya inoba kwippiige, Eereegindak o.

Yeremiya 25:25

it o Timiri, Elam, Marayi mendek inoweewi inendagembogut inom,

Yeremiya 31:20

At Eparayim nogo ti, naput niniki kunik eeke, Napuluk ninikilom mbake, Eeke minggirak nogo lek a? Kulinik aret mberigitak kwe, oba aberak wonage me, Kaakit lak, ao, yinuk, niniki nggilu ari, Abuwa lombok mbake, Eeke minggirak o,” yinuk, Aliku ALA nen aret yegerak o.

Yeremiya 31:25

It ineebe ndeyak eerogo piige kenok, inomaawi eerogo piige, iniki lek age kenok, iniki kwippiige, eeke logogin o,” yinuk, yegerak o.

Yeremiya 45:3

Kat nen ari logonet, An niniki wakko'net unggwage neegak, Aliku ALA nen, Abunuk iniki wakkolaawak, nomba'nuk, aaninggin ambinom noba panege paga, niniki aaninggin nen koonit nage logonet, nomaawi lek age, niniki tayok ari lek piirik mban wonage, eeke me nabuwa o, yinuk, yagandak o.

Yeremiya 49:34

At Terekiya nogo it Yekura mendek inowe endagembogut a'nuk wone lengganogo awo yorage kagak, Aliku ALA nen o Elam eeppuurak at yoge kagak yoraga Yeremiya yoreegerak nogo yi aret.

Yeremiya 49:35

At Omaawi Lombok Menggerak Aliku ALA nen ari logonet, “It Elam mendek iniki panggombunuk inomaawi menggaarak ineegin nogo, abet aret kalenogo piyaagin o.

Yeremiya 50:14

It aap ineenggi woloonak abok aret ti, Wim namburiyak o Mbaben yendok-wandok wakkumbunuk maale namburogo nappugwi, O Mbaben ti, Naliku ALA maluk eeppanege me, inomaale ambi teppuurak lek, abok aret namburogo nappugwi, Eeruwak o.

Yeremiya 50:34

Togop eerogo piinok wonogwe kwe, an Wondet Eerogo Piiga ti, nomaawi wonage, Nendage ti, Nomaawi Lombok Minggirak Naliku ALA aret o. An nen aret it Iterali inanggween paga wonogo logonet, inabolok lek logorak eerogo piige, Ndi, it o Mbaben wonogwe perak, inabolok mban yogo logorak eerogo piige, Eeruwak nduk, Iterali inawone liirogon amburu mbanogo piige logogin,” yegerak o.

Yeremiya 51:11

“Naliku an ALA nen it Mbaben mendek eereegwaarak nogo onggo eeppiige, Ndi, an nawi wurik maluk eerogo pereegwaarak nogo onggo eeppiige, Eeriyak koonogo pereegirak nogo eeppiige logonet, o Mbaben pup eerogo piyaawak nduk, It Meriya mendek inoweewi inendagembogut kini wuppiige logonet, Inawuri wim nambuka nen inomaale ngget mbulunggwi, inarin pipuk eerogo pakwi,

Yeremiya 51:44

Kugi Mben o Mbaben wonage nogo aaninggin oba kwippege, Yi mendek ndi mendek at ambeme yonggoleegerak nogo kilirogo wumbi woraawak nduk, eeppege, Eerigin me, Aakumi inanebunu lombok at owagam wagak eekwi nogo ambinom eeko logogun lek o. Ndi, o Mbaben ayugum pak wurik kunduk, langguk yigin o,” yinuk, Alik Ku ALA nen yegerak o.

Yeremiya 51:53

“It aakumi Mbaben mendek nen aakumi tebenogo wuppiya woroobok me, mbogut paga lagi nanuk, O time wuppunuk, pak omaawi lombok wurogo pemenggaarak kwe, Tebenogo wuppiya woraawak nduk, it aap o maluk eerogo pega nogo time aret nappiya woraagin o,” yinuk, Aliku ALA nen aret yegerak.

Leendawi 1:22

It maluk eerit nogo nogogwaarak abok aret kat abeke, Ndi, an maluk eeke paga eeppaneegindak ndak-ndak it togop aret eeppiige, Eeke logot o. Niniki andi negen logonet, ai-ao ari, Niniki lek-lek ee'nabit unggwage, Eeke kenok yokkigi o,” Yinuk, yoreegerak.

Ndaniyen 5:28

Ndi, PERET ti, kat nogoba kabu'me piinok menggenom mogonnage logonet, it Meriya mendek inom, Peretiya mendek inom, ineenggi me agaarak wonage agaarik o,” yinuk, yoreegerak.

Ndaniyen 5:9

Meek age mbareegi, aap endagembogut Mbelitiyatat nogo iniki mondok lek age nagagerik, agap nggilaame nek togon eerogo pege, at awuri nagawan-nagawan nogo kunduk, inoone yuurak meek aret age, eereegwaarak.

Ndaniyen 8:2

Kage logonet, neebe o Elam aap endagembogut awi nggwok abe wurik me wonage me kota Tutan niyo Ulayi aa'nggi paga mi'ndak wonage kagagirak.

Ndaniyen 8:20

Ndomba ngguunok eyak mbere kagandak nogo ti, aap Meriya inom, Peretiya inom, inoweewi inendagembogut mi'nariyak nogo aret kagandak o.

1 Tamuwen 24:13

It aap inanggok nen wone laarogo yogo logonet, It aap maluk eeka nogo nen maluk aret eeko menggaarak o, yinuk, yogo menggaarak nogo ndak-ndak an nen neenggi teeluk a'nuk, kat maluk eeppagagin lek o.