Yetaya 2:5 - Ala Wone Peenok Peebi Mbanak

⁵ At Yakup paga wiganak yi wae. Kit kunduk Aliku ALA eya paga nogo logonip o.

Yetaya 2:5 ပူးပေါင်းရင်းမြစ်များ

Ndawi 36:10

It kinom kunik nogo kiniki kunik eeginake, Iniki abe koonak nogo obeelom mban eeppiige, Eeke logot o.

Ndawi 89:15

Kaliku ALA wae. It aakumi kalut eeko logonet, Inale'nggen nen ndawi lubuk yogwe, Kenggaawak abinak paga eerit nugwi, Eekwi nogo Inale'nggen aret logogun o.

Ndawi 89:16

Inale'nggen nen kanep tenok-mbenok yogwe iigak, Kubondendok nen nok oonikiya ari nage, Kat abe koonak mban eeke menggendak nogo, Mbininggwi iigak iniki eya ogwe, Eeko menggaarak o.

Yetaya 2:3

Aakumi inanebunu lombok nen yogo logonet, “O Tiyon nen wone yugu liiru mbanak nogo wiganinuk wundi nage, O Yerutalem nen Aliku ALA wone yugu nogo wonok ndi ari, Eerigin me, Aliku ALA nen eeriyak mbake menggerak nit mamunnirage kenok, nit ndak-ndak eerit nogo logogun o. Aliku ALA abuut paga lagi nogwe, Yakup ogoba Ala awi wurik me unggwi nogwe, Eeruwok nduk, woraanip o,” Yinuk, yogo logogun o.

Yetaya 58:1

At Aliku ALA nen ari logonet, “Eeppiyoorak wone yokkege yi, koone mbuuluk paga ari mage o. Ata, koone mondok nggwok paga ari, Oone nggwok eeka trompet oone eeke menggi kwak koone ari, Aliku ALA nen yokkirage nogo, Eeriyak nineebi, yogwe ti, nonggop nduk yogwe o? yinuk, an napuri yorage, Kit maluk ndogop aret eeko ogotik o, yinuk, it Yakup paga wiganak nogo yorage, Eeke logot o.

Lukat 1:79

It o apit me logonet, kambuurak inagabiti mbakwi nogo eya eeppiige, Ndi, iniki ale'nggen ugun obeelom logonet, nogo menggam tu nogo yi aret o, yinuk, yo'nirage, Eerigin, yokkigi o,” yinuk, yereegerak.

Epetut 5:8

Kit aa'nduk o apit paga nogo nogogutak kwe, yogondak kinowe nen muk eya eerogo pinagareegerak me, Ala apuri eya paga logonet, eeko mengga kwak, kit togop aret eerit nogo logonip o.

1 Yaya 1:5

“At Ala ti, o eya kwak menggerak me, at inikime o apit aago kwak wonage abu lek o,” yinuk, at Wone nogo nen yo'niragagerak ninaruk konembunuk, yokkirogwe nogo ti aret.

1 Yaya 1:7

Togop kwe, at Ala o eya paga wonage menggi kwak, nit o eya paga nogwe niinok perak, ninoreewi ninom kunik aret logogun me, at aput Yetut amiya paga ninomaluk abok aret lek eerogo pinanegak mban eeke logogin o.