Yetaya 2:12 - Ala Wone Peenok Peebi Mbanak

¹² At Omaawi Lombok Menggerak Aliku ALA nen aakumi eeppiyoorak ne ambi koonogo pereegerak wonage o. Koonogo pereegerak ne ti eyom paga Aakumi iniki wogoppakwi inom, inanggup tiyappakwi inom, Ti mbakwi abok aret iniki tebe yuwak nduk eeppiige,

Yetaya 2:12 ပူးပေါင်းရင်းမြစ်များ

2 Tamuwen 22:28

It iniki tebeppakwi iinok, kat nen inagap ndake kwe, Iniki wogoppakwi iinok perak, Iniki tebeppatuwak nduk, kenegen wogoren nage, Eeke menggendak me,

Ayup 24:1

At Omaawi Lombok Menggerak nogo nen, Ne ndi paga maluk onggo eeppiyoorak, koonogo pege, It at mugurok nogwe nogo nen, It maluk eekwi Ala nen inowak loongge inigen kogwe, Eeka'lek ti, nonggop nduk o?

Ndawi 131:1

Kaliku ALA wae. An niniki wogoppake, Nenegen tebenak lek tiyanak lombok nege, Yi wone ndi wone nggwok mendek an koonit nage, Yi eekak ndi eekak iya mendek eeriyak mbake, Eekeelik o.

Ndawi 18:28

Kaliku ALA wae. Nandi wuninik logowak nduk eerogo panege, An o apit paga wonage neenok, Kat nogoba Ala nen eya eerogo panege,

Ndawi 37:13

At Aliku ALA nen Aap maluk eeka inenggaawak lek ariyak eyom abu panggoni wage at eenu wonage me, Inagi'ndok kangge menggerak o.

Ndawi 94:2

It nggween paga menggaarak inowak loongga yi wae. Pilak yu o. Pilak ari logomenggendik, It aap iniki wogoppako menggaarak nogo Eekwi onggo ndak-ndak eeppiyet o.

Kini Wuppiige 16:5

Aap iniki tiyappakwi abok aret Aliku ALA nen eebi lombok mbake menggerak me, Aap ti, maluk onggo eeppiyaagin lek ti lek, eeppiyaagin abet aret mbako logonip o.

Yetaya 10:12

At Ala nen it puut Tiyon paga wonogwe inom, kota Yerutalem wonogwe inom, eeppiyoorak koonogo pemenggerak nogo worok togon eeppiige kenok, at nen, “It Atiyut mendek inowe endagembogut wogoppake, An iya, mbarit nage, eeke ti paga aaninggin oba kwippigin o.

Yetaya 10:33

Togop eekwi iigirak me, Aakumi nen eyo eno'mbak konaarogo nappogo mengga kwak, At Omaawi Lombok Menggerak ninogoba Aliku ALA nen omaawi ambik paga it aap ineebe tebenogo piige, Inanggup tiyanak nogo eyo muurogo pogo mengga kwak, ineebe lek eerogo piige, Ndi, inendage tiyanak nogo inendage lek eerogo piige, Eerigin o.

Yetaya 13:11

It aakumi o nggween paga maluk eeko menggaarak nogo onggo eeppiige, It aap maluk eeka mendek inomaluk onggo inoba kwippiige, Nit iya o, yinuk, wogoppatit nugwi nogo tebenogo piige, Iniki worokot logonet, agan nugwi nogo inomaawi lek eerogo piige, Eerigin o.

Yetaya 13:6

Naliku an ALA nen eeppiyoorak eyom muk panggo yi wagaarak me, inale yikkologwe, Ti eeppiyoorak eyom ti, Nomaawi Lombok Minggirak an nen it lek eerogo piyaagin me, inaleenggu maakkologwe, Eeko logowak o.

Yetaya 13:9

Naliku an ALA nen o nggween paga yime yi oone ndi oone lek eerogo pege, It aap maluk eeko menggaarak nogo inenggaawak lek eerogo piige, Eeriyak eyom panggoni wage me, Naliku ALA nanini nen alik negen eeppiinet nage, Niniki aagi inombake logonet, maluk eerogo piinet nage, Eeri woroorak ne ti, mondok iya aret mbako logowak o.

Yetaya 14:15

Melak togon aakumi kambunuk nogo menggam mbo wuppagage, Mbuun ambe kiiniki paga lombok wuppagage, Eeke kagarak o.

Yetaya 23:9

Lek o! It aakumi eerit nugwi paga inendage tiyak ari kenok, wogoppakwi nogo abok aret tebenogo piige, It aap o nggween paga inendage warak wonogwe nogo lek eerogo piige, Eerikit nduk, Nomaawi Lombok Minggirak Naliku an ALA nen aret koonogo pege nagarik, lek eerogo pigirak o.

Yetaya 24:21

Ne ti eyom paga at Aliku ALA nen it inomaawi ambik mbogut irimbaga menggaarak nogo aaninggin inoba piige, Ndi, it o nggween paga yime it aakumi nggween paga mendek inoweewi inendagembogut nogo aaninggin inoba kwippiige, Eerigin o.

Yetaya 24:4

O nggween yi mbuk age logonet iri'ngga teebat niyo eerogo pege, Aakumi andi nen yagan wako mengga kwak, o yi yagan wake logonet, nenoorit unggwage, It aap nggween paga inendage abu tiyanak wonogwe nogo ineebe ndeyak aganabit unggwage, Eeke kagarak o.

Yetaya 40:23

It aap inendage warak wonogwe nogo inendage lek eerogo piige, Aakumi inarum waka o nggween paga wonogwe nogo tebenogo piige, Eeke menggerak o.

Yetaya 42:15

An nen puut-puut tiyarogon inom, teberogon inom, nggween mbuk eerogo pege, Iri'ngga-kale'ngga wonage nogo teebat eerogo pege, Niyo nage abok aret owak eerogo pege logonet, nggween kin eerogo pege, Yilaa'nggun yenggenak nogo poronogo pege, Eerigin o.

Yetaya 5:15

Inendage lek inendage warak imbirak tebenogo piige, Iniki wogoppatit inigen mbogut paga nugwi nogo inenggali aruwak nduk, eeppiige, Eerigin kwe,

Yeremiya 12:9

Yi towe ndi towe enggaanggum nengga nen Towe it mendek eeruwak yabenggek-ndabenggek aago nogo paga ninggippunuk, warogo mbelek togon nunggo mengga kwak, Neyate kwak napuri nogo togop aganakwi lek mbakop? Togop aganakwi aret me, ndiimbu-nggwiya abok aret nen nawak nduk, kuwak eerogo piya mok o.

Yeremiya 13:9

“Naliku ALA nen yokkege yi aret. Kobee'le agaarak kagandak nogo ti ndak-ndak it aakumi Yekura iniki wogoppakwi, it Yerutalem wonogwe nen, Nit iya lombok, mba'nuk, iniki tiyappakwi, eekwi nogo an nen lek eerogo piyaagin o.

Yeremiya 30:7

Ne ti ari wage kenok, aakumi nen, Ne ti iya, mbakwi, Ne aa'nduk arit wagagerak ti kwak lek mondok alik negen age kogwe, Eeko logogun o. Ne ti eyom paga aaninggin mondok alik negen it Yakup mendek inoba kwi'narigin kwe, Inagap ndarigin,” yegerak o.

Yeremiya 46:10

Ti eeriyak eyom nogo ti, Aliku ALA nen awim onggo eeppiyoorak aret o. Awim onggo eeppiyoorak aret me, At Omaawi Lombok Menggerak Aliku ALA onggo eeppiyoorak ake punik aret o. At Omaawi Lombok Menggerak ninogoba Aliku ALA nen O omarip paga pa'nggwe niyo Eparat aa'nggi paga taati ndomba warogo wogogwi kwak awim ineebe inoorit nagin me, Awooluwak awo ndonggoppega'lek kagak nenet mban nage, Inamiya ndonggoppanegi o, yaga'lek inoorit mban nage, Eeke logogin o.

Yeremiya 50:31

At Omaawi Lombok Menggerak Aliku nogoba Ala nen ari logonet, “At iniki wogoppaka ti, abet aret nawim nimbirak ogoorak me, At eeppuurak eyom panggoni wage, Eekerak onggo aaninggin oba kwippuurak eyom ari wage, Eekerak me,

Yetikiyen 13:5

Naliku ALA woroorak eyom paga wim eekwi iigak it Iterali mendek nu'lek logowak nduk inobak wurik eno polo-polo nagagerak nogo it ti nen ogobakkigirogo pega'lek aret agaarik o.

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Amot 5:18

Aliku ALA woroorak ne nogo, “Ari woraawak lak, ao,” yinuk, yogwe nogo, kinabuwa o! Ne ti eyom ti, o eya arigin lek o apit aret ariyak me, Aliku ALA woroorak ne nogo, “Ari woraawak lak, ao,” yinuk, nonggop nduk yogo ogotik?

Mika 2:3

Togop aret eeko menggaarak me, Aliku ALA nen ari logonet, “An nen it aakumi yi, maluk eerogo piyoorak koonogo pege me, inoba kwippiige neegak, kole mbaganggwi, Ne ti, maluk eerogo piyoorak eyom aret me, An iya! mbakak mbaganggwi, Eeriyak meek aret kaagun o.

Mika 5:11

Tili paganggwi paga pugu'ndalek eerogo piigo menggaarak nogo, lek eerogo pege, Inaguguruwo paga iniyok yilunogo piigo menggaarak nogo, lek eerogo pege, Eerigin o.

Tepaniya 1:16

Ne ti paga oone nggwok eeka trompet nogo oone pu eekwi, O kota-kota yugum pak wurik kagak wim namburi ungguwok nduk, keekok piyanggogwe, O tum wako logorak yerek-nggorek pak wurik unggut-unggut wurik kagak aan lebeni unggwuwok nduk, inanggut-nggut wakkogwe, Eekwi iyaagun o.

Tepaniya 3:11

Ne ti eyom paga it an noone taganogo mbo punuk, maluk eerogo panugo nogogwaarak nogo, inenggali wappiyaagin lek o. It inoreewi, Nit iya o, yinuk, iniki wogoppako logomenggaarak nogo, o yime nen mbo wumbiyaagin me, It ando perak, nabuut alik leenak paga yime wonogo logonet iniki wogoppako logogun lek aret o.

Maleyaki 4:1

At Omaawi Lombok Menggerak Aliku ALA nen ari logonet, “An nen aakumi eeppiya woroorak ne nogo ti, abet aret woraagin o. Yugum kani pugu wunuk ari menggi kwak, woraagin me, it aap iniki wogoppatit nega inom, maluk eeriyak mban mbaka inom, wiiringga kani nenet nage menggi kwak nenet nagin o. Ne ti paga kani nenet nage logonet, wiiringga owak inom, omanggen inom, pup eerogo nengge menggi kwak, togop aret eerogo nagin o.

Maleyaki 4:5

Naliku ALA woroorak ne abu nggwok aakumi inamineeri ne agan noorak mendek koorok panggoni wage kagak, an yoge neegak yoraga Eliya nogo, inowagam nappi wage neyaagun o.

Matiyut 23:12

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Lukat 14:11

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

1 Korindut 5:5

“Ninowe Yetut woroorak eyom paga kiniki agap ndaruwak nen, yogondak keebe maluk eeppagage logowak nduk, ninowe Yetut awone kili'niragagerak nogo paga keebe apit aret Ibilit eenggi paga pagago o,” yinuk, yogo logomonggotik, mondok endekem wumbunu o.

1 Tetalonika 5:2

At ninowe woroorak eyom nogo ti, aap yogoot wagangga nen oonikiya wogo menggaarak nogo pogom woraagin ti, muk kineenu aret o.

Yakobut 4:6

Aberiniki iniki togop aret wakkolage kagak kwe, maluk mbo puwak nduk, Ala iniki kunik nen eeppinanegak mban eeke menggerak. Ti kenok, Ala nen ari logonet, “It aakumi iniki wogoppako menggaarak nogo, an nen tebenogo piige minggirak kwe, Iniki tebenak menggaarak nogo perak, niniki kunik nen eeppiige minggirak o,” yinuk, yereegerak Ala wone liiru mbanak wonage o.