Yetaya 20:3 - Ala Wone Peenok Peebi Mbanak

³ Nege kagak Aliku ALA nen ari logonet, “O Metit kunduk, o Kuti kunduk, ineenu agak logowak nduk, an nayeloman Yetaya nogo tahun kenagan paga ayum inom, iyogogut inom, yirik lek kin nege nogo ndak-ndak

Yetaya 20:3 ပူးပေါင်းရင်းမြစ်များ

Yetaya 19:4

It aakumi Metit mendek ti, aap nggwok ogogun ambik nen oone omaawi paga yorage logowak nduk eenggime piyaminggirak me, Aap endagembogut anini ambik nen wone lengganogo yorage logogin o,” yinuk, At Omaawi Lombok Menggerak nogoba Aliku ALA nen yegerak o.

Yetaya 37:9

Ne ti eyom paga aap Metit mendek inowe endagembogut awi alom niyo Nin eneerime mendek endage Tirikaka nogo nen, “Kimbirak wim eerikit nduk, wage agaarik o,” yogwi nogo aap Atiyut inowe endagembogut Tanerip aruk konengge nagagerik, awuri nen wone wonok nawak nduk, aap Kitikiya ake liiru mbangge logonet,

Yetaya 8:18

An Aliku ALA nen wo'nereegerak napuri ninom yime aret ogoorik o. It Iterali ineenu ogwe, in wakkagak wonogwe, eeko logowok nduk, At Omaawi Lombok Menggerak Aliku ALA o puut Tiyon menggerak nogo nen nappinani wagaarak wonogo ogoorik o.

Yeremiya 13:1

At Aliku ALA nen an yo'negerak nogo yi aret. “Kat nage logomenggendik, kobee'le ligi yawenak mendek paga penggaarak kumbunuk niyo nggulungga'lek logonet, yikkolage logot o.”

Yetikiyen 12:6

oonikiya paga inigen iigak kamendek nogo kuum paga piyanggo'nok namunggun o. Ndi, it Iterali mendek ineenu agak eeppagagirak me, o ti, kenegen kookwak, kenete paga yum nobappunuk namunggun o,” yinuk, an yo'nereegerak.

Yetikiyen 30:4

O Metit time wooluwak paga inoori unggwi nogwe, O Kuti time inookwi iinok, iniki wakkologwe, O Metit time inooremenggaarak kambit nogwe iigak, inamindik-inamendek kugun wonok nogwe, Inawi eyak wurabak nogo langgunogo pit nogwe, Eerugun o.

Yetikiyen 30:6

At Aliku ALA nen yegerak nogo yi aret. “Aakumi it Metit mendek inom ogogwaarak nogo inoorak kanggwi, It Metit mendek nen, Ninomaawi ambik o, yinuk, iniki wogoppakwi nogo tebenogo piigwi, It o Migiron nen nok, o Tiyene kuli wonogwe nogo wooluwak paga inoorak kanggwi, Eerugun o,” yinuk, Aliku Itok Menggerak ALA nen aret yegerak.

Yetikiyen 4:1

Yo'nege kage mbareegi, wone ambi an yo'nege logonet, “Aakumi nen ndarak yi wae. Nggween nggabok longgo warak ambi wagangge logomenggendik, kenaame punuk, o kota Yerutalem ogut eerogo pu o.

Yetikiyen 4:3

Eeppege logomenggendik, togolowak tabak mbuti mendek ambi waganogo pak mbuti paga wurik kwak o kota ogut eerak kat logowam oolo taati mippunuk, nggoboologu eeke logomunggun o. Nggoboologu eeke ti, it Iterali mendek eeppiyoorak ineenu agak eeriyak ti aret o.

Tepaniya 2:12

“Kit aakumi Kuti mendek yi wae. Kit kunduk an nawooluwak paga kinoorigin o,” yinuk, Aliku ALA nen aret yorage kagarak o.

Takariya 3:8

Aap Ala unde inowe at Yotuwa inom, it at oreewi inom, kwi'ndak wonogwe ti inom, peebi eeri woroorak wakkagak it aret me, wone yi, liirogon konenggo logowak o. An nayeloman endage, Agarip o, yogo logorak nogo nappi woraagin o.

Linggineegwaarak 14:34

O inigen yombooni nogwe iigak, nogo 40 aret yegaarak nogo ti, nogo ambit yegaarak ti, tahun ambit eeriyak kwak aret me, an nambot iige ineenu aruwak nduk, inomaluk onggo inoba piyaminggirak aaninggin piyaninuk nugwi iigak, tahun 40 aret eerigin o.