Yetaya 2:17 - Ala Wone Peenok Peebi Mbanak

¹⁷ Aakumi iniki wogoppakwi nogo tebenogo piige, inanggup tiyappakwi nogo at abu'me tebenogo piige, Eerigin me, Ne ti eyom paga Aliku ALA mban endage tiyak yigin o.

Yetaya 2:17 ပူးပေါင်းရင်းမြစ်များ

Ndawi 20:8

It ti, inengga wandinik ninabu'me tebenak wonogwe kwe, Nit perak, ninengga pilanak mondok mi'ndak nu'lek wonogo ogoorik o.

Ndawi 46:10

Togop me, at Ala nen ari logonet, “An Ala aret kineenu arubagip nduk, Kinabulok lek puk logonip o. Yi aakumi ndi aakumi inenggela'me nendage tiyak ari, O nggween paga yime nendage nggwok age, Eerigin o,” Yinuk, yereegerak o.

Ndawi 46:11

At Omaawi Lombok Menggerak Aliku ALA ninom wonage, At Yakup ogoba Ala pak wurik kwak nobappinanogo wonage, Eeke agaarik o.

Yetaya 13:11

It aakumi o nggween paga maluk eeko menggaarak nogo onggo eeppiige, It aap maluk eeka mendek inomaluk onggo inoba kwippiige, Nit iya o, yinuk, wogoppatit nugwi nogo tebenogo piige, Iniki worokot logonet, agan nugwi nogo inomaawi lek eerogo piige, Eerigin o.

Yetaya 2:11

It aakumi inigen tiyanak nugwi nogo tebenogo piige, “Nit iya,” mba'nuk tiyappatit nugwi nogo at abu'me tebenogo piige, Eerigin me, Ne ti eyom Aliku ALA alik mban endage tiyak yigin o.

Yetaya 2:16

Yiiro yo'nggok o Taritit mendek inom, yiiro abu abe ogobakkigirik abok inom, niyo inikime tebenogo pege,

Yetaya 2:18

At mban endage tiyak yigin me, inagugiwak eerak nogo mondok enggaawak lek aret arigin o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 5:16

At Omaawi Lombok Menggerak Aliku ALA nen eekaatak a'me nggelok eeppiyamenggerak paga endage tiyak ari, At kikak nakeelik alik leenak menggerak Ala ti, obeelom mban eerit nage paga at kikak nakeelik alik leenak menggerak nogo ineenu eeppiige, Eerigin o.