Yetaya 2:19 - Ala Wone Peenok Peebi Mbanak

¹⁹ At Aliku ALA nen nggween yi, na'ndo-wa'ndo eerikit nduk mi'na'nuk, Abu tiyanak pi wakugak obaanggi-obaangge li'luk ee'nuk wage, Aakumi inamineeri ne agan noorak mendek eeppiige, Eeke kenok, It kole puut-puut yugum ambe nggaganak me unggwit nogwe, Nggween nenaarak me kumaa'nari unggwogwe, Eerugun o.

Yetaya 2:19 ပူးပေါင်းရင်းမြစ်များ

2 Tamuwen 22:46

Noone ari paga inomanggen ngginuk ari logonet, Inaganak wakak inawi pak wurik kagak kole wundi wogwe, Eeko menggaarak o.

Ayup 9:6

O nggween yi, ya langgok eerogo nappege, Nggween alom yarak na'ndo-wa'ndo eeke,

Ndawi 7:6

Kaliku ALA wae. Kanini nen pilak ari, Ninom ogoorak inanini nombakwi nogo, Eeppiyoorak nduk, kena koonogo nagiige, Nawone mbanogo onggo ndak-ndak eeppiyoorak nduk, kat nogoba Ala mbet-mbet koongge, Eeru o.

Yetaya 13:13

Togop me, an Nomaawi Lombok Minggirak Naliku ALA nanini kani kunik negen eeppiyoorak eyom paga Nanini paga eeppiinet nage logonet, mbogut na'ndo-wa'ndo pege, Nggween obaane'me lombok wonage nogo akom ya langgok eerogo pege, Eerigin o.

Yetaya 2:10

Aliku ALA abu tiyanak pi wakugak obaanggi-obaangge li'luk ee'nuk wage, Aakumi inamineeri ne agan noorak mendek eeppiige, Eeke kenok, It kole puut-puut yugum ambe nggaganak me unggwit nogwe, Nggween nenaarak me kumaa'nari unggwogwe, Eeruwak o.

Yetaya 2:21

Aliku ALA nen nggween yi, na'ndo-wa'ndo eerikit nduk mi'na'nuk, Abu tiyanak pi wakugak obaanggi-obaangge li'luk ee'nuk wage, Aakumi inamineeri ne agan noorak mendek eeppiige, Eeke kenok, Aakumi nen yugum ndoome unggwit nogwe, Yugum ambe nggaganak tiyarogon me lagit nogwe, Eerugun o.

Yetaya 24:1

“At Aliku ALA nen nggween yi maluk eerogo pege logonet, mbuk eerogo pege, Aakumi logorak meek eerogo pege, Eerigin abet mbako logonip o. Nggween ena abut laganogo pege logonet, it aakumi o yime menggaarak nogo mappiyaagin.

Yetaya 24:18

Kinamineeri ne agan noorak oone ne ari kenok kole mbaganggo logonet, labu pugume wambit nogwe, Labu pugume nen lagit nanuk mbaganggo logonet, keele pugume nggelo-nggelo nogwe, Eerumunggup o. O mayu mbogut paga tu narak wonage nogo kuurogo wuppi wage, O nggween alom yarak nogo ndipuk eeke,

Yetaya 24:19

Nggween yi abok aret yigirik-noonom eerogo pege, Nggween oolo nggoguk ari, nippegak-wuppegak eeke,

Yetaya 30:32

Lobale eeka inom, nggitat inom, eeko logonet, ndawi wakwi iigak, Aliku ALA ambim mbanak paga miiri nage, yombak inooke, miiri nage, yombak inooke, Eeke logogin o.

Yetaya 33:10

At Aliku ALA nen ari logonet, “Yogondak aret an pilak ari, Yogondak aret an abu tiyanak neyaawak nduk mi'nage, Yogondak aret nomaawi ambik neyaawak nduk nu'lek mi'nage, Eerigin o.

Yetaya 7:19

Wiiremenggerak abok aret wogo logonet, o nggelok-nggobok me inom, puut-puut yugum ambe nggaganak me inom, eyo alokwi enggela'me inom, ndomba inagari'ngga mbanogo nenet nugu menggam inom, abok aret ninggirogo pi woraagun o.

Yeremiya 16:16

At Aliku Ala nen ari logonet, “It aap yikwe wagangga ambik woraawak nduk yonggo piyaminggirak wogo logomenggaarik, it aap ti, piginabit nogo logogun o. Ti'nuk, towe warit nega ambik woraawak nduk, yonggo piyaminggirak wogo logomenggaarik, it aap ti, puut-puut tiyarogon wonogwe, puut-puut teberogon wonogwe, yugum ambe nggaganak me wonogwe, eerak wonogwe iinok, inooko logogun o.

Yeremiya 4:29

It aap wim eeka kuda paga wogwe inom, it aap ineegin warak inom, Ineebe apit aago wogwe inoone inaruk konenggo logomenggaarik, It yi kota ndi kota wonogwe nogo mbo punuk kole mbaganit ando eyoongga inikime unggwit nogwe, Ando puut-puut yugum paga lagit nogwe, Eerugun me, Yi kota ndi kota aakumi logogun lek o wuum lu agan nage logogin o.

Yeremiya 48:28

Eeke nagagerak aret me, It o Mowap wonogwe ti, inawi kota-kota mbo punuk, yugum eraanu-eraanu time arit nanuk logowak o. Towe wuni'nuk yugum ndo ambeme inawi wuppunuk mengga kwak, it togop aret logowak o.

Yetikiyen 33:27

It yorage logonet, At Aliku Itok Menggerak ALA nen yegerak nogo yi aret. Yi aap ndi aap o langgu-langgu wambeegim mbo piyareegwaarak wonogwe ti, wooluwak paga inoorak kanggwi, it aakumi karume mbaganit nogogwaarak wonogwe nogo, ineebe ndiimbu-nggwiya inambi-mbiingga negen ogwe, it aakumi ando yugum pak wurogo pereegim wonogwe inom, ndoome ari nogogwaarak wonogwe inom, kugilingga nen kambit nogwe, eeruwak nduk, eerogo piyaagin o, yinuk, neenik menggirak nendage kumbatinuk yagi o.

Oteya 10:8

O Mbet-Awen puut-puut kugi awi wuppunuk maluk eerit nugwi ti, Iterali maluk eeko menggam aret me, Lek eerogo pit nagun o. It inayuk wukwi inake warogo wogoragak ogobakkigirik nogo paga iri'ngga alok-palok mban yinik-kunik eerogo pege kenok, It nen, “Nit nineebe noba'ninabu o,” yinuk, puut-puut yorogwe, Ndi, puut-puut teberogon nogo yorogo logonet, “Kit nen aan wogonogo nineebe lebembinaninuk logonip o,” yinuk, yorogwe, Eerugun o.

Mika 7:17

Waalo liirubu paga amuli yenan-menan eerit nege menggi kwak, Yi waalo ndi waalo inaanogum paga tu agan nggween paga nugu mengga kwak, It togop aret iname nen inaganak warit wundi woraanuk, inagabiti mbakak Kaliku inogoba Ala kowagam wogwe, Kat paga inaganak warit wogwe, Eerugun o.

Nakum 3:11

Kat kunduk niyo amburu nenok kumili kunggo mengga kwak kumbunuk, It kinom wim mbanak nen kwaakkeyokwak, kumaa'nari nage, Kagap ndakko'nok kole mbagangge, Eerumunggun o.

Agayi 2:6

Nomaawi Lombok Minggirak Naliku an ALA nen, Logonuk lek aret mbogut-nggween na'ndo-wa'ndo eeke, niyo nggwok yenggenak laut nogo inom, nggween endekenggwe wonage inom, akom langgonogo nappege,

Agayi 2:7

yi aakumi ndi aakumi abok aret iniki a'nggan yumbuk yuwak nduk eeke, eeke neenok, it aakumi inanebunu lombok inamendek abok aret kabologo yime pi woramenggaarak nogo an nen waganogo nawi wurik me time pi unggwage neenok, nawi wurik yi, mondok tiyanak lombok me, aakumi, Wi! yogo logogun o, yinuk, Nomaawi Lombok Minggirak Naliku an ALA nen aret yagi o.

Lukat 23:30

Ti eyom paga it aakumi nen puut nggwok yogo logonet, Nineebe aan lebenogo pinanu o, yinuk, yogwi, ndi, puut mbuuluk yogo logonet, Nineebe taanogo pinanu o, yinuk, yogwi,

2 Tetalonika 1:9

Ti eyom paga nit at apuri ake leenak nogo nen at eebe tiyappugwi, ndi, nit wone paganogo yokkirogogurak paga abet mbareegutak me, kit ninom abet mbakwi abok aret, “Wi!” ugwi, eeruwok nduk, woraagin o. Wage kenok, it Ala ineenggo'lek Yetut eeke nagagerak obeelom wone wagangga'lek mendek nogo, maluk onggo mondok-mondok aganabuwak nduk, at Ala nen, “An nomaawi paga eeppiinet nage neenok, aakumi nen, Wi! nugu menggam nenggaawak paga yayi logorak lek o,” yinuk, ogoorogo endekem wumbiyaagin o.

Iberani 11:38

Aap ti abu obeelom aret me, o maluk nggween paga yime nugu logorak meek kwe, kagak, karume inom, eyonggaame inom, mbaganit nugu logonet, “O nggeeme nogo yi na o,” yinuk, mbuun ambena inom, ndoome inom, ugun nogo yit nugu nogogwaarak.

Iberani 12:26

Ti eyom paga yorage logonet, o nggween yi nogo, na'ndo-wa'ndo eereegerak kwe, yogondak perak, peebi ambi eeriyak ari logonet, “An ne ambi paga nggween yi mban na'ndo-wa'ndo eerigin lek o. Ata, mbogut inom togop aret eeke neyaamunggup o,” yinuk, yo'niragagerak.

Wayu 11:13

Awo pi wogonakwi iigak, mi nggwok nuk-nuk eeke kagak, o kota time aakumi inawi ambik wurik nogo ando teppege, ando sepersepuluh langgu-langgu nage, eeke logonet, aakumi apit ineebe tujuh ribu aret aambeleninake mbaki, it ando teppiigerak nogo inagabiti nen at mbogut paga menggerak Ala nogo mondok tiyappugwi iigirak.

Wayu 11:19

Yogo mbaka, Ala awi wurik mbogut paga nogome tu paa'nage mbaki, Ala aloobut mbanak wone yoragagerak liiru mbanak yonggolak wonage nogo, kin ari wage kage neegak, o yabok eeke, ngguurubu ari, mi nuk ari, mayu kumulinggen mondok lubu-lubu wangge, eeke kagarak o.

Wayu 16:18

Ari mbaki, o yabok mondok kunik-kunik eeke, o ngguurubu ari, ndi, maan aakumi wakkagagerak kuli nen, nok, yogondak kuli paga togop eekeelik kwe, o mi mondok alik negen nuk eerit wage logonet, nggween mondok abut laganak-mbaganak eeke, eeke kagarak.

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.

Wayu 9:6

Ti eyom paga it aakumi andi nen yagan wako logonet, “Nggarurogon kambuwok lak ao,” yinuk, inowe-inawot nen mondok-mondok inooruwak nduk, yoramenggaarak kwe, kambuurak inoba ari woraagin lek me, kangga'lek we ineenik yagan yobak-nggolak mban wako logogun o.

1 Tamuwen 13:6

Wukkola wogo mbareegwa, it Iterali nen inigen iigo nogogwaarik, “It nen abu kup mbanninaburak eekwi me, nonggop eeruwi o?” yinuk, iniki ma'nogo nogogwaarik, mbaganit ndoome inom, yugum enoona inom, puut abu'me inom, mbuun ambena inom, niyo nggween kabunik me inom, kumaa'narit nogogwaarak.

1 Tamuwen 14:11

Yoge nagagerik, at Yonatan eegin wonok nega imbirak aap Pilitin mendek inigen iyaawak nduk, kin ogo mbareegwa, it Pilitin mendek nen inigen iigo nogogwaarik, yogo logonet, “It Iberani mendek nggween enoona kumaarak wonogwe nogome nen wundi wogwe yi, pegiyaanip o.”