Yetaya 20:6 - Ala Wone Peenok Peebi Mbanak

⁶ Ne ti eyom paga it aakumi inawi niyo laut aa'nggi paga menggaarak nogo nen yogo logonet, Aap endagembogut Atiyut mendek nen nit ninooke kero, niniki panggonak wonogwe, yeenggwa niraawak nduk, mbe agan yora nogwe, ninagap ndaruwak nduk wiirogwe, eekoorak nogo yi eeppiigaarak iyaanip o. Togop me, nit ninagap ndakko'nok mbaganiyak abu meek aret kogo o, yinuk, yogo logogun o,” yinuk, yereegerak o.

Yetaya 20:6 ပူးပေါင်းရင်းမြစ်များ

Ayup 22:30

Aap maluk eeka'lek ugun wonage kenok, Ala nen agap ndake menggerak me, Kat maluk eeka'lek obeelom wonage keenok, Ala nen kagap ndarigin o,” yinuk, yoreegerak.

Ayup 6:20

Niyo wonage mbakak panggonak wagaarak nogo, Lek kenok inenggali ogwe, nggiinggo aago puk ogwe, Eeko mengga kwak

Yetaya 10:3

Togop eekwi me, eekotak onggo aaninggin kinoba ari wage, Kineebe lek eerogo pinagarak nduk, o nda nen wogwe, Eeriyak eyom paga nano eeriyak mbakop? “Yeenggwa niret o,” yinuk, mbe agan aap ta yori nogwe, Kinamendek ambik aago nogo o nggeeme punuk mbaganggwi, Eeriyak mbakop?

Yetaya 28:17

Yugum ogowa ti paga wurit laganggo logowak nduk, wone a'me nggelok eeka nogo keele wakkagak pogom agago mippege, Abe liirogon eeka nogo keele agi nen ogu wakkagak pogom eerogo pege, Eerigin me, Mayu kumulinggen wambit wage logonet, iri'ngga-kale'ngga yigirogo pit nage menggi kwak, Pilit wone yogwe paga, Nineebe op logorak ninarum wonage, mbakwi nogo lek eerogo pege, Yi wurik nen yi mendek ndi mendek wonok nage menggi kwak, Aap inambokan laganggwi paga nit kumaappinanogo wonage, yogwe nogo lek eerogo pege, Eerigin o.

Yeremiya 30:1

At Aliku ALA nen wone at Yeremiya yoreegerak nogo yi aret.

Yeremiya 30:7

Ne ti ari wage kenok, aakumi nen, Ne ti iya, mbakwi, Ne aa'nduk arit wagagerak ti kwak lek mondok alik negen age kogwe, Eeko logogun o. Ne ti eyom paga aaninggin mondok alik negen it Yakup mendek inoba kwi'narigin kwe, Inagap ndarigin,” yegerak o.

Yeremiya 31:1

Aliku ALA nen ari logonet, “Ti eyom paga it aakumi inanebunu Iterali mendek abok aret inogoba Ala an aret me, it an napuri aret logogun o,” yinuk, yegerak o.

Yeremiya 4:30

Kat maluk eerogo pagagaarak Yerutalem yi, wae. Kat nonggop eeriyak mbake agandik? Kayum maa'ngga kunik yikkolage, kalilibano eekkolagak mbuti emas paga ogobakkigirik yikkolage, Kenegen awi paga maa'ngga karok-mbarok eekkolage, Eeke ti, Nonggop eeke agandik? It kiniki kunik eeginake menggendak nogo ineebi kombako logonet, kooriyak eekwi iigak, eeke ti, Aanom warogo aret eeke agandik o.

Matiyut 23:33

Kit waalo muuru nogo mendek awi wiganak yi, Ala nen owak loonogo kani omoonuk wunuk mban ari menggim time nappinagage kenok, nonggop togon kole mbaganumunggup o? Abu meek aret o.

1 Tetalonika 5:3

It aakumi nen, “Wone ambi ninoba aga'lek nit abok obeelom aret me, niniki ale'nggen aret ogoorik o,” yogwe iigak, kwe abila aagaluk nda'nariyak eenggo'lek me, enegen pagak ari nogo pogom, ninowe abera'lek me wage logonet, mondok lek eerogo piya woraagin me, it ambi mbo nagun abu lek aret o.

Iberani 2:3

nit ninagap ndariyak wone mondok iya kooneegerak nogo, kobak eerogo punuk wonogwe niinok, nit teppinanigin mbakop? Mondok lek o. Wone ti, aa'nduk ninowe nen aret paganogo yorage mbareegi, it koneneegwaarak nogo nen iniki yungguppegak yo'niroolik inoone mondok abet aret yo'nirogwe iigak,