Yetaya 20:2 - Ala Wone Peenok Peebi Mbanak

² tahun ti paga, aap Amot aput Yetaya nen aakumi yorage logowak nduk, Aliku ALA nen at yoge logonet, “Kayum maluk mendek keebe paga yirik ti inom, kiyok ogut inom, nggoorogo pu o.” Yoge mbareegi, at yoreegerak nogo ndak-ndak aret ayum inom, iyogogut inom, nggoorogo punuk, we aret nege nagagerak.

Yetaya 20:2 ပူးပေါင်းရင်းမြစ်များ

2 Tamuwen 15:30

Ndi, at Ndawut nogo iyok ogut nggoorogo pege, ayum anobak paga nobakkolage, ee'nuk, le agan puut Tayitun lagi nage mbareegi, it aakumi inom nogwe nogo kunduk, abok aret togop mban inayum inanobak paga nobappunuk, le agan lagi nogogwaarak.

2 Tamuwen 6:20

Nogwe iigak, at Ndawut nogo at inom menggaarak ale'nggen inoba piyaakit nduk, ame nage mbareegi, Tawun apuluk kwe Mikan nogo wundi woraanuk, at Ndawut imbirak lambungge nagagerik, yoge logonet, “It aakumi Iterali inowe endagembogut yi, aap iniki mbanak inayum yirik lek nugu mengga kwak, o yogondak yi paga it komologwe kayeloman mini inigen iigak kenggali lek, kayum yirik lek nege keegirak nogo ti, Wi, kombaki o.”

2 Endagembogut 1:8

Yorage mbareegi, it nen, “At aap ti, ayum amoori warak mendek yirik. Ndi, aa'ndok keele ti, tapi agabolo mendek yirik kogoorak o.” Yogo mbareegwa, aap endagembogut nogo nen, “Ti aap Titebe mendek Eliya nen aret yokkiragaarak kagi o,” yoragagerak.

Ndawi 30:11

Kat nen nale mbanogo paninuk Nale'nggen nen ndawi lubuk yikit nduk eerogo panege, Nayum nibinik maluk mendek yirik nogo nggoorogo paninuk, Nale'nggen mbarikit nduk, yum abe kwak yippanege, Eekendak me,

Wundeegwaarak 3:5

Yoge mbareegi, Ala nen at Muta yoge, “An nowagam ya'i panggo yi woroorak ti, mage o. Ndi, kat mi'ndak wonage me taati kunduk, nggween mage lombok aret me, kiyok ogut nggerenak ti, piinogo pu o.”

Yetaya 1:1

Aap Utiya, Yotam, Akat, Kitikiya, it nen aakumi Yekura inoweewi inendagembogut ambi agak, ambi agak, eeko logonet, wone lengganogo yoragak eekwi iigak, o Yekura inom, kota Yerutalem inom, eeppuurak at Amot aput Yetaya abinggaanggo paga kage nagaatik, yorage nagagerak nogo yi aret.

Yetaya 13:1

It o Mbaben mendek eeppiyoorak Ala nen Amot aput Yetaya abinggaanggo paga yoreegerak nogo yi aret.

Yetaya 37:2

Unggwi nage nagagerik, aap endagembogut awi o nggwok abe wurik arum waka inowe Eliyakim inom, o apit inake liiru mbangga Tebana inom, it aap Ala unde iniki warak inom, yum nibinik maluk mendek yirik at Amot aput Ala nen yoge kagak yoraga Yetaya wonage me nappiyareegerak.

Yeremiya 48:37

Inalitak lombok ineeruwak puluk ko eerogo pakwi, Inalitak lombok inamboro tabonogo pakwi, Inalitak lombok yugum paga ineenggi aambiranogo pakwi, Inalitak lombok yum nibinik maluk mendek inobate paga yikkologwe, Eeko agaarik o.

Yetikiyen 24:17

Waminggirak kangge kenok, aleendawi tiyaniyak mage o. Ata, koone mbabok mban kiniki wakkolage logonet, kayum kanobak paga lenggenak mban wonage, kiyogogut yirik mban wonage, eerak logot o. Ketenggen nobakkolage, tabun ndoombunuk inambi larogo nunggwi nogo kat nengge, eeriyak mage o,” yinuk, an yo'nereegerak.

Yetikiyen 24:23

Inanobak paga yum lenggenak wonogwe, iniyogogut yirik wonogwe, eerak logonet, inaleendawi piyanggwi, inaleenggu maakwi, eerugwaarik o. Ata, it inomaluk onggo inoba piigwi paga ineebe woonoma eerogo piinet unggwage, it-it yogo logonet, Yi nonggop ee'ninake o? yinuk, yogwe, eeko logogun o.

Yetikiyen 4:1

Yo'nege kage mbareegi, wone ambi an yo'nege logonet, “Aakumi nen ndarak yi wae. Nggween nggabok longgo warak ambi wagangge logomenggendik, kenaame punuk, o kota Yerutalem ogut eerogo pu o.

Yetikiyen 4:5

It maluk eekwi iinok, onggo eeppiyoorak tahun eeriyak nogo ndak-ndak, kat nogo yit noorak koonogo pereegirak me, it Iterali inomaluk onggo koba pagaminggirak wonage kagak nogo tiga ratus sembilan puluh aret yit nage logomunggun o.

Mika 1:11

Kit o Tapit monggotak yi wae. O nda wokkiren nogwe iigak, kinagap mbelanak kinenggali mbakak namunggup o. It o Taanan menggaarak nogo, inawi kota nen wundi woroorak inagabiti mbarugun o. It aakumi o Mbet-Kayeten wonogwe nogo nen le yogwe konenggwi kenok, Time kunduk nineebe op logorak lek kogo o, yinuk, mbarumunggup o.

Mika 1:8

Togop aret eerigin me, an niniki puru ari logonet, leenggu maake, Niyogogut yum nggonenogo mbo punuk, nayum yirik lek nagap mbelanak nage, Mba'ngge ku agan nege menggi kwak, towe wu oone agan nege menggi kwak, an togop aret nege, Eerigin o.

Takariya 13:4

Ne ti paga it aap, Nabinggaanggo ndogop kagarak o, yinuk, yorogo nogogwaarak abok aret inenggali arugun me, it aap Ala nen yorage kagak yoraga inayum nggorek unta eeruwak paga penggaarak yiko nogogwaarak nogo, pilit kagak abet mbaruwak nduk, yiko nogogwaarak me, it ambinom yikkologo logogun lek aret o.

Matiyut 16:24

Yoge nagagerik, Yetut nen it at oone waganggwi nogo yorage logonet, “Kit an ninom nugu logorak mbakwi kenok, yi eekak ndi eekak eeriyak mbakwi nogo mbo punuk, eyo karo-karo paga nabembinagarak nogo ko'nok, ninom aret nugu logowok o.

Matiyut 3:4

At Yaya nogo, ayum ti, unta eeruwak paga ogobakkigirogo yikkolage, ndi, agabolo poorogo agabee'le yikkolage, eeppunuk logonet, at ambi ti, yibila inom, nggiin amburu inom, nengge nagagerak.

Yaya 21:7

Nippi woroorak meek age mbareegi, at oone waganggwi mendek ambi Yetut iniki kunik wonagagerak nogo nen Peterut yoge logonet, “Wulaga! Aap ti ninogoba aret kagi o,” yinuk, yoreegerak nogo at Peterut aruk konembunuk, ambogoyum endekem mendek nggoorak nogo yikko'nok yiiro nogo mbo punuk yiime tabuk yi wambeegerak.

Nappiigak 19:16

Yorage nagagerik, aap kugi ogole warak inikime wonagagerak nogo nen worak togon inoba luk ari nagagerik, tebenogo piinok, inooke mbareegi, it nogo oome nogome nen inagap mbelanak inamiya tene agan kole mbaganit nogogwaarak.

Nappiigak 21:11

Niya nage nagagerik, at Pawulut agabee'le piinogo at eenggi-iyok keele maakkolage nagagerik, ari logonet, “An kebee'le paga maakkolagarak yi kwak, it Yakuri o Yerutalem menggaarak nen aap agabee'le yi unde nogo, togop aret keele maarogo it endekem mendek wogoraagun o, yinuk, at Aberiniki nen yo'nege kenok, yokkirage agarik o,” yo'niragagerak.

Yotuwa 5:15

Yoge mbareegi, at Aliku ALA awuri aap yigin unde inowe nogo nen Yotuwa yoge logonet, “O nggween kat mi'ndak wonage me ti, abu mage lombok me, kiyok ogut nggerenak ti, nggoorogo pu o.” Yoge mbareegi, at Yotuwa nen iyok ogut nggerenak nogo nggoorogo pereegerak.

Wayu 11:3

Ndi, it aap ineebe mbere noone yorogo logowak nduk, nappiyaminggirak nogo nen aakumi iniki puru yogo logonet, inayum nibinik maluk mendek yiko mengga kwak yirik logonet, an noone yorogwe iigak, nogo seribu dua ratus enam puluh yogo logogun o,” yinuk, yo'nege kagarak.

1 Tamuwen 19:24

Time ari nage nagagerik, at Tawun nogo ayum nggurik-nggorok eerogo punuk, Tamuwen enggaanom paga it yogwe togop agan nggween paga ngginnari nanuk, ayum yirik lek o liingge inom, oonikiya inom, taati windak kagak, o weereegerak. Ti eereegerak paga it aakumi nen, “A puk! At Tawun nogo kunduk, Ala nen yorage kagak yoraga mendek agaarak mbakop?” yinuk, yogo nogogwaarak.