Yetaya 2:8 - Ala Wone Peenok Peebi Mbanak

⁸ It wonogo menggam yime-ndime abok aret inagugiwak mban yagabit aago wonage, It ineenggi paga eereegwaarak nogo abu'me tebe yogwe, Ineenggi paga ogobakkigireegwaarak nogo ayuk wukwi, Eeko agaarik o.

Yetaya 2:8 ပူးပေါင်းရင်းမြစ်များ

1 Endagembogut 16:7

At Mbayeta nen Aliku ALA enegen kagak maluk ambik eerit nage paga Aliku ALA anini mbaruwak nduk, eeppereegerak kenok, aap Yerobeyam paga wiganak inom maluk eerit nogwe iinok, Aliku ALA nen inenggaawak lek eerogo piyareegerak nogo ndak-ndak, aap Mbayeta paga wiganak inom eeppiyoorak Aliku ALA nen aap Kanani aput Yeku yoreegerak nogo ndak-ndak, inenggaawak lek eerogo piyareegerak ti aret.

2 Endagembogut 17:10

puut-puut tiyarogon paga inom, yi eyo ndi eyo wiganak alome inom, yugum paga inagugiwak ogobakkigirogo tiyappugwi, kugigwe Atiyera ageyo arelen yinogo pit nogwe,

2 Endagembogut 17:16

At Aliku inogoba Ala nen, “Yogop ee'nu ndogop ee'nu,” yoragagerak nogo, abok aret taganogo mbo punuk, inagugiwak kwak mbuti paga tapi inogut mbere ogobakkigikwi, kugigwe Atiyera ageyo arelen yinogo pugwi, inendobanggun yindumbunuk laaluguragan abok aret inayuk wukwi, kugi Mba'an alut eekwi, eeko nogogwaarak.

2 Mbinineegwaarak 27:2

At Yoram nogo ogoba Utiya eeke nagagerak pogom Aliku ALA enegen kagak obeelom mban eeke nagagerak. Eeke logonet, ogoba Aliku ALA awi wurik me unggwi nagagi kwak, at unggwi noolik, obeelom mban eeke nagagerak kwe, aakumi nen perak, maluk mban eerit nogo nogogwaarak.

Yetaya 26:13

Kaliku ninogoba Ala wae. Kat keegak, ninogobamini wone lengganogo yo'nirogo nogogwaarak ineebe ambik aret kwe, Kat kendage mban tiyappagago ogoorik o.

Yetaya 40:19

Kugi ogut ti, at aap mbuti paga ogobakkigika nen mbuti worappunuk, longgo warogo ogut ogobakkigirogo pege, At aap mbuti emas ogobakkigika nen emas endekem-akem nabenit wundi wa'nuk, mbuti perak paga yiluk-yiluk eerogo pege, Eeke menggerak o.

Yetaya 41:29

Kit ambi eeppiyoorak lek we aret wonogwe, Eerit nogo monggotak ti, abe ageelik aanom warogo aret age, Ndi, o wiya wage kwe, mayu wonok wage lek we aret warit wage menggi kwak, kineebe togop aret eerak wonogwe, Eeko ogotik kiigi o,” yinuk, yegerak o.

Yetaya 57:5

Eyo ndiindi alome inagugi eeko logonet, iniki aganggen eeginabuwak nduk eekwi, Eyo win wiganak alome inagugi ayuk wuko logonet, iniki nengge kenok, kumi ugun-ugun eeginabit nogwe, Eegwa'me inom, yugum ambe nggaganak me inom, inagugi inake inapuri inoorogo wogorogwe, Eeko agaarik.

Yeremiya 1:16

It an napuri nen an mbo paninuk maluk mban eerit nogo logonet, an wonage neegak kugi ogut eerak inake obari abe kaga nogo mendek kani kunggwi, Ineenggi paga eerogo pereegwaarak nogo alut eekwi, Eekwi iigirak me, Aaninggin mondok nggwok lombok inoba kwippiya woraagin o.

Yeremiya 11:13

It aakumi Yekura mendek ti, inawi kota-kota ambik wonage pogom inagugi togop aret wonogwe, ndi, o Yerutalem tu ambik wonage nogo pogom, it inenggali ariyak kagak, kugi Mba'an ake obari abe kaga kani kungga ambik ogobakkigirogo mippit nagaarak togop aret wonogwe, eerak aret agaarik o.

Yeremiya 2:28

It Yekura mendek ti, ineenggi paga nen inalut eeriyak inogobamini nen ogobakkigirogo pateegwaarak nogo ngga wonogwe? Inawi kota ambik aret wonage ti kwak inagugi kunduk ambik togop aret wonogwe me, Aaninggin inoba ari wage kenok, inagugi ti nen aret inagap ndari woraawak o.

Oteya 12:11

O Nggileyat time maluk eeko menggam aret me, it aakumi ti, we aanom warogo kagak eerit nugu menggaarak. Ndi, o Nggiligan time tapi ngguunok warogo inagugi ake wogorogwe me, Inagugi warogo wogoragak ogobakkigirik nogo ti, yugum yabume kalo logonogo pit nogo mengga kwak aret wonage agaarik o.

Oteya 13:2

Yogondak kunduk, maluk ambi eekak eerit wundi wogwe, Inambuti perak paga inagugi ogut eeppunuk alut eekwi, Inayuk wuko logowak nduk, inagugi inogut abu abe lombok ineenggi amburu paga ogobakkigirogo pugwi, Eeko nagaatik, “Kugi ogut eekoorak yi, ake warogo wogogwi, Lembu aagalogwe inogut eerak ti, kineyak mbaninakwi, Ee'nip o,” Yinuk, yorogo menggaarak o.

Oteya 14:3

“Nit yogop eeko o”, yinuk, wone wonok at Aliku ALA owagam wogo logomonggotik, at yogo logonet, “Maluk eekoorak abok aret lek eerogo pinanege, Kiniki yanggonak paga wo'ninake, Eeke keenok, Kake pugu kwak, Ndogop eeko logogun o, yinuk, yokkogoorak nogo ndak-ndak aret eeko logogun o.

Oteya 8:6

Lembu aagaluk ogut aago ti, an Ala lek o. Ata, it Iterali mendek aap eenggi amburu paga eeka ambi nen ogobakkigireegerak me, Lembu aagaluk ogut o Tamariya paga eerogo pugu ti, yigirogo mbo wurabigin aret o.

Mika 5:12

Inagugi ogut ogobakkigirik nogo lek eerogo pege, Inagugiwak inenggela'me wonage nogo, yigirogo pege, Eerigin me, It ineenggi paga eerak ti, ayuk wuko logonet, alut eeko logogun lek aret o.

Nappiigak 17:16

At Pawulut nogo it Timotiyut Tilat imbirak wogwe iyo, o Atena toginake logonet, o kota time kugiwak ererengge-mboongge aago ambik endekem-oome wonage kage nagagerik, inikime nen eebi lombok mbareegerak.

Pelaareegerak 4:28

Kit mappinagamenggerak time wonogo logonet, eyo mendek a, yugum mendek a, ineenggi paga inagugi ogobakkigirik nogo nen enegen pegiige, aruk konengge, ambe lagap ari, obari wunggage, eekeelik mendek kagak, Ala obaane'me mippunuk alut eeko logomunggup o.

Wayu 9:20

It ando andi nen kambulik teppiigerak ineenik wonogwe nogo nen, “Nit togop aret kambit nogwe niyo, ninagugiwak nogo ti, yi mendek ndi mendek inigen kogwe, ninoone inaruk konenggwi, tu nogwe, eekulik kagak we aanom warogo mbuti emas paga, mbuti perak nogo paga, mbuti tembaga etenggen kunik negen nogo paga, yugum paga, eyo paga, ogobakkigirogo punuk, alut eekwi, kugi inendage tiyappiigwi,