Yetaya 2:7 - Ala Wone Peenok Peebi Mbanak

⁷ It inanggween paga yime mbuti perak inom, emas inom, yagabit aago wonage, Inamindik-inamendek obeelom ambik aret wonage, Inaguda kunduk, ambik yagabit aago wonage, Inanggweendo ambik me, ineenggi lingginiyak meek aret wonage,

Yetaya 2:7 ပူးပေါင်းရင်းမြစ်များ

1 Endagembogut 4:26

At Talomo aguda nggweendo nikkenok nega inanggenogo empat ribu wurik wonage, ndi, awuri ineegin warak kuda paga nega ineebe dua belas ribu aret wonogwe, eeko nogogwaarak.

Ndawi 20:7

It ando inanggweendo paga iniki panggombugwi, It ando inaguda paga iniki panggombugwi, Eeko menggaarak kwe, Nit perak, niniki Aliku ninogoba Ala oba panggonak ogoorik o.

Yetaya 30:16

It nen yogo logonet, Lek o! Nit kuda paga kwi'na'nuk kole mbaganugun o, yagaarak paga Aakumi nen mugogo mappiyaagun me, aret kole mbaganggwi, It nen, Nit kuda inogowa ambik paga kwi'na'nuk kole mbaganugun o, yagaarak kwe, It muguren wogwe inaguda perak, inogowa ambik aret me, it awo mbaganggwi iigak, inoba kwi'nogwe, Eekwi iyaagun o.

Yetaya 31:1

It aakumi iniki at Kikak Nakeelik Alik Leenak Iterali inogoba nogo oba panggombugwi, “Aliku ALA yeenggwa niraawak o,” yinuk, nggino yogwi, Eeka'lek, “It Metit mendek nen yeenggwa niraawak o,” yinuk, o Metit nogwe, “It inaguda paga iniki panggombugwi, Inanggweendo ambik wonage paga panggombugwi, Kuda paga kwi'na'nuk wim eeka inomaawi ambik o,” yinuk, inoba panggombiigwi, Eekwi nogo, inabuwa o.

Yetaya 57:17

Yi mendek ndi mendek koloorak mban uugwe mbarit nogwe paga nanini lombok inombake, Aaninggin inoba pege logonet, nanini nen nambot wogorage, Eeke neegak, Inanobak yugum kwak eeppatinuk, tu alik paga nomoninuk nogo nogogwaarak o.

Oteya 14:3

“Nit yogop eeko o”, yinuk, wone wonok at Aliku ALA owagam wogo logomonggotik, at yogo logonet, “Maluk eekoorak abok aret lek eerogo pinanege, Kiniki yanggonak paga wo'ninake, Eeke keenok, Kake pugu kwak, Ndogop eeko logogun o, yinuk, yokkogoorak nogo ndak-ndak aret eeko logogun o.

Mika 5:10

Inawi kota-kota lek eerogo pege, Ineebe op logowam inobak wurik nogo ndengganogo pege,