Yetaya 2:16 - Ala Wone Peenok Peebi Mbanak

¹⁶ Yiiro yo'nggok o Taritit mendek inom, yiiro abu abe ogobakkigirik abok inom, niyo inikime tebenogo pege,

Yetaya 2:16 ပူးပေါင်းရင်းမြစ်များ

1 Endagembogut 10:22

At endagembogut Talomo inom, at aap Kiram inom, yi mendek ndi mendek kunik wonok nagak-wagak eekak yuurak inayiiro ambik wonagagerak me, inayiiro nogo wonok wundi nogo nagaatik, mbuti emas inom, perak inom, gajah eyak inom, kera inom, towe yaawi inom, kunogo yiiro paga manabit nugwi iigak, tahun kenagan eeppunuk, wonok wagak eeko nogogwaarak.

Ndawi 47:7

Ala ti, it aakumi o nggween paga wonogwe abok aret Inowe endagembogut at aret wonage me, At anep pugu ndawi waruwok o.

Yetaya 2:17

Aakumi iniki wogoppakwi nogo tebenogo piige, inanggup tiyappakwi nogo at abu'me tebenogo piige, Eerigin me, Ne ti eyom paga Aliku ALA mban endage tiyak yigin o.

Yetaya 23:1

Aakumi Tirut mendek eeppiyoorak abinggaanggo paga Ala nen yoreegerak nogo yi aret. “It yiiro o Taritit nen wonok waga ti, Yiiro paga iname o Tirut wogwe me, aakumi nen, Wologwe! O kota Tirut nogo lek eerogo pogo logonet, kinawi wurik inom, kinayiiro paga yinggak-unggwagak eeko monggo'nom inom, lek aga o, yinuk, O Kitim nen konenggaarak nogo ti, abet aret me, inale yikkologo logowak o.

Yetaya 23:14

Togop me, it o Taritit nen yiiro wonok waga ti, Ineebe op wonogo menggam nogo lek eerogo pegaarak me, inale yikkologo logowak o.

Yetaya 60:9

It aakumi niyo oolo ku'mbanak paga wonogwe nogo, an ari neyo mban abet aret to'neego agaarik o. An ari neenok, yi yiiro ndi yiiro Taritit mendek nen mbuti perak mbuti emas wonok wogo menggaarak me, wonok wogo logonet, At aagalogwe o nda nen inaa'nduk wogoren wogwe, At mondok tiyanak ayuk warak eerogo pereegirak me, An Kikak Nakeelik Nalik Leenak Iterali inogoba Naliku Ala nayuk wuko logonet, iri wogwe, Eeko logogun o.

Yetaya 66:19

Eeppiinet naminggirak ineebe yumbunik inenggela'me ineenu agak ambi eerigin o. It aakumi inanebunu lombok o Taritit, Pun, Lut inom, o Metek, Iroti inom, Tuban, Yawan inom, nggween ku'mbanak o nda irip-irip time an eeke minggirak wone awo inaruk konengga'lek wonogwe, an tiyanak lombok minggirak nogo inigen kaga'lek wonogwe, eekwi nogo inom, it yumbunogo piyaminggirak nogo nappiyaminggirak aakumi inanebunu lombok inenggela'me time an tiyanak lombok logonet, iya tit eeppiige minggirak nogo yoranet nugu logogun o.

Yetikiyen 27:25

Yiiro o Taritit mendek nen at amindik-amendek kunggolaawak nduk, yi o ndi o wonok nugwi, Niyo laut oolo time amindik-amendek wonok nugwi aaninggin nen tebeninuk, wangge kagak nugwi,

Linggineegwaarak 33:52

it aakumi o time wonogwe nogo, mugogo wumbiinet nogo logonet, inagugiwak yebibit inom, inagugi ogot mbuti paga eerak inom, yigirogo pugwi, puut-puut paga inagugi aanggo warogo pogo menggam abok aret minogo pugwi, eeko logomenggaarik,

Wayu 18:11

Yo'nege nagaarik, ambi yo'nege logonet, “It aap yi awi ndi awi o nggween paga kunggo menggam unde menggaarak nogo kunduk, o kota Mbaben kwe yawukak pogom kani kumbugwi inigen kogo logomenggaarik, iniki wakkologo logonet,

Wayu 8:9

yi mendek ndi mendek niyo inikime nugu menggaarak nogo ando mogonogo teppege logonet, ando sepertiga nogo kambit nogwe, ndi, yiiro nggwok niyo ogombaga nugwi nogo ando mogonogo teppege logonet, ando sepertiga nogo kalenak-pugunik arit nage, eeke kagarak.